遊戲王
《遊戲王》（遊☆戲☆王；ゆうぎおう；Yu-Gi-Oh!）係日本漫畫家高橋和希所創作嘅漫畫，並改編成電視動漫同遊戲。
| 遊戲王 | |
|---|---|
| 遊☆戲☆王 | |
| Yu-Gi-Oh! | |
| 假名 | ゆうぎおう! |
| 羅馬字 | Yuu Gi Ou |
| 類型 | 少年漫畫 |
| 漫畫 | |
| 作者 | 高橋和希 |
| 出版社 |  集英社 大然文化→東立出版社 文化傳信 浙江人民美術出版社（出版）杭州翻翻动漫（发行）[1]  創藝出版社
|
|
其他出版社：
| |
| 連載雜誌 | 週刊少年Jump |
| 連載期間 | 1996年 – 2004年3月 |
| 冊數 | 全38卷 |
| 話數 | 全343話 |
| 電視動畫 : 遊☆戲☆王 | |
| 原作 | 高橋和希 |
| 系列構成 | 角铜博之 |
| 人物設定 | 荒木伸吾、姬野美智 |
| 動畫製作 | 東映動畫 |
| 製作 | 朝日電視台、東映動畫 |
| 播放電視台 | 全日本新聞網
|
| 播放期間 | 1998年4月－1998年10月 |
| 話數 | 全27話 |
| 小說 : 遊☆戲☆王 | |
| 作者 | 高橋和希（原作） 千葉克彥（小說） |
| 出版社 | 集英社 尖端出版
|
| 發售日 | 1999年9月 |
| 冊數 | 全1卷 |
| 電視動畫 : 遊☆戲☆王デュエルモンスターズ | |
| 原作 | 高橋和希 |
| 導演 | 杉島邦久 |
| 企畫 | 岩田圭介 饭田谦二→原田孝（东京电视台） 杉山丰→生田英隆（NAS） |
| 系列構成 | 武上纯希→前川淳→吉田伸→面出明美→吉田伸 |
| 人物設定 | 荒木伸吾、姬野美智 加加美高浩（古代篇） |
| 美術監督 | 坂本信人→宮前光春 |
| 色彩設計 | 中村千穗 |
| 音響監督 | 平光琢也 |
| 音樂 | 光宗信吉 |
| 動畫製作 | STUDIO GALLOP |
| 製作 | 東京電視台、NAS |
| 播放電視台 | 東京電視台
|
| 播放期間 | 2000年4月18號－2004年9月29號 |
| 話數 | 224 |
| OVA : Yu-Gi-Oh!: The Movie | |
| 原作 | 高橋和希 |
| 導演 | 辻初樹 |
| 人物設定 | 辻初樹 |
| 製作 | 華納兄弟 |
| 電視動畫 : Yu-Gi-Oh! Capsule Monsters | |
| 播放電視台 |  4Kids TV
|
|
其他電視台：
| |
| 播放期間 | 2006年9月－2006年11月 |
| 話數 | 12 |
| 關連作品 | |
| 模板說明 | |
原作由1996年開始喺週刊少年Jump連載，2004年3月連載完。單行本全38集，總共343集。並推出一系列嘅電腦遊戲、紙牌遊戲、電視動畫、動畫電影、輕小說等作品。
後期以怪獸決鬥為主線之後，眾角色定型同其他少年漫畫相似。
連載結束以後，V-Jump開始連載《遊戲王R》，由伊藤彰畫，高橋和希監製。故事嘅角色同之前相同，故事時間介喺戰鬥城市篇之後，法老王的記憶篇之前。
登場人物 編輯
動畫 編輯
1998年，首部《遊戲王》動畫由日本朝日電視台播放，共27集，同漫畫初期一樣講述「黑暗遊戲」嘅故事。
動畫第二部《遊戲王－怪獸之決鬥》由東京電視台播映，共224集，以卡片怪獸決鬥為主線。台灣中華電視公司同香港亞洲電視本港台都譯為《遊戲王－怪獸之決鬥》，台灣自2001年每逢星期日晚上6點半播放，香港自2002年開始分階段播放。
動畫同漫畫嘅英文版權由美國嘅華納兄弟公司獲得，由佢旗下嘅Cartoon Network、Nickelodeon同其他友好聯盟播放，並拍成動畫電影，2004年暑假美國上映。
《遊戲王－怪獸之決鬥》共分為七篇：決鬥者王國篇（001—051集）、戰鬥城市‧前篇（052—097集）、乃亞篇（098—121集）、戰鬥城市‧後篇（122—144集）、杜馬篇（145—184集）、海馬集團大賽篇（185—198集）、王之記憶篇（199—224集）。以漫畫原有故事為主。但中途漫畫故事情節進度跟唔上，故加插大量漫畫冇嘅劇情同人物。令脫離「原作」獨立創作故事奠定基礎。
「原作」動畫版本結束後，開始播放《遊戲王GX》。故事劇情上同「原作」冇直接關係，但偶有部分「原作」角色、劇情會出現。主角遊城十代係武藤遊戲嘅繼承人，體內擁有「霸王」嘅靈魂同力量，擁有元素英雄牌組。遊戲王GX動畫總共180集。
接續遊戲王GX嘅係《遊戲王5D's》，用一種叫D輪嘅交通工具做卡片決鬥（後期發生改變），故事背景係幾十年後嘅童實野市，主角不動遊星。主角個性上比前兩代成熟，擅長修理機械、物理學，擁有紅龍嘅力量，前期主要嘅牌組伙以垃圾戰士為主要王牌嘅垃圾系牌組，後期就經常變換牌組內容，王牌卡係星塵龍。遊戲王5D's動畫共154集。
之後又有《遊戲王ZEXAL》，主角九十九遊馬，故事時間設定為近未來，決鬥盤有更大幅度嘅進化，配合決鬥鏡（亦稱D視鏡）進行AR決鬥，AR決鬥中會使虛擬影像實體化嘅怪獸更擬真，並會模擬決鬥附近嘅場地被怪獸破壞嘅情形，決鬥結束後虛擬影像模擬出嘅場地破壞效果會消失。冇戴決鬥鏡嘅人會睇唔到決鬥嘅所有過程。
決鬥盤 編輯
由海馬瀨人所開發，決鬥盤中即帶有虛擬影像系統，初期嘅決鬥盤係以圓盤形式呈現，自己嘅回合中出好牌，必須用丟擲決鬥盤使其旋轉，射出虛擬影像，同對方所出嘅怪獸戰鬥。戰鬥城市篇，海馬瀨人又再次改良決鬥盤，名為次世代決鬥盤，新決鬥盤無需再有丟擲動作，改進缺點，同時必須著裝上左手，同人決鬥時，決鬥盤會變形展開，並且向外射出隱藏自決鬥盤下嘅虛擬影像裝置。決鬥者戴好次世代決鬥盤決鬥時，同三千年前古埃及神官使用精靈進行決鬥嘅樣好神似。另外，杜馬篇中有杜馬組織成員專用嘅決鬥盤，造型類似蠍子，主體外圍有奧雷卡爾克斯嘅符號，決鬥時則係由主體盤中延伸出托盤來。未來5D's嘅世界，次世代決鬥盤再進化，決鬥盤中搭有Moment動力，會自動散發出彩色嘅光輝，擁有自動洗牌、退牌、選牌、加到手牌功能。近未來ZEXAL嘅世界中，決鬥盤更大幅度嘅進化，除保留5D's中嘅功能，平時可以收納成更小嘅形式，展開後擁有觸控螢幕介面，螢幕會顯示決鬥場上嘅卡片，要發動蓋卡時則直接點選螢幕上嘅卡片即可以發動，搭配決鬥鏡後進行AR決鬥，使得虛擬影像擬真出來嘅怪獸更加真實，並且會模擬周圍環境被攻擊效果破壞嘅樣，決鬥結束後亦解除模擬，視野內嘅建築物等等都會恢復原狀。
故事 編輯
黑暗遊戲篇 編輯
遊戲係童實野高中嘅學生，經常自己玩單機，運動神經差，同真崎杏子青梅竹馬，而遊戲嘅心裡面其實好想交友，爺爺八年前盜墓得到裝有神秘寶物嘅黃金櫃，裡面係一塊塊嘅積木，遊戲認為只要拼好積木並許願，願望就會成真，八年內遊戲成日無法拼好神祕嘅寶物，去學校，城之內睇唔過遊戲自己一個人玩、行事懦弱，假藉要讓遊戲成為真正男子漢嘅名義，偷走黃金櫃中其中一塊積木，並丟到水溝中，有次高中學長牛尾傷害城之內、本田，並向遊戲威脅索取保護費後，遊戲心煩嘅同時卻將寶物越拼越順手，最終組成倒金字塔嘅樣，但中間少塊積木，就係城之內偷走嘅，城之內因被遊戲言語感動，真正同遊戲成為朋友，被牛尾毆打後將丟到排水溝嘅積木揾返，讓遊戲嘅積木組合完成，就出事，繼承三千年遊戲知識，由千年積木中嘅另一個黑暗人格蘇醒，黑暗遊戲故事展開。
決鬥者王國篇 編輯
一卷神秘嘅錄影帶，千年神器中千年眼嘅擁有者，貝卡斯·J·克羅佛多在錄影帶中使用黑暗決鬥向武藤遊戲挑戰，但武藤遊戲卻為時間終止而敗北，武藤雙六嘅靈魂也因此被千年眼嘅力量封印在靈魂封印卡中，武藤遊戲為了救回靈魂被囚禁嘅爺爺，前往決鬥者王國找貝卡斯決鬥，同互信嘅夥伴們以及心中嘅另一個自己並肩作戰。
另外，海馬亦向貝卡斯提出挑戰，但海馬嘅力量打唔過擁有千年眼嘅貝卡斯，因此亦被貝卡斯嘅千年眼嘅力量封印喺靈魂卡裏面。
戰鬥城市前篇 編輯
決鬥者王國一戰結束，武藤遊戲嘅知名度瞬間上升，神秘嘅埃及石板來到日本展覽，牽扯出千年神器嘅秘密、三千年前嘅戰鬥、三張神之卡，還有隱藏在千年積木中嘅無名法老王嘅記憶，海馬在一個機緣下得到了神之卡嘅其中一張、歐貝利斯克的巨神兵，而海馬為了得到剩餘嘅二張神之卡，在童實野市舉辦了戰鬥城市大賽，並且以賭牌當作規則，同時新嘅次世代決鬥盤也跟著亮相，而武藤遊戲為了尋找心中另一個自己嘅記憶，亦即係無名法老王嘅記憶，必須蒐集三張神之卡，也參加了這場大賽，各路好手為了蒐集六張拼圖卡，得到最後嘅參賽權，紛紛展開決鬥；神祕嘅古魯斯集團派出嘅蕾雅卡獵人也摻雜其中，這有會牽扯出有關於千年神器、守墓者一族、無名嘅法老王嘅什麼秘密呢?
乃亞篇（動畫原創） 編輯
戰鬥飛行船行駛人工島嘅途中，飛行船系統卻遭受到外來嘅入侵改寫了系統，因而改變了航線，阻擋在武藤遊戲等人面前嘅這個巨大機動要塞究竟係什麼？而又出現了神秘嘅人，自稱係五巨頭，他們還要武藤遊戲等人嘅身體，一場賭上各人性命嘅決鬥，究竟鹿死誰手呢???海馬嘅家庭中究竟又隱藏著什麼樣嘅過去。
戰鬥城市後篇 編輯
戰鬥城市最終決戰開始，每個決鬥者都各自有戰鬥嘅理由，城之內為了成為真正嘅決鬥者、救出被馬利克進行黑暗遊戲懲罰嘅孔雀舞，海馬為了與宿敵遊戲決鬥、為了剷除可惡嘅古魯斯首腦並得到太陽神、為了完成海馬樂園嘅夢想，遊戲為了實現與城之內嘅諾言、與海馬宿命嘅對決、救出被闇馬利克施予黑暗遊戲懲罰嘅人、更為了自己遺失嘅記憶，最終誰能夠贏得勝利，得到三張神之卡，成為戰鬥城市嘅冠軍，得到決鬥王嘅稱號。
杜馬篇（動畫原創） 編輯
戰鬥城市結束後，當武藤遊戲高舉三張神之卡在記憶石板面前時，卻遭受到了不知名力量阻擋，而三張神之卡也被名為杜馬三槍手嘅人搶走（三位名為：拉費爾、瓦龍、亞曼爾達），這個神祕嘅杜馬組織搶走神之卡嘅目的究竟係什麼，神秘嘅卡片，奧雷卡爾克斯嘅結界擁有嘅黑暗能量，又會帶畀使用呢張卡片嘅人乜嘢改變，黑魔導女孩從精靈嘅世界降臨，向武藤遊戲請求援助，人類世界與精靈世界嘅命運會如何，無名嘅傳說之龍又會怎麼樣幫助遊戲等人；在一次決鬥中，闇遊戲為了求勝、背負與黑魔導女孩嘅約定，迷失了自我，被杜馬嘅黑暗力量所迷惑，也為此讓武藤遊戲嘅靈魂被杜馬奪走，闇遊戲該如何找回自我，救回夥伴嘅靈魂，關係著人類世界與精靈世界嘅命運，遊戲等人該如何突破難關，化解危機。
海馬集團大賽篇（動畫原創） 編輯
杜馬事件結束後，武藤遊戲等人回日本前，受到海馬集團嘅邀請，參加了海馬樂園開幕嘅海馬集團大賽，而這之中也牽扯到海馬娛樂集團與朱雷達集團在遊戲開發上嘅競爭。
王之記憶篇 編輯
為了尋找寄宿在千年積木中無名法老王靈魂嘅真實姓名與記憶，武藤遊戲與朋友們踏上了埃及之旅，在記憶石板嘅背後，解開了無名法老王嘅過去記憶，?良也趁此時蠢蠢欲動，利用了千年輪嘅黑暗力量，在千年積木內進行了一場黑暗RPG，這場黑暗RPG遊戲中，直接以無名法老王嘅記憶當作背景，闇遊戲必須從這場黑暗遊戲中找回自己嘅真實姓名、得知自己嘅過去，並且打敗大邪神佐克，再一次封印，否則大邪神佐克也會在現實世界中復活，而最後，又有什麼樣嘅試煉等著武藤遊戲。
光之金字塔 編輯
在埃及嘅沙地下，有一個古老邪惡嘅力量被喚醒了。他就係在幾世紀前被“遊戲”嘅變身打敗嘅“導引亡靈之神”——暴君阿納畢斯，這次他捲土重來並且擁有了更加強大嘅戰鬥力，在妄圖殺死“遊戲”以雪前仇之外，他還要實現自己統治世界既野心。海馬跟貝卡斯玩一場賭牌遊戲海馬贏了，海馬從貝卡斯那裡拿走了兩張卡，一張係青眼光龍，另一張係有邪惡力量嘅光之金字塔，在遊戲奄奄一息嘅時候，海馬快要打敗遊戲嘅時候，阿納畢斯出現了，他能夠戰勝這個空前強大嘅敵人嗎？
劇場版 編輯
- 遊戲王 - 真紅眼黑龍（1999年3月6號喺日本首映）
- 遊戲王怪獸之決鬥 - 光之金字塔（2004年8月13號喺日本首映）
- 10週年紀念遊戲王 - ～超融合！超越時空的羈絆～（2010年1月23號喺日本首映，2011年2月26號喺日本再映）
用語 編輯
千年神器 編輯
亦稱為“千年道具”、“千年古物”、“千年法器”，喺傳說中，古埃及守護法老王嘅七件器具。擁有嘅人可以主持黑暗遊戲。
- 千年積木
- 持有者：
- 現世：武藤遊戲／古埃及：法老王亞圖姆，法老王阿克那姆卡諾，神官〈法老王〉瑟特，盜賊王貘良了
- 千年秤
- 可藉問答判斷對方善惡，且可奪去被判為惡者之人嘅生命。（神官使用特殊能力：融合神力，可以把召喚出來嘅精靈獸融合）
- 持有者：
- 現世：夏迪、武藤遊戲／古埃及：神官卡利姆，盜賊王貘良了
- 千年鑰匙
- 可以進入、領會人嘅心靈或思想。（神官使用特殊能力：看出內心魔物；西蒙能利用鑰匙召喚艾克索迪亞(黑暗大法師)）
- 持有者：
- 現世：夏迪、武藤遊戲／古埃及：神官夏達，盜賊王貘良了
- 千年智慧輪，簡稱千年輪
- 寄宿了古埃及大盜嘅靈魂，同時有尋找其他千年神器、分割部分靈魂寄宿在任何物品上嘅能力。（神官使用特殊能力：偵測出內心有魔物且有不良意圖嘅人）
- 持有者：
- 現世：貘良了、武藤遊戲／古埃及：神官瑪哈特、盜賊王貘良了，神官瑪娜
- 千年眼
- 可以看穿人嘅內心。（神官使用特殊能力：把魔物從內心中抽出）
- 持有者：
- 現世：貝卡斯·J·克羅佛多、貘良了、武藤遊戲／古埃及：神官阿克納帝，盜賊王貘良了
- 千年首飾
- 有預知未來嘅能力。（在伊西絲·伊修達爾與海馬瀨人嘅決鬥中，因為海馬瀨人改變了未來而失效。神官使用特殊能力：可配合精靈獸進行遠距離偵查）
- 持有者：
- 現世：伊西絲·伊修達爾、武藤遊戲／古埃及：神官愛西絲，盜賊王貘良了
- 千年錫杖
- 可以控制他人心智、思想。（神官使用特殊能力：把魔物封印到石板上）
七件「千年神器」，均有形成「黑暗遊戲」嘅力量。而敗方，會被黑暗力量吞噬靈魂或肉身，墮進黑暗空間。
其他玩具 編輯
卡片遊戲 編輯
- 詳見遊戲王集換紙牌遊戲。
依據故事內容開發出一套名為「Official Card Game：Duel Monsters」，常簡稱遊戲王OCG[2]嘅集玩遊戲卡，玩者必須購買，並搜集自己嘅一套怪獸卡、魔法卡、陷阱卡等，組合出至少40張，最多60張卡來對決。決鬥者要運用戰略，才可取勝。
2010年起，官方將呢兩國代理權都畀TCG、KCG負責，由他們生產嘅美英、韓文版遊戲王卡，亦係正版。
台灣與香港就畀咗巨崗洋行股份有限公司
商品代理:補充包~官方卡套~書卡 商品不代理:機台卡（DT3以後系列）~應募包（Le、PP、特點包系列）
官方認證店家合約說明其中一項:當地認證店家係不可以販售或者准許玩家在店家比賽使用盜版卡與同人卡。
實體玩具 編輯
OCG發行前，亦推出過遊戲王卡以外嘅相關產品。「龍骰」，英文Dungeon Dice Monsters，簡稱DDM。
DDM在動漫畫《遊戲王－怪獸之決鬥》中，伙由御伽龍兒設計嘅一款戰棋遊戲，取其名命名之「龍骰」。大概玩法係在一矩形決鬥盤上，以多個可展開嘅骰子之對決。
中國侵權 編輯
中國商人見日本嘢大賣，就去違法製造假卡圖利。雖然假卡平過正版，甚至有生產正版冇嘅產品（如動漫原創卡）同簡體中文版，不過假卡粗糙，用假卡嘅人容易被人發現且已違法。盜版卡係官方（Konami）所舉辦嘅任何比賽唔容許，而且主要卡鋪係唔歡迎客人用假卡同非法交易。
網上侵權問題嚴重，削減正版官方收入，《遊戲王Online》關閉原因非此莫屬。據《遊戲王 ONLINE DUEL ACCELERATOR 終止服務公告》指，上網服務已自2012年9月30號下晝5點關閉。[3] 關閉之前，盜版作品「自動對戰系統」同其他「假網站」就提供近乎《遊戲王Online》嘅「線上對戰服務」。翻版作品無論卡片種類、圖案，至對戰設計各方面，顯然抄襲自Konami嘅「遊戲王對戰卡」。有關嘅侵權作品質量差劣，玩家人品欠佳，私隱被盜。相關嘅盜版平台進行遊戲，可知程式錯誤（BUG）不斷、伺服器斷線、玩家講野唔客氣，無禮失德、甚至作弊。不過，網上侵權問題冇因正版倒閉、司法介入而收歛，反而橫行互聯網。「自動對戰系統」出現「有人辭官歸故里，有人漏夜趕科場」嘅情況，出版多國語言版本。官方自智能手機時代，硬推手機遊戲，力挽狂瀾。
網上侵權仲有最基本「非法下載」，受害係遊戲王單機電玩。GBA、PSP，甚至NDS嘅任何電玩遊戲，都可以出現都各大論壇網站中。只要盜版用家已安裝遊戲機模擬器，再上網下載遊戲嘅檔案，或破解官方嘅電玩遊戲就玩得。NDS版「遊戲王5D's: 世界冠軍大會2011」，去大陸或第三世界網上就有得BT或網址下載[4]。
註 編輯
- ↑ 继《航海王》、《游戏王》等大作后，日本集英社又将《家庭教师REBORN》的版权独家授权给翻翻动漫 。
- ↑ 故事中，原稱為「Magic and Wizards」，但因為在美國被指名稱與孩之寶嘅Magic：the Gathering太相似，所以改名。
- ↑ 〈遊戲王 ONLINE DUEL ACCELERATOR 終止服務公告〉. 原著喺2012年10月25號歸檔. 喺2012年10月22號搵到.
- ↑ Google尋找「遊戲王 模擬器」結果
- ↑ 警查獲仿遊戲王紙牌價低質粗?