賽馬會摩星嶺青年旅舍

賽馬會摩星嶺青年旅舍（英文：Jockey Club Mt. Davis Youth Hostel ），一般叫摩星嶺青年旅舍，香港青年旅舍之一，位處香港島摩星嶺，近山頂，地址摩星嶺徑一百二十三號，山下望得見東博寮海峽與青洲口。一九八一年落成，二〇一二年曾重建，九月廿八號再開業。旅舍歸香港青年旅舍協會。今牀位一百二十八張，分為男、女宿舍、雙人房、海景雙人房、四人同六人房。各舍地下有活動室，休憩室。西面有觀景臺，二百七十度無遮擋，客人望得見香港西面諸洲。有燒烤場，又有停車場，以及露營地方。

史

駐港英軍曾守摩星嶺，建要塞炮台，旅舍原本為摩星嶺炮台遺址，大門對面，香港保衛戰時，駐守軍人用膳地方。戰後撤走設施。

一九八一年，摩星嶺青年旅舍落成同開幕。二〇〇〇年，旅舍添加新翼。二〇一二年八月一號，香港賽馬會資助九百五十萬港圓，重建旅舍，參考澳洲雪梨海港青年旅舍，賽馬會摩星嶺青年旅舍試業。九月廿八號，正式開張^[1]。配合附近古迹建築，賽馬會摩星嶺青年旅舍，含炮台等元素，空地的擺藝術品，包括彷大炮形狀藝術品，住客可以在昔日炮台口之下，欣賞廣闊海景，與其他宿友交流；宿舍牆上有告示板，簡介第二次世界大戰時香港保衛戰，瞭解香港史；活動室，大炮圖隱含一列牆櫃之中。此外，旅舍發售古迹徑地圖，以助文物旅遊等。

房

旅舍以四人房同六人房為主，另外兩間可以觀賞海景二人房；全旅舍房三十三間，牀位一百二十八張。

摩星嶺青年旅舍外貌
多用途活動室
6人房間/床位
自助廚房及房間

旅客來源

香港青年旅舍協會總幹事曾凱琪所講，二〇一二年八月一號起，試業近兩個月，中國大陸遊客佔咗三成，歐美遊客佔咗三成，其餘香港本地團體租用；整體入住率約八成。預計每年可吸引逾三萬旅客入住^[2]。旅客類型有所轉變，中國大陸遊客，由數年前約兩成，增加至近兩年約三成。之不過，成立青年旅舍目標，係畀國際旅客互相交流，唔會偏重中國大陸或者外國遊客，若果中國大陸遊客比例過多，會適當調整^[3]。