爸爸去哪兒 (第五季)
《爸爸去哪兒》第五季（英文：Where Are We Going, Dad? 5），係中國大陸芒果TV喺2017年第四季度推出嘅一檔親子互動真人騷節目。節目版權引進自韓國MBC電視台，概念參考自MBC節目《爸爸 你去哪兒》，係該系列節目嘅第五季，由製作人周山同佢團隊製作。節目喺2017年8月開始錄製，2017年9月7號中午12點播出「先導篇」，2017年9月14號開始逢星期四中午12點上線播出[a]，首播平台係芒果TV同優酷網。海外方面，馬來西亞嘅Astro全佳HD喺2017年9月9號開始逢星期六夜晚9點一齊播出。
| 爸爸去哪兒 第五季 Where Are We Going, Dad? 5 | ||||
|---|---|---|---|---|
 《爸爸去哪兒》第五季片頭 | ||||
| 類型 | 親子互動真人騷 | |||
| 格式 | 季播電視節目 | |||
| 主持 | 李銳 | |||
| 聯合主持 | 鄒明軒（第一站至第三站） | |||
| 主演 | 《爸爸去哪兒》參加人物 | |||
| 國家／地區 |  中國大陸 | |||
| 語言 | 普通話 | |||
| 字幕 | 簡體中文 | |||
| 集數 | 12+1（先導篇） | |||
| 每集長度 | 90分鐘 | |||
| 主題曲 | 《爸爸去哪兒》 | |||
| 作曲 | 葉聖濤 | |||
| 填詞 | 吳夢知、葉聖濤 | |||
| 主唱 | 《爸爸去哪兒》主題曲人物 | |||
| 製作 | ||||
| 出品人 | 張勇 | |||
| 總監制 | 蔡懷軍 | |||
| 監製 | 劉琛良、謝鄰 | |||
| 顧問 | 單丹霞 | |||
| 拍攝地 |  中國福建、山西、貴州 | |||
| 機位 | 多機位 | |||
| 製作公司 | 湖南快樂陽光互動娛樂傳媒有限公司 | |||
| 播映 | ||||
| 首播頻道 | 芒果TV、優酷網 | |||
| 播出日期 | 2017年9月7號—11月30號 | |||
| 附加資料 | ||||
| 拍攝日期 | 2017年8月17號—11月12號 | |||
| 季度年表 | ||||
| ||||
| 官方網站 | 芒果TV官方頻道 | |||
製作
編輯第五季嘅製作人重係周山同佢團隊，並由衛視版《爸爸去哪兒》第三季嘅製作人單丹霞做製作顧問。同第四季相比，呢季喺節目內容上做咗一定嘅調整，參加節目嘅固定阿爸同細路由六組調整做五組，組成形式都由原來嘅「3+3」調整做「4+1」，即四位阿爸攜帶自己嘅親生細路，外加一位實習阿爸攜帶素人萌娃嘅形式。而喺主持人方面，呢季除繼續由李銳做代理村長之外，重邀請到參加過《爸爸去哪兒》第三季嘅鄒明軒做村長助理。
宣傳
編輯呢季節目開播前夕，咁啱湖南廣播電視台向中共湖南省委公布2017年巡視整改情況。整改情況通報入面話，湖南衛視《爸爸去哪兒》為吸引觀眾眼球，又過度消費明星子女嘅嫌疑，對青少年健康成長冇好處。湖南廣播電視台按照廣電總局要求，取消咗湖南衛視《爸爸去哪兒》節目2017年播出計劃[1]。但係呢個消息就被微博娛樂營銷號同電子媒體錯誤解讀做呢季節目就嚟停播[2]。事實上，通報入面所指嘅節目係衛視版《爸爸去哪兒》，而《爸爸去哪兒》自2016年3月廣電總局出台「限童令」之後就已轉型做芒果TV網綜，所謂嘅「停播」剩係唔再喺湖南衛視上星播出而已，並唔會影響到呢季節目嘅播出計劃。喺呢段時期，呢季《爸爸去哪兒》第二站嘅節目都係正常錄製緊。但係自「停播門」事件發生後，節目組同芒果TV方面並冇對呢次做任何回應，《爸爸去哪兒》節目官方微博都暫停更新，直到開播前一日先恢復。
參加人物
編輯第五季參演嘅五位成年人分別係嚟自演藝界嘅陳小春、杜江、劉畊宏、吳尊同鄧倫（實習）。細路部分就有三男三女。
| 父親 | 孩子 | |||
| 姓名 | 生日 | 姓名 | 性別 | 生日 |
 陳小春 |
1967年7月8號 | 陳胤捷 （Jasper／小小春） |
男 | 2013年7月1號 |
 杜江 |
1985年9月10號 | 杜宇麒 （嗯哼） |
男 | 2013年9月19號 |
 劉畊宏 |
1972年10月7號 | 劉宇芙 （小泡芙） |
女 | 2013年7月22號 |
 吳尊 |
1979年10月10號 | 吳欣怡 （Neinei） |
女 | 2010年10月10號 |
| Max | 男 | 2013年10月11號 | ||
| 實習父親 | 素人萌娃 | |||
| 姓名 | 生日 | 姓名 | 性別 | 生日 |
| 鄧倫 |
1992年10月21號 | 紀美伊 （小山竹） |
女 | 2012年9月19號 |
主題曲
編輯呢季節目嘅主題曲重係由參加節目嘅五位爸爸同細路一齊演唱，首歌嘅音頻喺2017年9月8號全網同步上線[3]。同往季節目唔同嘅係，喺呢季節目入面，節目組除咗對主題曲進行重新編曲之外，歌詞部分較以往都有較大改動。除每節主歌嘅前兩句，每節副歌嘅第一句「老爸，老爸，我們去哪裡呀」同第五、六節副歌係原版歌詞外，其他部分都進行重新填詞。
節目內容同路線
編輯時間都係2017年，實際內容以嗰日播出做準，詳情來源喺節目每集內容。
| 站驛 | 錄製時間 | 集數 | 播出日期 | 地點 | 內容 | 備註 | |
| 位置 | 地理形態 | ||||||
| 第一站 | 8月17號－19號[4] | 1 | 9月14號 | 福建福州 平潭縣[b] 東庠島 |
華東地區海島 | 實習爸爸默契考驗／抖土豆選房 共進午餐／挑選船槳 釣魚比賽／製作晚餐 |
喺呢站，鄒明軒做村長助理 |
| 2 | 9月21號 | 福建福州 平潭縣[b] 蘇澳鎮 鍾門村 （貓頭乾村） |
翻螃蟹殼贏早餐 沙灘運動會 共進午餐 尋找音樂石頭 鄧倫照顧六個孩子／出海捕魚 街頭賣魚 | ||||
| 第二站 | 9月5號－7號[5] | 3 | 9月28號 | 山西晉中 介休市 龍鳳鎮 張壁村 （張壁古堡） |
華北地區汾河谷地 | 打氣球選房 製作午餐 寶貝尋找家中缺失物品／爸爸磨面 長幼有序測試 |
喺呢站，鄒明軒做村長助理，因Jasper病咗，陳小春父子喺午餐製作完後到錄製現場，之前所有任務都由李銳同鄒明軒代為完成 |
| 4 | 10月5號 | 山西晉中 平遙縣 平遙古城 |
臉部拔河贏早餐 皮影戲表演 共進午餐 平遙古城角色扮演 共進晚餐／送鏢任務 麵神大賽 | ||||
| 第三站 | 9月21號－23號[6] | 5 | 10月12號 | 貴州黔東南 興義市 清水河鎮 聯豐村 （雨補魯天坑） |
西南地區雲貴高原 | 選畫挑房 幫老鄉做農活／製作樂器 八音坐唱／共同演奏節目主題曲 品嚐八大碗 當田螺姑娘裝飾房子 萌娃坑不坑 |
喺呢站，鄒明軒做村長助理；Max因身體唔舒服，冇參與摘火龍果，改同阿爸搭帳篷 |
| 6 | 10月19號 | 猜拳贏早餐 踩腳踏車抵達萬峰林 團體運積木／吃冰淇淋 品嚐蛋炒飯午餐 陳小春帶寶貝摘火龍果換食材／爸爸搭帳篷 製作晚餐 微笑販賣機 | |||||
| 第四站 | 10月7號－9號[7] | 7 | 10月26號 | 湖南湘西 鳳凰縣 麻沖鄉 扭仁村 |
中南地區武陵山脈 | 船上搶答問題 配對油紙傘選房／地圖尋房 寶貝找樹上的老爺爺領午餐 找自己名字的信物出城 「會說話」的物品測試 |
鄧倫因飛機晚點，午餐完咗先到達，之前嘅尋房任務由李銳陪同小山竹完成；搵自己名字嘅信物出城環節喺黃絲橋古城進行；阿媽就首次參加錄製，李沁做實習阿媽同鄧倫同小山竹搭檔完成錄製；Neinei同Max嘅阿媽林麗瑩因身體原因剩係參與咗製作早餐同午餐兩個環節嘅錄製，呢次錄製亦係林麗瑩喺中國大陸嘅綜藝首次亮相 |
| 8 | 11月2號 | 媽媽團駕到／為爸爸和寶貝們製作早餐 寶貝們指認自己的媽媽 媽媽帶寶貝們分組完成任務／吳尊一家為大家製作午餐 共進午餐 為媽媽們贏取銀飾 鋼火燒龍表演 | |||||
| 第五站 | 10月23號－25號[8] | 9 | 11月9號 | 甘肅甘南 迭部縣 益哇鎮 扎尕那村 |
西北地區青藏高原 | 挑箱子跳落選房 共進午餐 交換寶貝／分組完成任務 為新寶貝製作晚餐 旅行記憶大考驗 |
Max冇參與交換寶貝環節，而喺跟阿爸同小山竹一齊完成任務；旅行記憶大考驗完咗後，阿爸就返到自己嘅寶貝身邊；幫忙趕豬環節，Max由阿爸吳尊陪同完成任務，小泡芙冇參與該任務 |
| 10 | 11月16號 | 寶貝幫忙趕豬／爸爸擠牛奶 打酥油／共進早餐 自然力運動會 | |||||
| 第六站 | 11月10號－12號[9] | 11 | 11月23日 | 安徽黃山 徽州區 呈坎鎮 呈坎村 |
華東地區江南丘陵 | ||
| 12 | 11月30號 | ||||||
宣傳活動
編輯| 播出時間 | 活動 | 出席演員 |
|---|---|---|
| 2017年11月11號 | 《快樂大本營》 | 杜江、吳尊 |
注釋
編輯- ↑ 逢星期四中午12點會員搶先睇，逢星期五中午12點免費睇。
- ↑ 2.0 2.1 平潭縣實際上由正地廳級嘅福建省平潭綜合實驗區管轄。
參考
編輯- ↑ 〈中共湖南廣播電視台委員會關於巡視整改情況的通報〉。三湘風紀網（中國共產黨湖南省紀律檢查委員會、湖南省監察廳）。2017-08-30。喺2017-09-02搵到。
- ↑ 〈《爸爸去哪兒》停播門的背後 是親子類綜藝的裹足不前〉。《鳳凰網》。2017-09-06。喺2017-09-11搵到。
- ↑ 〈爸爸去哪兒（《爸爸去哪兒第五季》主題曲） - 華語群星〉。《QQ音樂》。2017-09-08。喺2017-09-11搵到。
- ↑ 〈爸爸去哪兒平潭錄製時間+地點+嘉賓〉。《福州本地寶》。2017-08-17。原著喺2017-10-07歸檔。喺2017-09-11搵到。
- ↑ 〈沒被叫停？杜江帶嗯哼被曝已繼續錄製《爸爸5》〉。《鳳凰網娛樂》。2017-09-04。原著喺2017-09-06歸檔。喺2017-09-11搵到。
- ↑ 吳小國 (2017-09-20)。〈陳小春、吳尊等家庭抵達興義 《爸爸去哪兒》今日開拍〉。《興義之窗》。原著喺2017-09-23歸檔。喺2017-09-22搵到。
- ↑ 微湘西 (2017-10-07)。〈男神來啦！《爸爸去哪兒第五季》來鳳凰拍攝！陳小春、吳尊等明星今天都到啦！〉。《搜狐》。喺2017-10-13搵到。
- ↑ 〈《爸爸去哪兒》第五季在甘南州迭部縣拍攝（組圖）〉。《中國甘肅網》。2017-10-27。原著喺2017-11-07歸檔。喺2017-10-31搵到。
- ↑ 〈《爸爸去哪兒》第五季收官錄製路透照 安吉阿拉蕾回歸〉。《國際在線》。2017-11-12。喺2017-11-12搵到。
出面網頁
編輯- 爸爸去哪兒嘅新浪微博（大陸簡體）
- 《爸爸去哪兒第五季》芒果TV官方頻道（大陸簡體）
| 爸爸去哪兒系列節目變遷 | ||
|---|---|---|
| 上個節目 | 爸爸去哪兒（第五季） （2017年9月7號－2017年11月30號） | 下個節目 |
| 爸爸去哪兒（第四季） （2016年10月7號－2017年1月6號） | 待定 | |
 馬來西亞 Astro全佳HD 逢星期六 21:00－23:009月9號 21:00－21:40 | ||
|---|---|---|
| 上個節目 | 爸爸去哪兒（第五季） （2017年9月9號－2017年12月2號） | 下個節目 |
| 我們十七歲（21:30－23:00） （2017年7月22號－2017年9月2號[a]） | 待定 | |
- ^ a. 2017年9月17號開始，播出時間調整做逢星期日21:30。