沿江路 (廣州市區)

喺珠江主航道北邊嘅沿江路（粵拼：jyun4 gong1 lou6）係中國廣東廣州嘅東西走向主幹道，喺荔灣區同越秀區入面，西邊從六二三路、鎮安路同西堤二馬路嘅交界開始，一直向東去到東湖路嘅二沙橋腳嗰頭。而駕駛方向除咗人民南路以西呢橛，同埋北京路以東嗰橛凈係畀從西向東行嘅單行線之外，其它部份都係雙向行駛。呢條路響1920年起，一直到1956年先至鋪好。

沿　江　路 YANJIANG ROAD

沿江西路嘅路牌（越秀區海珠南路口嗰嚿）

性質： 主幹道 全長： 2.946公里 行車線： 2～3車道 除咗人民南路至北京路：雙行綫 凈低嘅都係西向東嘅單行線 地區： 廣州市荔灣區、越秀區 起點： 六二三路、鎮安路同西堤二馬路嘅交界 終點： 東湖路嘅二沙橋腳 主要建築： 南方大廈 中山大學孫逸仙紀念醫院 粵海關舊址 西堤碼頭 天字碼頭 沙基慘案紀念碑 愛羣大酒店 江灣大酒店 塔影樓 大同酒家 永安堂 廣州郵政博覽館 黃埔軍校同學會舊址 海山樓遺址

概要

全長2946米，闊11～20米，2～3車道。除咗人民南路以西呢橛，同埋北京路以東嗰橛凈係畀從西向東行嘅單行線之外，其它部份都係雙向行駛。而呢條馬路係分開咗西、中、東三條。

沿江路嘅三條道路，起點到終點

• 沿江西路：從六二三路、鎮安路同西堤二馬路交界嘅位開始一直去到海珠廣場嗰度。
• 沿江中路：從海珠廣場開始一直去到東華南路嗰度。
• 沿江東路：從東華南路開始一直去到東湖路嗰度。

史

1920年代嘅東堤

1930年代嘅西堤。右邊係而家嘅南方大廈，東邊隔籬係而家嘅廣州郵政博覽館。

1930年代嘅西堤。喺西堤碼頭嗰邊向南望過去，對面就係河南。

早期嘅沿江路

其實喺好耐之前，呢度重係珠江北邊嘅一笪沙灘。不過到咗1920年，嗰時嘅市政府喺逐漸被嚟負責起堤壩，結果就整咗條馬路出嚟，嗰時條馬路就改咗「南堤大馬路」嘅名。到咗1932年就喺珠江西邊搞填河計劃，結果將珠江北邊嘅淺灘改咗嚟起兩條馬路。其中一條係新堤大馬路，重有一條係西堤馬路。嗰時嘅新堤大馬路好短，凈係從南方大廈去到太平南路（而家係人民南路）口嗰邊。而呢條馬路喺1940年嗰陣改咗嗌，新堤大馬路同西堤馬路一齊合併，重嗌咗「哲生路」嘅名。喺20世紀50年代之前，嗰時嘅「哲生路同南堤大馬路」凈係從而家沙基嗰邊去到八旗二馬路附近嗰頭。

到咗1951年，八旗大馬路就改咗嗌「東堤大馬路」嘅名。而沿江東路嗰橛就喺東堤大馬路改咗名之後嘅第5年（1956年）起好咗。

文化大革命時期

喺1966年，由於文化大革命爆發，廣州市入面有好多條馬路改咗名，呢條馬路亦唔例外。就喺1967年，哲生路就改咗名嗌「沿江一路」；東堤大馬路就改咗名嗌「沿江二路」同「沿江三路」；而沿江東路就變咗「沿江四路」嘅名。

又再改次名

到咗1982年，之前嗌過「哲生路」同「東堤大馬路」呢兩條路，就一直冇再恢復返之前嘅名，而係分別改咗嗌「沿江西路」同埋「沿江中路」。到咗1984年，之前嗌過「沿江四路」嘅名條馬路，就改返之前嗌過「沿江東路」嘅名重一直用到而家。

經過嘅道路

呢度啲馬路係從西向東嚟排，其中加粗咗嘅字係主幹道：

• 六二三路、鎮安路、白天鵝專用高架、人民橋（穿過，唔連埋一齊）
• 新基路
• 德興路
• 靖遠路
• 人民南路
• 仁濟路
• 長堤大馬路
• 新堤三橫路
• 新堤二橫路
• 新堤一橫路
• 長堤大馬路
• 解放南路、解放大橋（穿過，唔連埋一齊）
• 僑光西路
• 海珠橋（穿過，唔連埋一齊）
• 僑光東路
• 迴龍路
• 北京路
• 文德路
• 德政南路
• 東園路
• 挹翠路
• 東沙角路
• 東華南路、江灣大橋（穿過，唔連埋一齊）
• 大沙頭三馬路
• 東湖路、海印橋（穿過，唔連埋一齊）、二沙橋

特色

之前呢條馬路俾人話成係「廣州嘅外灘」，喺1912年開始，沿江路同長堤一帶都係廣州市入面，最繁華嘅街道，其中有好多老字號嘅品牌檔，但係到咗20世紀尾就開始行向衰落。喺廣州嘅一河兩岸嘅燈光工程入面，呢條馬路嘅建築係經過重新裝修同改造過。而廣告招牌同霓紅燈、古樹嗰方面，都幾多下。半佬重有酒吧、飯店等呢啲場所。雖然喺沿江西路入面有好多西方特色嘅洋樓建築，但係一到咗沿江東路嗰邊就好冷清喇，因為大沙頭嗰帶係賣電子產品嘅舖頭。

沿江路酒吧街

喺沿江西路嘅仁濟路到解放南路之間係一條酒吧街，每晚到亥時就好熱鬧。嗰度重俾廣州街坊話係「時尚夜生活一條街」。