皇巴士
提示：呢篇文講嘅唔係黃巴士。皇巴士（全名皇崗－落馬洲穿梭巴士）係往來深圳皇崗同香港新界落馬洲之間嘅過境巴士服務，車程只需約15分鐘。服務係由香港載通國際全資附屬嘅新香港巴士有限公司同埋深圳一間公司合營。
皇巴士於1997年3月20號開始營運，最初係喺每日清晨至晚間運作；2003年1月27號落馬洲口岸實施24小時通關之後就改為24小時全日服務。佢嘅票價係9蚊港紙，可以以現金或者八達通畀錢，每隔5至10分鐘開一班車，佢係世界上少數班次頻密嘅跨境巴士。
皇巴士最初曾經因為佢嘅黃色車身而被稱為「黃巴士」，後來逐漸改叫「皇巴士」或者「皇巴」。
運作
編輯去深圳方向
編輯乘客需要先喺落馬洲嘅新田總站畀錢同埋攞車飛，搭車去落馬洲管制站，再落車辦理出境手續，而嗰架巴士亦會同時出境。乘客辦理出境手續之後憑車飛再搭同一架或另一架皇巴士去位於深圳河另一邊嘅深圳皇崗口岸。去到之後乘客可以落車辦理入境手續並自己離開，而巴士就唔會辦理入境手續，並前往接載返香港嘅乘客。喺凌晨時分，專線小巴同埋的士可以直接駛去落馬州管制站，乘客可以喺辦理出境手續之後至畀錢搭皇巴士。
去香港方向
編輯乘客喺皇崗口岸辦理出境手續之後，去候車室畀錢同埋上車（冇車飛）。巴士會接載乘客去落馬州管制站辦理入境手續，巴士亦會同時入境。乘客辦理入境手續之後，就可以直接搭巴士去落馬洲（凌晨時分可以揀轉專線小巴或者的士）。
車種
編輯現役
編輯- 猛獅NL263/NL323（順豐車身，2006-2016年間投入服務）
- Scania L94UB4x2（中港車身，2003-2004年間投入服務）
- 猛獅18.320（順豐車身，2011年投入服務）
已退役
編輯睇下
編輯連出去
編輯 |
