蝗蟲論
蝗蟲論係將外地人叫做「蝗蟲」嘅言論，涉及歧視，排斥外地人。蝗蟲係一種生命力極強嘅昆蟲，喺特定環境會造成蝗災，即係成千上萬蝗蟲出沒，飛過嘅地方啲農作物會俾佢哋冚嘭冷噍爛晒。
起源 編輯
據牛津英文字典「locust」呢個詞嘅解釋，喺16世紀開始，已經有人用蝗蟲來形容教會神職人員、放貸人、經紀等等。
1901年，英國旅行家立德喺佢本書《Mount Omi and beyond: A record of travel on the Tibetan border》，引述天主教法國傳教士譚衛道嘅評論，「中國人就好似蝗蟲噉，所到之處寸綠不留」[1]，英文原文節錄：
| 「 | ...on this locust-like propensity of the Chinese to destroy every green thing wherever they penetrate, for when the trees are gone comes the turn of the scrub and bushes, then the grass, and at last the roots, until, finally, the rain washes down the accumulated soil of ages, and only barren rocks remain…
|
」 |
1950年12月出版嘅《時代雜誌》，封面用咗當時啱啱勝出國共內戰無耐嘅中國共產黨領導人毛澤東同大量蝗蟲，表達當年中國人民志願軍好似蝗蟲噉湧入朝鮮半島介入韓戰[2]。
香港 編輯
2003年港澳個人遊（自由行）政策實施之後，間接造成大量無香港永久居留權嘅中國「雙非孕婦」好輕鬆就可以喺香港分娩。2001至2016年，內地女子喺香港所生嬰兒總數超過32萬人。[3]由於細路喺香港出世就可以擁有香港永久性居民身份，由此享有教育、醫療、房屋等香港社會福利，造成資源分配唔公平，引起香港社會強烈不滿，市民多次上街示威抗議。[4]
2009至2010年，香港互聯網流行以「蝗蟲」來形容部分中國大陸人嘅行為，尤其是高登討論區。2012年初，由於D&G禁止香港人攝影風波及孔慶東辱罵港人事件，加劇香港同中國之間積壓已久嘅矛盾。有網民集體籌款登報反對雙非孕婦喺香港分娩。廣告係一張大街招，上邊一隻草蜢騎住獅子山，寓意蝗蟲侵蝕香港，蝗蟲論因此獲得香港市民以及全世界媒體關注。
另外，部份中國大陸旅客到香港搏命買日用品（譬如嬰兒配方奶粉），或者走私水貨。對自由行旅客行為欠缺文明嘅批評不斷增加，有香港人認為中國大陸人掠奪香港社會嘅資源、侵蝕香港核心價值[5]，亦稱呼呢啲旅客做「蝗蟲」。
中國大陸 編輯
上海 編輯
- 自從上海戶籍新辦法實施之後，大量非上海戶籍嘅人移居上海，令上海本地人嘅權益受損，亦造成上海諸多社會問題，令部分上海人對外地人産生不滿。2012年，「異地高考」問題持續發酵，15歲嘅非上海戶籍女仔占海特同屋企人喺大沽路100號市政大廈門口進行「異地高考約辯」，向上海市教育委員會示威，抗議教育政策同高考政策。有上海人不滿示威者嘅訴求，雙方發生衝突。占海特阿爸占全喜後來向《瞭望東方周刊》話，有人高喊「蝗蟲滾出上海！上海不需要外地蝗蟲」。[6][7]
北京 編輯
- 2013年11月，北京地鐵官方微博發布配圖短文，話「蝗蟲」經過之後嘅10號線，一片狼藉，又話「北京有時候寬容過了頭，對於惡意破壞北京首都的行為，我們只想說『這裡不歡迎你！』」呢番說話引發爭議。[8][9]
溫州人 編輯
台灣 編輯
二二八事件發生嗰時，任職美國駐台北領事館副領事嘅葛超智（George Kerr）後來出嘅書《被出賣的台灣》，認為二戰後接收台灣嘅國民政府嘅行為係「好似蝗蟲噉食晒本島財富，破壞咗成長嘅潛力」。
網絡遊戲魔獸世界嘅台灣玩家亦以「蝗蟲過境」來形容大批中國玩家翻牆湧入台灣伺服器而搞到伺服器不勝負荷嘅現象。呢個用法比香港網民使用「蝗蟲」仲早。[12]
星加坡 編輯
星加坡亦有網民用「蝗蟲」來形容來自中國嘅移民，主要批評佢哋普遍自大無禮、唔尊重當地文化、唔遵守當地秩序、同本地人爭福利同工作機會等等。尤其是喺「中國留學生批評星加坡狗比人多」[13]、「中國富豪駕駛法拉利肇事」[14]等事件發生之後，星加坡網民廣泛使用蝗蟲論。
睇埋 編輯
參考 編輯
- ↑ "Chinese Causes Global Milk Powder Shortage". Free Hong Kong (美國英文). 2013-01-24. 喺2018-07-06搵到.
- ↑ TIME Magazine : Magazine Covers 互聯網檔案館嘅歸檔，歸檔日期2008年3月7號，., December 11, 1950 | Vol. LVI No. 24
- ↑ 〈2001至2014年內地女性在香港生產的嬰兒數目〉. 《香港幼兒發展指標 (YCDI)》 (香港中文). 2017-06-30. 原著喺2018-04-16歸檔. 喺2018-07-06搵到.
{{cite news}}: Cite has empty unknown parameter:|dead-url=(help) - ↑ 楊曉光. 〈控制雙非孕婦只需行政手段〉. 《陽光時務週刊》. 原著喺2012-11-07歸檔.
- ↑ 〈論蝗蟲——快要被蛀爛的核心價值〉. 原著喺2011-12-04歸檔. 喺2018-07-06搵到.
- ↑ 〈非沪籍女生辍学 先有制度歧视，后有"蝗虫"之说〉 (中國中文). 中国日报网. 喺2012-12-04搵到.
{{cite web}}: Cite has empty unknown parameter:|dead-url=(help) - ↑ 〈外省女孩约辩沪籍青年被斥"上海不需外地蝗虫"〉 (中國中文). 新浪网. 喺2012-12-01搵到.
{{cite web}}: Cite has empty unknown parameter:|dead-url=(help) - ↑ 103705. 〈北京地铁回应官微"蝗虫论"：系小编所发(图)--财经--人民网〉. finance.people.com.cn. 喺2018-07-06搵到.
{{cite web}}: CS1 maint: numeric names: 作者名單 (link) - ↑ 〈這裡不歡迎「蝗蟲」！ 北京地鐵批不文明乘客引爭議〉. 《ETtoday新聞雲》 (臺灣中文). 喺2018-07-06搵到.
{{cite news}}: Cite has empty unknown parameter:|dead-url=(help) - ↑ xyp. 〈温州民间资本具双重面具 像"蝗虫"扑向房市煤矿_财经_中国网〉. finance.china.com.cn. 中國青年報. 喺2018-07-06搵到.
{{cite web}}: Cite has empty unknown parameter:|dead-url=(help) - ↑ 〈楼市现抢房1人竟然一次性买了8套房 像蝗虫一样可怕 ——凤凰网房产北京〉. house.ifeng.com (中文). 喺2018-07-06搵到.
- ↑ 〈台版魔獸世界 中國「蝗蟲」過境〉 (臺灣中文). 自由時報. 2009-07-04. 原著喺2020-03-28歸檔. 喺2018-07-06搵到.
- ↑ 蔣銳. 〈中國學生罵「新加坡狗比人多」引爭議〉. 《BBC News 中文》 (繁體中文). 喺2018-07-06搵到.
{{cite web}}: Cite has empty unknown parameter:|dead-url=(help) - ↑ 〈网視：富商亂撞，激起新國人「排中」〉. 《東方網 | 馬來西亞東方日報》 (中文). 喺2018-07-06搵到.
