金幣粵拼gam1 bai6)顧名思義係指用造嘅銀仔,自古以嚟就成日都畀人攞嚟做通貨。到咗廿一世紀初,啲人亦時常買金幣嚟做一種投資:金幣升值潛力可以好高,尤其係一啲限量版、發行預咗畀人攞去收藏嘅金幣;呢啲金幣經常都會畀人攞去,買咗返嚟分分鐘可以用高過買價幾倍嘅價放返出去,例如美國金鷹幣就係噉。

一個出自 16 世紀法國嘅金幣;個銀仔上嘅係亨利二世個樣。自古以嚟,人類就一路都有用金幣嚟做通貨

投資用 編輯

 
2021 年嘅美國金鷹幣;個金幣上面印咗美國嗰句官方格言—
In God We Trust粵譯我哋信任上帝
内文:黃金投資

金幣係黃金投資其中一種最常見嘅形式:自從人類文明早期開始,黃金一路都係一種有價值嘅資產,成日畀人攞嚟做通貨;黃金嘅一種重要特徵係本身就有價值,唔似得銀紙噉—銀紙有價值係源於啲人信個經濟體,一旦啲人對個經濟體喪失信心(例如政府亂咁印銀紙)就會,銀紙就可能會突然間冇晒價值;相比之下,金可以用嚟造首飾同埋電子元件等嘅物品,所以永遠都梗會或多或少有啲價值;除此之外,金又有個好處,就係市場流通度夠晒高,可以話放就放,唔似得例如房地產噉吓吓都要搞一排(例如約時間睇樓)先至放得到。而啲人要買黃金做投資,其中一種最常見嘅方法就係去銀行等嘅地方購買金幣。

不過,買金幣都有小心提防假嘢。一般認為,防範假金最簡單嘅方法,係淨係幫襯規模同名氣都有返咁上下嘅交易商:呢啲交易商往往有嚴格嘅基準檢驗自己買賣嘅金幣;而且喺正常情況下,交易商唔想假金搞到啲人對黃金失去信心—啲人對金失去信心唔肯買金,黃金交易商冇著數;因此,呢啲交易商有能力亦有誘因想確保自己啲金係真嘅[1][2]

攞嚟儲 編輯

睇埋:集幣

集幣顧名思義就係指緊一個人走去收集各種嘅銀仔。集幣可以係純嗜好,亦可以係儲嚟預咗攞去炒賣嘅。玩開集幣嘅人,基本上實會收集金幣,尤其係一啲限量版或者有紀念價值嘅金幣,佢哋仲會好擏惜(geng6 sek3)自己啲收藏品,務求想自己啲收藏品 kip1 住喺最佳狀態。

歷史意義嘅金幣可以好有價值:有唔少金幣都有特製嘅圖案,紀念緊某啲歷史大事或者人物,啲人要賣走手上嘅紀念金幣嗰陣好多時都賺大錢—佢哋嗰個賣價可以係「熔咗個金幣啲金值嗰個價」嘅 1.8 倍咁多[3];而根據紀錄,喺 2021 年嘅美國有人攞咗一個出自 1933 年嘅雙鷹幣拍賣,最後以 1,890 萬美金咁高嘅價成交,成為咗當時全美國最值錢嘅金幣[4]

簡史 編輯

睇埋:錢嘅歷史

金幣呢家嘢,喺公元前嘅時代已經存在。考古學家掘過公元前 6 世紀利底亞嘅文物—利底亞係西亞嘅一個古國,位置大致相當於現代嘅土耳其西部。當時嘅利底亞人已經有喺度用金幣,佢哋會用琥珀金(一種自然形成嘅混合物;當中銀嘅含量最少有 20%)嚟整銀仔,可以算係原始嘅金幣[5]

東亞嘅金幣歷史都好久遠。早喺春秋戰國時代(西曆約莫公元前 770 年至 403 年)晚期,楚國已經有楚金版呢樣嘢。楚金版係一塊塊板或者餅噉形、刻咗啲文字喺上邊嘅金,用嚟做通貨,而且含金量仲非常之咁高—研究估計話,一塊楚金版有九成以上嘅重量都係金。證據顯示,當時嘅中國有廣泛噉使用楚金版—考古學家有喺湖北湖南安徽陝西河南山東江蘇等咁多唔同地方掘到楚金版[6]

睇埋 編輯

引述 編輯

外拎 編輯