酸辣湯

酸辣湯係中國四川著名嘢食，亦係開胃佳品之一。材料有筍、冬菇、肉絲、蛋花、木耳、豬紅、豆腐、黑醋、胡椒粉或者乾辣椒。好多中國嘅食客都相信酸辣湯有醒酒嘅功效。唔同國家有唔同嘅酸辣湯，例如泰國嘅冬蔭功。

酸辣湯

食譜

• 材料：豆腐、肉絲或者魚漿、雞蛋、木耳、蔥花、豉油、黑醋、胡椒粉、粟粉、鹽、麻油。
• 做法：先將豆腐、木耳切成細絲，肉絲加鹽同生粉之後放入油鑊炒熟。煲度加入一大碗水煮滾。然後將豆腐絲、木耳絲同炒好嘅肉絲放入煲度。水滾之後根據大概2：1嘅比例放入豉油同黑醋，份量可以根據自己嘅口味調整，放入適量嘅鹽調味，用兩湯勺粟粉打芡，加入適量嘅胡椒粉，再放入打散嘅雞蛋、蔥花，再加少少麻油，就完成。