置入式廣告

DMC DeLorean 車用喺《回到未來》第三集

置入式廣告(Placement marketing,又名植入式廣告嵌入式廣告),係一種商業宣傳營銷手法,而家四周圍媒體同網絡都好興,甚至已侵佔其他商品:手提電話內置應用程式同跳出式廣告電視劇,同電影入面,出現有關道具。同傳統廣告分別,置入式廣告會強迫消費者接收訊息,無法即時「轉台」或「刪除」。置入式廣告係可能「好鬼乞人憎」同有爭議性[1],而家雖然要一定嘅法律限制[2][3],係唔係要多啲嘅規管呢[4][5]

定義

根據美國行銷學會對於廣告定義,「置入性」具有四個條件:

  1. 付費購買媒體版面或時間。
  2. 訊息必須透過媒體擴散以展示同推銷。
  3. 推銷標物可為具體商品、服務或抽象觀念。
  4. 明示廣告主。

電視節目

產品服務喺節目中展示或使用,會顧及節目嘅內容同類別,表達手法自然同唔令人覺得核突;亦唔會直接推銷或建議使用啲產品/服務[4]

 
馬奈畫嘅 Un bar aux Folies Bergère 可能係最早嘅置入式廣告,兩樽巴斯啤酒清晰可見

置入式廣告始於十九世紀。嗰時凡爾納出版咗冒險小說《八十日環遊世界》(1873年),佢嘅名氣令到好多運輸船運公司,叫佢喺故事裏面提佢哋個名。至於有冇人畀錢凡爾納叫佢咁做就唔知啦[6]。相同嘅,馬內(Eduoard Manet)嘅畫 Un bar aux Folies Bergère(喺 Folies Bergère 嘅酒吧),檯嘅兩邊都好顯眼嘅酒樽。啤酒樽好容易認出係巴斯啤酒。馬奈加入品牌產品嘅動機我哋唔清楚;好可能為咗增加作品嘅真實感,不過,藝術家亦可能係收咗錢噉做[7]

Jean-Marc Lehu 2007年嘅研究指出,1896年盧米埃兄弟(Auguste and Louis Lumière)請求喺佢哋啲影畫戲裏頭「代表」英國番梘公司 Lever Brothers,戲入面擺咗陽光番梘,可能成為電影裏頭第一次出現畀錢買廣告嘅產品[8]。呢件事令電影成為最早用喺置入式廣告嘅渠道之一。

之後,置入式廣告發展慢,直到 1970 年尾先再勁起嚟,全因一隻朱古力牌子 Reese’s。出現喺史提芬史匹堡執導嘅電影《E.T. 外星人》中,令 Reese’s 喺電影上映一個月內賣多咗六成半,於是置入式廣告喺八十年代蔚然成風[5],今日更大行其道。

有得拗嘅例

TVB

  • 高朋滿座,可以話係香港置入行銷早期代表。當中影射好多實體品牌,包括地鐵公司(現稱港鐵公司)、白兔牌、黑人牙膏等。
  • May姐有請,成日落史雲生雞汁,現實中佢同時係史雲生代言人。
  • 巨輪,由鉅記餅家贊助,劇情講述鉅記老細,仲顯示出好多餅家工場,樓面,產品訊息,成個劇集就好似長篇廣告。
  • 衝上雲霄系列等兩部,通訊事務管理局指,2013年12月3號針對無綫劇集《衝上雲霄II》置入式廣告進行處分,指出劇集明顯推銷某公司維他命飲品,男角副機師唐亦風(吳卓羲飾)示愛時,就用數百瓶維他命飲料堆成心形圖案,因此判處無綫罰款10萬元。
  • 愛.回家,2013年6月7號第275集劇集中,有觀眾投訴劇集中過度展示贊助商不同產品,被通訊事務管理局嚴重警告。
  • 大班群星添戲Fun,就係一個羅列贊助商冰皮月餅商品廣告節目。
  • 法外風雲,有幕近鏡影着演員黎耀祥,由汽水機攞出一支「解渴誌沛力特電解飲品」。
  • 萬千星輝頒獎典禮直播叫 KFC,節目主持用去廣告之前要食嘢為借口,有一班工作人員攞住大量 KFC 嘢食進場,畀班藝人喺鏡頭前食,情況好似 2014年奧斯卡頒獎禮,奧斯卡主持 Ellen DeGeneres 叫外賣 pizza,畀一班明星分享。結果到2016年5月24號,通訊事務管理局裁定 TVB 嚴重違反《電視節目守則》同《電視廣告守則》,罰咗佢十五萬元[9]

香港網絡

  • 豐胸丸廣告,2010年2月,高登討論區youTube流傳一段置入式廣告,以「谷胸港女數臭男友」為題,女主角李皓汶(Isis Lee)拍片向佢示威,甚至拉低外套拉鏈以炫耀食藥效果。
  • 雀巢廣告植入高登網,推銷乳酪飲品,使用大量高登潮流用語:O嘴、小學雞、IQ180.1、此風不可長、其實唔難等。

大陸手機電腦有毒

華人社會公認潛規則下,中共唔會好似美國聯邦政府咁明目張膽,但當局亦會成日靜雞雞監控中國人同大陸電子商品用戶。而家有證據證明中國大陸製造智能手機發售前已被置入電腦病毒(其中有 RottenSys)以用作感染內置惡意軟件,強姦用戶使用置入式廣告。2018年3月20號,星島日報報道,當中有近500萬部問題手機,影響手機市場上主要龍頭大佬:榮耀華為小米OPPOvivo魅族樂視,重有就係三星[10]。置入式廣告手機病毒以外用途深入了解就係監視同控制用戶方面。其實,電腦硬件方面硬碟同內置應用早已受到相關方面指控同懷疑,手機收音咪同相機鏡頭會被置入式手機病毒應用強制打開並盜取資料同使用。而中國政府都會全數否認「監控」,不過部份有政治身份官員或黨員、軍部人員會有「暗示」,又話全世界都有「強力部門都會咁做」,盡管眾所鳩知存在已久有「防火長城」問題,官方正式場合上都係會否認有做過。

問題所在

  • 可能影響商業公平競爭,幾間寡頭壟斷公司縱向生產壟斷,由商品、商品宣傳平台至周邊商品廣告合作壟斷。
  • 柔性資訊轟炸(軟廣告/軟性廣告,blind advertising)下造成人權問題。置入式廣告如正文描述,有強姦、強迫因素,受眾唔情願下收到短時間做唔到反抗,甚至無法手動關閉同移走。
  • 廣告支持者認為就係因為有上述好處先至好用!台灣媒體觀察教育基金會董事長管中祥認為:「國家透過置入性行銷傳達政令,並非罪大惡極...」。

  1. 電視植入式廣告放寬規管,東方日報,2018年7月5號。
  2. 立法會資訊科技及廣播事務委員會特別會議 有關香港流動電視網絡擬提供流動電視服務事宜,香港立法會,CB(4)519/13-14(02)號文件,8頁,二零一四年三月廿七號
  3. 新聞,多少錢?!:探索置入性行銷對電視新聞的影響, 巨流圖書股份有限公司],劉蕙苓,《新聞,多少錢?!探索置入性行銷對電視新聞的影響》,ISBN:9789577324207,2011-08-01,175-176頁。
  4. 4.0 4.1 有關間接宣傳及植入式廣告的常見問題,電訊事務管理局,2018年7月
  5. 5.0 5.1 植入式廣告之研究發展,電訊事務管理局,2017年9月。
  6. William Butcher (translation and introduction). Around the World in Eighty Days, Oxford Worlds Classics, 1995, Introduction.
  7. Lehu, J-M, Branded Entertainment: Product Placement & Brand Strategy in the Entertainment Business, Kogan Page, 2007, pp 18-19.
  8. Lehu, J-M, Branded Entertainment: Product Placement & Brand Strategy in the Entertainment Business, Kogan Page, 2007, pp 19-20.
  9. 台慶節目不斷食炸雞 無綫被通訊局罰15萬元立場新聞,2016-05-24。
  10. 內地近500萬部Android手機染病毒 疑出廠前已中招星島日報,2018年3月20號。