行政區
行政區（粵拼：hang4 zing3 keoi1）係講緊一個國按住行政需要，嚟將塊領土分區。好多時，唔同國嘅行政區，都會有唔同嘅名同埋分法。
層級 編輯
三級行政區劃制度 編輯
即係個國家嘅行政區劃總共分三個層次，而每一個層次嘅行政區都會設立政府。
中國大陸 編輯
中國行政區劃自從辛亥革命建立咗中華民國之後，個地方政府喺憲法嘅角度，分做三個層次：
喺中國大陸境內，根據中華人民共和國憲法第三十條規定：全國分做省、自治區、直轄市；省、自治區分為自治州、縣、自治縣、市；直轄市同埋較大嘅市分為區、縣；自治州分為縣、自治縣、市；縣、自治縣分為鄉、民族鄉、鎮。
憲法第九十五條規定「省、直轄市、縣、市、市轄區、鄉、民族鄉、鎮設立人民代表大會同埋人民政府。」各級行政區都會設立政府。
根據呢兩條規定，「三級行政區劃制度」係直轄市嘅基本行政區劃制度。事實上，除咗4個直轄市、海南省、同埋部分省實行局部嘅省直接咁管轄縣同縣級市之外，成個國家都係以四級行政區劃制度為主。
民國時期 編輯
民國初期，繼續用清朝嘅區劃制度，省、道、府、縣四級制。到中期，明國開始實行省、縣二級制，而省同縣之間亦有一個叫做“行政督察區？嘅準行政區，所以最多係可以計做三級行政區劃制度。
四級行政區劃制度 編輯
講緊國家嘅行政區劃總共分做四個層次，而每個層次嘅行政區都有設立政府。
中國大陸 編輯
中國大陸實際上每一個省或者自治區，都係用四級行政區劃制度為主：
中華人民共和國成立後 編輯
直至1970年代，中華人民共和國嘅行政區劃，同民國時期嘅體制基本一樣，但係部分省就會同埋工業中心嘅所謂「較大嘅市」出現「市管縣」。喺呢個時候，個國家係以「三級行政區劃制度」為主，省、較大城市、縣、鄉並存嘅「四級行政區劃制度」。
到1975年，政府頒佈《中華人民共和國憲法》，喺地區設立地方代表國家嘅權力機關——人民代表大會；而地方每一級嘅革命委員會，就係地方每一級代表大會嘅常設機關，同時又係「地方各級人民政府」。
所以，作用好似準行政區嘅地區，已經演變成為行政區，而因為省同縣之間出現地級行政區，所以省、自治區全部演變做四級：即係省、地級行政區、縣級行政區、同埋鄉級行政區四個層次。
隨住1983年開始嘅地級行政區劃改革，「地區」改制做「市」，出現地級市；省轄市就改名做「地級市」，以前嘅地管市、地管縣就變做「市管市」、「市管縣」；到2005年，除咗4個直轄市、海南省、同埋部分省繼續直接咁管縣同縣級市以外，國家已經完全以「四級行政區劃制度」為主。
各國政區 編輯
中華人民共和國 編輯
喺中國大陸地區，三級同四級行政區劃已經實際上並存。第一種類型係省級、縣級、同鄉級；第二種類型係省級、地級、縣級、同鄉級。另外特別行政區就有兩個級數。
中華民國 編輯
 中華民國行政區 | ||||||
|---|---|---|---|---|---|---|
| 省（虛級化） | 直 轄 市 | |||||
| 縣 | 市 | |||||
| 山 地 鄉 |
鄉 | 鎮 | 縣 轄 市 |
區 | 原 住 民 區 | |
| 村 | 里 | |||||
| 鄰 | ||||||
| 相關行政區 | ||||||
| 臺灣日治時期 中華民國大陸時期 原中華民國公告疆域 | ||||||
日本 編輯
日本分九大地方，行政區分做都、道、府、通縣，而一般區分就係：
同好多其他地方一樣，實際上嘅行政區分比較複雜，大概分做六層：
- 第一級：都、道、府、縣
- 第二級：郡、市（政令指定都市）
- 第三級：町、區（特別區，參見東京23區）、町（東京都島嶼地區，直屬東京都，中間唔置郡）
- 第四級：區（政令指定都市下轄嘅「行政區」）
- 第五級：町（次等）、區（次等）
- 第六級：丁目
俄羅斯聯邦 編輯
- 俄羅斯行政區嘅劃分比較複雜，由89個唔同嘅行政分區（субъект）一齊組成。喺2000年，俄羅斯聯邦將行政簡單化，分咗做七個聯邦管區（федеральный округ）。