白語
白語（粵拼：baak6 jyu5；僰字：白語子，拉丁字：Baip Ngvp Zix）係住喺中國雲南省嘅白族嘅語言。白語自稱白語子/Baip Ngvp Zix，呢個單語亦意味住白族，另外又叫民家話（man4 gaa1 waa6*2），因為白族又叫民家。講嘅人口約130萬人（2003年）[1]。佢係聲調語言，關於佢嘅系屬有得拗，佢係漢藏語系嘅語種，但究竟係漢語族定藏緬語族就好成問題。而家學界妥協噉暫時放喺藏緬語族，噉樣安全啲。雖然啲人認爲佢係藏緬語，但佢嘅基本語序同中文一樣係SVO形（主語-動詞-賓語），呢點同一般嘅藏緬語唔同。另外，佢同中文語彙嘅共通率好高，呢個亦係劃佢入漢語族嘅一個因素。
| 白語 | |
|---|---|
| 白語子／Baip Ngvp Zix | |
| 發音 | /pɛ̰˦˨ ŋv̰̩˦˨ ʦɿ˧/ |
| 用嘅國家、地區 | 中國 |
| 區域 | 雲南大理州及週邊 |
| 講嘅人口 | 130萬人（2003年）[1] |
| 系屬 | |
| 文字 | 僰字、拉丁字母 |
| 官方地位 | |
| 官方語言 | 大理州等白族自治地方 |
| 管理機構 | 無 |
| 語言代碼 | |
| ISO 639-1 | 無 |
| ISO 639-3 | 各項代碼: bfs 南部方言 bca 中部方言 bfc 北部方言 lay 勒墨方言 |
語言體系
編輯語彙、發音嘅特徵同藏緬語族嘅彝語相似。白族嘅語言學者徐琳同趙衍蓀發現白語嘅元音有緊張音同弛緩音嘅對立現象，複合元音好少，無閉音節（字尾嘅輔音），呢啲發音特徵同彝語一樣。喺基本語彙，同彝語嘅共通語源嘅單詞唔少，所以可以認爲同彝語係同一組。不過，鄭張尚芳指出話，佢嘅基本語彙同漢語共通嘅嘢亦多，同上古漢語嘅發音相合，出於呢啲理由，可以同漢語構成同一個語族，起名做「漢白語族」。喺白族人中，亦有張海秋等人認爲佢係屬漢語族嘅語言。不過，美國語言學者馬提索夫指摘話唔係，而係同彝、緬語支相近[2]。雙方爭論嘅點，都喺白語大量使用漢語語彙嘅現象，雙方嘅論據都喺呢度爭。
白語嘅基本語序係SVO型，同漢語一樣。其他嘅藏緬語族嘅語言，除咗泰國嘅克倫語受泰文影響變成咗SVO型以外，其餘都係SOV型，同白語唔同。不過，呢樣認爲係白語長期受漢語影響嘅結果，就算係而家都處於漢語語彙急速增加嘅狀況。另外，否定副詞會放喺動詞前面，或者因方言而異噉後置。喺噉嘅狀況，似印歐語噉用基本語彙判定語言系統，或者用語序來判定，都唔適用於白語身上，所以一下子諗唔到佢嘅系屬。
方言
編輯白語方言按講嘅人數多少分成下面3個。
佢哋有好多中文借用語。三個方言間嘅溝通有啲難，不過南部方言同中部方言有一定程度嘅溝通可能。北部嘅碧江方言有五個塞音（兩脣塞音、齒齦塞音、捲脷塞音、顎齦塞音、軟顎塞音），分成清送氣、清不送氣、濁送氣，又有鼻化元音同口腔元音嘅區別，所以有豐富嘅音節，而聲調有六個。
中部方言嘅音節最單純，無濁塞音、捲脷音。相反有鼻化元音，聲調同南部方言一樣有8種。喺中部方言，送氣齒齦塞音（tʰ）有變種兩脣震動音（ʙ）。
另外白語仲有個細方言，勒墨方言（SIL碼lay）。
下邊分類
編輯- 南部方言
- 大理方言 Dali (bfs-dal)
- 祥雲方言 Xiangyun (bfs-xia)
- 中部方言
- 蘭坪方言 Lanping (bca-lan)
- 洱源方言 Eryuan (bca-ery)
- 劍川方言 Jianchuan (bca-jia)
- 鶴慶方言 Heqing (bca-heq)
- 雲龍方言 Yunlong (bca-yun)
- 北部方言
- 怒江方言 Nujiang (bfc-nuj)
- 蘭坪方言 Lanping (bfc-lan)
文字
編輯古代文字
編輯白族嘅知識分子同唱歌嘅一部分藝人，仲用緊古傳嘅用漢字書寫白語嘅方法。嗰啲稱呼做古白字或方塊白字。佢同壯話嘅方塊文字同越南文嘅喃字嘅方法一樣，不過現存嘅最老資料係14世紀以後嘅。佢使用嘅字可以分爲下面4個種類，佢哋同日文嘅情況好似。
因爲白語有好多古代漢語嘅語彙，相比壯話同越南文，用漢字寫嘢更易，所以創作出來嘅文字屬於少數。同廣東話方言字一樣，寫語氣助詞隻字係用口字邊加表音嘅漢字合成。
羅馬字標記
編輯中華人民共和國成立後，白語正式採用羅馬字嘅標記方式。喺1958年出現最初嘅標記法案，1993年改訂嘅標記法用26隻羅馬字組合來表示。白語嘅聲母有27種，韻母37種，聲調有9種，可以用來寫各地方言。
|
|
|