禾坑

禾坑係香港新界沙頭角同粉嶺之間一個谷，同時呢度係村名同地名，響正沙頭角公路禾坑段。最出名係鏡蓉書屋，出過唔少秀才。

禾坑，睇個名就知同禾有關，而坑就係谷咁解。呢一帶以前係種稻米。

地理

向住沙頭角海，有段又長又窄嘅谷地。而谷係北便麻雀嶺，同南便大瀝嶺夾成。而谷有幾條涌匯埋，流向沙頭角海。而禾坑，就響比較叾嘅一段。

禾坑出面有凹頭同麻雀嶺呢啲村。

因為禾坑比較埋，起沙頭角鐵路同之後沙頭角公路都響上禾坑附近，開山打通去粉嶺嗰邊。所以沙頭角公路，向沙頭角嘅石橋頭到向粉嶺嘅大塘湖一段，就叫做禾坑段。

史

禾坑係李氏客家村。呢一族人祖先，大宋末年（13世紀初）係住響福建。後尾，有一支搬到去廣東博羅。1860年代末，其中一支，李德華同個仔李權林就搬到新安禾坑。就係呢度嘅開山祖。

兩父子搬來嗰陣，有風水師李三友指點，就揀咗禾坑嘅坑口開村，即係禾坑村。後尾1730年，又有一支搬到去東北少少，新村叫下禾坑，而舊村就叫上禾坑。再過多廿年，1750年，又分多條村響舊村北面，大塱村隔離開多條禾坑大朗。

到1950年代，新界唔少村民就搬出去市區同海外。再李家三村，都有唔少人係咁，重有啲去到英國同牙買加。

參考

• 《鏡容書屋(小冊子)》. 康樂及文化事務署. 2003年3月.