洗頭艇
典故
編輯香港南面屬於中國大陸廣東珠海嘅桂山島同外伶仃島，喺1990年代尾嗰時發展咗好多色情事業，畀人叫做「淫島」。有啲香港男人想瞞住老婆去「尋歡」，但又唔想畀老婆見到回鄉證簿仔扱咗出入境印，所以就幫襯黑幫搞嘅非法艇仔航線，由香港仔或長洲偷渡去呢啲島。皆因島上色情業主要係鹹濕飛髮舖，而飛髮舖有洗頭服務，所以呢啲艇仔就叫「洗頭艇」。到2000年代頭，當局打擊呢種偷渡活動，「洗頭艇」已經喺2003年到2004年基本上消失嗮[2]。
相關事件
編輯2015年尾到2016年頭，賣中共禁書出名嘅銅鑼灣書店，股東李波等五位相關人士先後離奇失蹤，社會輿論好多都認為係畀中共捉走。香港立法會議員吳亮星就引述老友消息，話五個人係坐「洗頭艇」返大陸「宿娼嫖妓」先至畀公安捉住，引起社會廣泛批評，結果第二日就要道歉[3]。
相關
編輯參考
編輯- ↑ 〈政府部門常用辭彙：洗頭艇〉。原著喺2020年7月9號歸檔。喺2020年7月9號搵到。
- ↑ 「洗頭艇」係乜？同大家溫故知新
- ↑ 李波妻批嫖妓論當港人白癡 吳亮星兩度道歉