行政區

行政區（粵拼：hang4 zing3 keoi1）係講緊一個國按住行政需要，嚟將塊領土分區。好多時，唔同國嘅行政區，都會有唔同嘅名同埋分法。

層級

即係個國家嘅行政區劃總共分三個層次，而每一個層次嘅行政區都會設立政府。

中國行政區劃自從辛亥革命建立咗中華民國之後，個地方政府喺憲法嘅角度，分做三個層次：

喺中國大陸境內，根據中華人民共和國憲法第三十條規定：全國分做省、自治區、直轄市；省、自治區分為自治州、縣、自治縣、市；直轄市同埋較大嘅市分為區、縣；自治州分為縣、自治縣、市；縣、自治縣分為鄉、民族鄉、鎮。

憲法第九十五條規定「省、直轄市、縣、市、市轄區、鄉、民族鄉、鎮設立人民代表大會同埋人民政府。」各級行政區都會設立政府。

根據呢兩條規定，「三級行政區劃制度」係直轄市嘅基本行政區劃制度。事實上，除咗4個直轄市、海南省、同埋部分省實行局部嘅省直接咁管轄縣同縣級市之外，成個國家都係以四級行政區劃制度為主。

民國初期，繼續用清朝嘅區劃制度，省、道、府、縣四級制。到中期，明國開始實行省、縣二級制，而省同縣之間亦有一個叫做“行政督察區？嘅準行政區，所以最多係可以計做三級行政區劃制度。

講緊國家嘅行政區劃總共分做四個層次，而每個層次嘅行政區都有設立政府。

中國大陸實際上每一個省或者自治區，都係用四級行政區劃制度為主：

第一級：省、自治區、直轄市、特別行政區。
第二級：
- 地級市、自治州、地區、盟：呢一層係除咗海南省以外，直轄市、其他省、同埋自治區一般都會有嘅一種行政單位（即係地級行政區）。
- 直轄市嘅市轄區；直轄市、海南省所管嘅縣、市（包埋地級市同縣級市）等等嘅行政單位。
第三級：
- 縣級市（除咗直轄市同埋海南省以外）、縣、自治縣、同埋旗等等嘅縣級行政單位（即係縣級行政區）；
- 海南省同埋直轄市境內：鄉、鎮等等嘅鄉級行政單位（即係鄉級行政區）。
第四級：除咗海南省同埋直轄市以外嘅鄉、鎮（即係鄉級行政區）。

直至1970年代，中華人民共和國嘅行政區劃，同民國時期嘅體制基本一樣，但係部分省就會同埋工業中心嘅所謂「較大嘅市」出現「市管縣」。喺呢個時候，個國家係以「三級行政區劃制度」為主，省、較大城市、縣、鄉並存嘅「四級行政區劃制度」。

到1975年，政府頒佈《中華人民共和國憲法》，喺地區設立地方代表國家嘅權力機關——人民代表大會；而地方每一級嘅革命委員會，就係地方每一級代表大會嘅常設機關，同時又係「地方各級人民政府」。

所以，作用好似準行政區嘅地區，已經演變成為行政區，而因為省同縣之間出現地級行政區，所以省、自治區全部演變做四級：即係省、地級行政區、縣級行政區、同埋鄉級行政區四個層次。

隨住1983年開始嘅地級行政區劃改革，「地區」改制做「市」，出現地級市；省轄市就改名做「地級市」，以前嘅地管市、地管縣就變做「市管市」、「市管縣」；到2005年，除咗4個直轄市、海南省、同埋部分省繼續直接咁管縣同縣級市以外，國家已經完全以「四級行政區劃制度」為主。

喺中國大陸地區，三級同四級行政區劃已經實際上並存。第一種類型係省級、縣級、同鄉級；第二種類型係省級、地級、縣級、同鄉級。另外特別行政區就有兩個級數。

日本分九大地方，行政區分做都、道、府、通縣，而一般區分就係：

同好多其他地方一樣，實際上嘅行政區分比較複雜，大概分做六層：

俄羅斯行政區嘅劃分比較複雜，由89個唔同嘅行政分區（субъект）一齊組成。喺2000年，俄羅斯聯邦將行政簡單化，分咗做七個聯邦管區（федеральный округ）。