花剌比
花剌比（Abu Nasr Muhammad al-Farabi，波斯文：ابو نصر محمد بن محمد فارابی Abū Naṣr Muḥammad ibn Muḥammad al Fārābī[1]）係中世紀阿剌伯嘅一個學者，喺哲學、數學、邏輯、科學、醫學、音樂等領域上有巨大成就。
生平
編輯有講佢祖上可能係波斯（伊朗）或者係突厥，難考得到；但無論同點，佢祖宗就已經遷到突厥斯坦。花剌比喺歐洲着安上拉丁化嘅名「遏花剌比烏斯」（Alpharabius），喺阿拉伯世界着喊做「遏花剌比」（Al-Farabi）。 佢喺花剌布同博卡拉完成咗早期教育，後尾前往巴格達深造。佢喺公元 901 年至到公元 942 年都學習同工作咗好長嘅時間喺嗰度。期間，佢掌握咗多種語言（總共有波斯語、粟特語、希臘語、阿拉伯語）同埋各種知識同技術。佢經歷咗六位阿巴斯哈里發嘅統治。作為一名哲學家同科學家，佢喺各個學科領域都非常精通。
花剌比旅行到過好多埞好遠嘅。佢喺大馬士革同埃及學習過一段時間，但多次返返巴格達，直到佢訪問咗阿勒坡嘅埃米律西發-斗剌，並成爲埃米律嘅忠實好友之一，喺當地出曬名。後生嗰陣佢任過喀地（法官）職，但跟尾以教學為職業。佢嘅職業生涯艱苦之極，仲做過睇門人畀花園。公元 950 年，佢在大馬士革過世，享年 80 歲。
貢獻
編輯
花剌比對科學、哲學、邏輯學、社會學、醫學、數學同音樂啲學科做出咗巨大貢獻。佢啲主要貢獻似乎係在哲學、邏輯學同社會學方面；但佢其實係一位全才學者。作為一個哲學家，佢可能得歸類成一位新柏拉圖主義人士、試圖結合柏拉圖主義同亞里士多德主義到神學去嘅，寫有豐富評論畀亞里士多德啲物理學、氣象學、邏輯學等，另開仲有好多關於其他方面嘅著作。鑑於佢啲貢獻，佢得讚爲係「第二位老師」（al-Mouallim al-Thani，首位係亞里士多德）。花剌比嘅重要貢獻之一係捉邏輯分成兩類：Takhayyol（想法）同 Thobout（證明），令到啲邏輯研究易過以往。
喺社會學方面，花剌比有專著《賢德城市市民意見嘅社會心理同原則》（Social Psychology and Principles of the Opinions of the Citizens of the Virtuous City）。 佢啲心理學同形而上學書籍主要係基於佢自己啲研究。佢仲係一位音樂原理、藝術專家，除開寫有一本書《音樂百科》（Ketab al-Mousiqi）關於樂理知識嘅之外，仲發明有多種樂器。有講佢樂器演奏得好到可以隨意影響到啲人情緒到哭或者笑去。喺物理學，佢證明到虛空嘅存在。
雖然佢好多著作經已散佚，但仲有117部係已知嘅，其中關於邏輯學嘅43部，形而上學11部，倫理學7部，政治學7部，音樂、醫學同社會學17部，仲有評論11部。佢有一啲書比較出名啲嘅包括有書《Fosos al-Hikam》，本書一路作爲各學習中心嘅哲學教科書，歷經幾個世紀，而且而今仲喺東方嘅一啲機構入便得到教授。《科學百科》（Kitab ihsa' al-'ulum）喺傾討分類同埋基本原理畀科學上係十分獨特而且有用。而《賢德城市》係重要嘅早期貢獻畀社會學同政治學。
幾百年來，花剌比畀有巨大嘅影響喺科學同各種知識領域。雖然篇《Letter on Divine Science》，經常認爲係花剌比所寫嘅，查實係基於新柏拉圖派柏羅地挪斯嘅《Enneads》第五篇[2]，但幾個世紀佢都一路着認為係哲學界嘅第二位老師。佢啲工作結合埋哲學同蘇菲主義，幫伊賓 斯拿鋪平到道路。