白切雞

白切雞（粵拼：baak6 cit3 gai1），又叫做白斬雞，係雞嘅一種烹調方法，將雞殺之後以蒸熟或以熱水浸熟而成，過程中唔加入香料，或淨係用好少嘅調味；目的係等雞嘅自然鮮味盡量顯露。白切雞係粵菜嘅傳統菜色之一，響廣東、海南等各地好常見；亦係廣東燒味嘅其中一種。

傳統嘅白切雞煮法以浸為主。將水煲滾之後，就閂咗爐火，再將雞放入熱水，閂蓋，等熱水將雞浸熟，然後浸凍水等雞皮更味美。哩種煮法嘅白切雞優點係唔會過熟，肉質鮮嫩；缺點係雞可能未完全熟透，喺衛生上未必能完全附合要求。另一種煮法係將雞放在鍋內以熱水蒸熟。

最正嘅白切雞採用品種好、新鮮肥美嘅嫩雞（雞項或未生過蛋嘅雞乸）來製作，傳統嘅標準係煮到啱啱好熟。以皮滑，肉嫩，味鮮為佳。食白切雞嘅時候通常會點啲以薑末、蔥粒同熱油整嘅薑蓉，增加風味。

睇埋

呢篇白切雞係關於食物嘅楔位文章，重未完成嘅。麻煩你幫手補充佢嘅內容。