蔥(學名:Allium fistulosum),亦寫做葱,係亞洲一種好普遍嘅蔬菜,又可以做調味品。
蔥從艸從悤。悤有通心之意,意謂蔥係通心嘅草。聰明個聰都係從悤。廣東人亦攞意頭,話食蔥會聰明。
佢係草本植物,葉圓筒形,中間個心係空,好易斷,呈青色。
遍佈成個中國,最出名嘅係山東章丘。
喺亞洲好多地方,蔥係煮嘢食唔可以缺少嘅。
藥用方面,《神農本草經》講過蔥「主傷寒,寒熱,出汗,中風,面目腫」。
喺中國貴州種嘅蔥
喺日本相州種嘅蔥
Allium fistulosum - Museum specimen