創建角色英文character creation)係好多 RPG 都有嘅一種遊戲機制,指隻遊戲俾玩家創建一個角色,選擇個角色嘅外觀同能力值等嘅屬性,然後俾玩家控制呢個角色冒險。

例如响《D&D》裏面,玩家座底要決定自己創立嗰個角色屬於邊種種族(有矮人精靈半獸人等嘅選項)、係咩職業同埋能力值分佈呀噉,呢啲特性會對「有啲乜嘢行動係個角色可以採取嘅」有深遠影響。啱啱開始玩、乜都唔識嘅玩家成日會攞啲預先由其他人設好咗嘅角色嚟玩,玩到咁上下熟先試吓創立自己嘅角色。