甄妮
甄妮（1953年4月3號—），原名甄淑詩，又叫甄苡婷，係粵語同埋華文流行樂壇歌手 [1]。1971年出道，先後以國語時代曲及粵語流行曲走紅台灣及香港樂壇，係第一代同時走紅海峽兩岸嘅華語歌手 [2]。2010年，甄氏入選全球華人音樂殿堂華語金曲獎30年經典評選 [3][4]，位列中港臺歌手總排名第六（香港區排名第三，台灣區排名第四），獲評為跨越20世紀唔同時代並且分別留下出色國、粵語經典嘅「雙料」歌后。甄妮嗓音渾厚，音域廣闊 [5]，被香港詞人黃霑封為「樂壇巨肺」[6]。甄妮亦以美聲唱腔及現場演唱功力馳名，被譽為一代實力唱將。
| 甄妮 | |||||
|---|---|---|---|---|---|
| 女歌手 | |||||
| 原名 | 甄淑詩 | ||||
| 英文名 | Jenny Tseng | ||||
| 別名 | 甄苡婷 | ||||
| 國籍 |  加拿大[1] 中華民國 | ||||
| 籍貫 | 廣東恩平平塘 | ||||
| 出世 | 1953年4月3號.svg){kind=small} 葡屬澳門 | ||||
| 職業 | 歌手、電影演員、主持人、作家、戲劇演員 | ||||
| 語言 | 國語、台語、粵語、英語、印尼語 | ||||
| 宗教信仰 | 佛教 | ||||
| 配偶 | 傅聲（1977年結婚；1983年逝世） | ||||
| 仔女 | 1女 | ||||
| 屋企人 | 李立崴（外甥，1974年到2013年） | ||||
| 音樂類 | 華語流行音樂、粵語流行音樂 | ||||
| 出道地 |  臺灣 | ||||
| 出道日期 | 1971年 | ||||
| 出道作品 | 臺灣：心湖、朦朧的愛（1971）.svg){kind=small} 香港：奮鬥、明日話今天（1978） | ||||
| 代表作品 | 〈誓言〉、〈海誓山盟〉、〈雲河〉、〈鐵血丹心〉、〈海上花〉、〈再度孤獨〉 | ||||
| 活躍年代 | 1971年到2017年 | ||||
| 唱片公司 | 銀河唱片（1971年到1972年） 海山唱片（1972年到1978年） 新興全音（1978年到1980年） 金音符唱片（1980年到1983年） CBS/Sony（1984年到1987年、1989年到1990年） 華星唱片（1987年到1988年） 滾石唱片（1989年到1991年） EEG（2001年） 福茂唱片（2004年） | ||||
| 網路電影資料庫（IMDb）資訊 | |||||
| |||||
甄妮喺1981年獲頒台灣金鐘獎最佳女歌星獎，又喺1984年度香港十大勁歌金曲頒獎典禮奪得「最受歡迎女歌星」，成為香港首位奪得這大獎嘅天后級歌手。她亦曾喺1977至1982年度當選十大遠東明星。丈夫係已故邵氏影星傅聲。
甄氏喺七十年代同台灣音樂大師劉家昌合作無間，演譯國語電影主題曲。據悉，甄氏同埋同期嘅鄧麗君、鳳飛飛三個幾乎瓜分咗當時嘅台灣唱片市場，影響力遍及東南亞 [7]。
七七年嫁咗傅聲之後轉咗去香港發展，甄氏就加入顧家煇及黃霑開展嘅「煇黃」粵語時代曲年代。除咗演譯過八十年代包括《射雕英雄傳》主題曲系列嘅經典電視主題曲，甄氏亦自組金音符唱片公司，成為當年本地獨立音樂制作先驅。
甄妮喺八十年代初中期擠身香港頂尖歌手行列 [8]，係香港流行樂壇第一代「天皇巨星」[9]，好似許冠傑、羅文、徐小鳳等，當中較年輕嘅一位。甄氏亦曾經同譚詠麟喺八四年共同獲得各大「最受歡迎男女歌星」獎項。
甄氏喺九十年代初退隱美國，近十年來再度活躍世界巡廻演唱及農莊發展。甄妮共出版超過130張專輯唱片及精選輯，銷量過千萬。
- 1978年甄妮喺香港推出首張個人粵語專輯《奮鬥》。張專輯打破咗香港開埠以來唱片銷售紀錄，喺頭兩個月賣出25萬張，並雄踞當年大碟銷量榜首位達十二星期。該專輯總銷量喺多年後仍然係IFPI認證嘅最高數字（40萬張）。
- 1981年，甄妮以甄、傅兩個姓氏做抬頭，喺香港創立咗金音符唱片（Jenfu），做獨立音樂制作。兩年間制作咗三張白金唱片(《不要再重逢》、《心聲》、《憶夢/木頭人》)及兩張唱片(《衝擊》、《播音人》)。當中《憶夢/木頭人》係當年稀有嘅概念大碟。
- 1983年甄妮同羅文用當年罕有嘅跨唱片公司合作形式推出咗《射雕英雄傳》電視原聲大碟。該專輯被譽為當代巨星經典合唱。隨著該劇喺八十年代末喺中國大陸轉播，《鐵血丹心》一曲喺內地傳頌多時，近年獲國內流行樂評推許為二十世紀十大華語經典之一。
- 1984年加盟CBS/Sony並推出全新個人專輯。《再度孤獨/迷人的五月》唱片專輯跟譚詠麟當年的《霧之戀》及《愛的根源》大碟入圍全年最高銷量三甲。
- 1984年五月，甄妮繼許冠傑之後成為第二位進入香港紅磡體育館舉行售票演唱會的歌星。演唱會名為「閃閃五月星」，在再三加場下場數增至七場。隔月發行的《甄妮演唱會精選》現場錄音創下20萬張銷售量。同年奪得首屆無線勁歌金曲頒獎典禮「最受歡迎女歌星」獎項。
- 1985年參與由羅大佑作曲，臺灣群星演譯，獲譽為華語流行樂壇史上最成功的公益單曲《明天會更好》。
- 1986年暑期再舉辦10場名為「再見15年演唱會」。同年獲邀喺泰國泰王御前獻唱，並參與由周潤發同鄧光榮擔綱演出嘅《江湖龍虎鬥》。
- 1986年年底推出電影《海上花》原聲大碟。該劇同名主題曲《海上花》紅遍全球華語社群，也成為她往美國產女退隱前的最後一個唱片事業高潮。
- 1987年產後回港加盟華星唱片推出全新個人專輯《冷冷的秋》。
- 1991年，承接佢喺中央電視臺嘅春節晚會所演譯嘅《魯冰花》喺內地掀起熱潮，甄妮喺廣州等多個內地城市舉辦個人演唱會，並創下當時最高薪酬女歌手紀錄。
- 1998年甄妮受顧嘉煇同黃霑之邀復出參加「煇黃演唱會」，同香港眾多經典歌星一同演繹國粵語經典。1999年甄妮再次獲邀參加「千禧煇黃演唱會」。
- 2000年3月10日-3月12日由恆藝亞洲為甄妮復出所舉辦嘅「一份真」演唱會，於香港紅磡體育館創下百份百入座率嘅記錄 [10]。
- 2000年、2002年、2004年、2006年及2007年舉行世界巡廻演唱。足跡遍及美國東西兩岸、加拿大、澳洲、馬來西亞雲頂、新加坡、中國大陸、台灣及澳門。
- 2004年5月及2006年11月分別在香港再開咗各三場sold-out演唱會。當中「自然瘋演唱會」更出現觀眾完場不肯走，甄妮Encore長達半個小時的有趣情怳。
- 2006年6月1-7日，獲邀為劉家昌於香港紅磡體育館所舉辦的七場往事只能回味演唱會作駐場演唱嘉賓。
- 2010年5月6日至9日於香港體育館舉行《甄妮愛SHOW Farewell World Tour》。是次演唱為甄氏告別個唱舞臺的世界巡回演唱首站，尾場更獲八十高齡的粵劇名伶白雪仙親往捧場。[11][12]
- 2010年10月23日為《愛SHOW Farewell World Tour》台北場首次登上台灣臺北小巨蛋舉行個人演唱會。
歷年唱片及演唱經典
編輯國語代表作有：《我家在那裏》《海誓山盟》《雲河》《海鷗》《晴時多雲偶陣雨》《誓言》《梅花》《天真活潑又美麗》《秋歌》《可愛的玫瑰花》《初戀的故事》《郊道》《想你又能怎麼樣》《小薇小薇》《朦朧的愛》《有人對我說》《也許》《珍重》《悄悄的等》《海上花》《魯冰花》《五月的花》《蝶舞》《春之戀歌》《追憶》《陌生人》《是誰喚走了你》《深秋楓紅》《巍巍的高山上》《愛情長跑》《喝釆》《風流斷劍小小刀》《到底是為了誰》《愛與淚珠》《怎麼能》《我不知我愛你》《夢中的媽媽》《明天會更好》《當我有了你》《酒干倘賣無》《夢的去向》《霧中夢》《你心我心》《編個夢兒送給你》《三年》《夜來香》《今宵多珍重》《期待你的愛》《綠島小夜曲》《喚山山不走過來》《明日天涯》《梅蘭梅蘭我愛你》《願望》《楊花》《血染的風釆》等等。
粵語代表作有：《明日話今天》《春雨彎刀》《奮鬥》《東方之珠》《無敵是愛》《命運》《心曲》《播音人/愛定你一個》《木頭人》《待月草》《再度孤獨 Love is over》《衝擊》《小鳥高飛》《親親夢裏人》《莫彷徨》《仁者無敵》《難自禁想著你》《知更鳥》《夢想號黃包車》《心聲》《打火機》《雨中交響曲》《飛翔境界》《最後一舞》《塵》《迷人的五月》《最後的玫瑰》《留下我美夢》《冷冷的秋》《紅唇綠酒》《七級半地震》《第二個春天》《不裝飾的世界》《皆因你的愛》《舊舞衣》《今夜又被軟化》《我曾用心愛著你》《為你而歌》《Dancing All Night》《信是有緣》《路》《獨白》《幾個風雨天》《何日再見》。還有與羅文合唱的《射雕英雄傳》主題曲系列：《鐵血丹心》《一生有意義》《世間始終你好》及《成吉思汗》主題曲《問誰領風騷》等。
參考
編輯- 《流聲》 黃志淙著 香港民政事務局出版 ISBN 978-962-02-0366-4
- 《粵語流行曲四十年》 黃志華著 三聯出版 ISBN 962-04-0876-4
- 香港流行樂壇回顧－黃霑博士港大論文
- 香港樂壇25年的發展
- 粵語流行曲黑膠唱片