金洲站

金洲站（粵拼：gam1 zau1 zaam6；英文：Jinzhou Station），規劃時期嗌過沖尾站（cung1 mei5 zaam6；Chongwei Station），係廣州地鐵4號綫嘅車站，2007年6月28號開始營運，位置喺南沙區黃閣鎮雙山大道嘅祈豐路口。佢係廣州地鐵嘅其一高架車站。

金洲 Jinzhou
金洲站嘅站名
概覽
冧巴	407
位置	南沙區黃閣鎮雙山大道嘅祈豐路口
座標	22°47′32.54″N 113°32′20.34″E
車站色
經過路線	4
啟站	2007年6月28號
月台數	2
站口數	1
營運資訊
車站服務時間	06:05～00:13
列車服務時間	06:10～00:08
廣州地鐵4號綫 南沙客運港　◄飛沙角 （1.6km） （2km）蕉門►　黃村

呢個站從2007年6月28號頭班車投入營運開始一直到2017年12月27號尾班車收車為止，做過4號綫南邊嘅總站身份；期間亦試過廣州地鐵最東同最南嘅車站身份。從2017年12月28號開始，由於4號綫向南延長到南沙客運港站，呢個站唔單止降級成中途站，甚至取消咗廣州地鐵最東同最南嘅車站資格。

但佢係4號綫唯一冇廁所嘅高架站。

結構

外觀

從出面睇金洲站嘅樣

同其它嘅4號綫嘅高架站一樣，呢個站嘅外觀方面，好似帶有橢圓形兼打橫嚟嘅柱嘅樣，有啲似個琶洲嘅會展中心噉。但佢有個地方同琶洲嘅會展中心唔一樣嘅係，呢個站嘅最頂嗰個光棚，兩邊係垂直錯開咗，冇連埋一齊，而且車站出面冇大隻字印住個站名響度。

樓層

呢個站有三層樓嘅地上室。其中地面係車站設備同出入口，地上二樓係站廳，地上三樓係4號綫嘅月台。佢同4號綫北段嘅地底車站一樣，冇廁所同休息室響度。

打掂

地上 ３樓	側式月台，開右邊門
	2月台	← 4號綫列車去飛沙角站（行南沙客運港嗰邊）
	1月台	4號綫列車去蕉門站（行黃村嗰邊） →
	側式月台，開右邊門
地上 ２樓	站廳	售票機、客服中心、安檢設施
		過街通道（免費區）
地面	設備用房	車站設備、出入口

打橫

金洲站嘅站廳

金洲站嘅月台

站廳

金洲站嘅收費區喺2樓站廳嘅西邊，入面有扶手電梯同樓梯、專用𨋢往返月台都得。

月台

呢個站有2個側式月台，喺南沙區黃閣鎮雙山大道嘅上空。

另外，喺呢個站嘅東西兩邊冇幾遠嗰度有條存車綫，從2007年6月28號晏晝投入營運開始一直到2017年10月9號尾班車（行黃村嗰邊）開出之前，4號綫冚唪唥列車到呢個站後要攆客走，之後用西邊條存車綫調頭去到另一邊月台上落客。而東邊條存車綫一般喺突發情況下先至用，其它時間好少用到。自從2017年10月10號嘅4號綫南延段開始調試之後，冚唪唥啲車除突發情況外，其它時間都唔再喺西邊條存車綫調頭，而係直接去到南沙客運港站，但列車到呢個站後重係要攆客走直到2017年12月27號嗰日尾班車收車為止。2017年12月28號因路線繼續向南延長，列車到呢個站之後唔會俾車站工作人員或廣播話攆客走，喺2月台範圍原先寫住嘅「終點月台」、「終點站」、「請勿上車」、「禁入」呢啲類似提示亦冚唪唥搣走嗮同刪嗮，重改成提示路線已經向南延長到南沙客運港附近。而家條存車綫凈限突發事件時先至用到。

商舖同自助服務

而家嘅金洲站入面唔單止冇鋪頭，相反凈係得2台自助服務設施畀乘客用，包括咗1台自動販賣機同埋可以充羊城通、交水電費同交通嘅罰錢、查地鐵嘅路線、頭尾班車同埋地鐵嘅安全指引嘅服務呢台嘢。

自助服務 自動販賣機 M-Touch地鐵資料查詢

出入口

金洲站冚唪唥嘅出入口
A出入口（唯一） A出入口（唯一）

呢個站得A呢個唯一嘅出入口

冧巴	標記	方位	去到邊度
出入口A	雙山大道	東	祈豐路、廣州市南沙中心醫院、越秀濱海御城、地鐵金洲站巴士站
註： 有盲人引導徑 | 有斜道 | 出入口都喺同一層樓

頭尾班車信息同配線圖

配線圖
█ 4號綫 ▲蕉門站
▼飛沙角站

行去邊頭	頭班車	尾班車
每日
4號綫
黃村站	06:10	22:45
南沙客運港站	06:12	00:08
注意： 喺晚黑最後一班車開走之前嗰5分鐘之內， 係唔畀入閘坐車（包括埋買車飛）。

車站歷史

規劃

呢個站最先喺2003年嘅地鐵方案入面出現咗，話係4號綫嘅車站重延長到南沙地區，之後呢個站入咗4號綫嘅二期工程入面，但嗰時嗌沖尾站直到2004年4月25號先至攞到開工紙。

施工

到咗2006年初，呢個站正式逳手起。站名喺就快開工嗰時改名做金洲站。工程一直到2007年4月份先至搞掂。同年5月8號，地鐵方為咗照顧4號綫南延長到金洲嘅調試關係同將成條4號綫暫停服務成50日咁耐。

通車

金洲站1月台東邊嘅列車軌道

（2015年7月3號）

（2017年12月29號）

通過呢兩張歷史相，發現原先呢個站東邊條存車綫變成咗正綫軌道，尤其喺張相中間重出現軌道有向下入地嘅跡象。而呢種「向下入地跡象」喺2007年6月28號到2016年底係睇唔到嘅。

2007年6月28號，4號綫恢復營運之後，呢個站亦正式開放。期間班車一直到22:40分就冇車，後嚟地鐵方考慮到從廣州需要往返南沙做嘢或玩啲市民喺深夜冇車搭嘅問題而將營運時間延長到23:15先至收檔。期間呢個站一直做住4號綫南邊總站嘅身份，直到2017年12月28號，由於路線繼續向南延長到南沙客運港，車站亦降級成中途站。

報站廣播

報站廣播方面，從2007年6月28號恢復營運之後，每部列車到呢個站之後都會有廣播話佢係尾站要全體落車。2017年10月10號雖然加咗個南延段調試嘅廣播提示信號，但亦提示終點站要全體落車直到同年12月27號尾班車收車為止。從2017年12月28號頭班車開始，受到車站因路線繼續向南延長到南沙客運港而降級成中途站嘅影響，原先喺呢個站嘅清客廣播同南延段調試嘅廣播提示信號亦同時取消咗。

利用狀況

呢個站喺啱開通無耐，由於周邊係山旮旯地方，所以嗰時冇乜人上落。直到2015年4月21號，由於廣州南沙自貿區正式成立，車站周邊先至有好多樓盤同商業區出現，令車站東邊同北邊啲村嘅乘客成日揀呢個站上落。另外亦有南沙城區大部分居民通過巴士接駁等交通方式到呢個站轉地鐵。由於嗰時呢個站屬總站，所以亦有好多客流喺呢個站之間轉巴士往返南沙城區。從2017年12月28號朝頭早開始，由於路線延長到南沙客運港，所以亦有一大堆喺南沙城區住或返工，遊玩啲乘客都分流到佢以南啲車站入面，唔再局限喺呢個站入面轉巴士。

接駁交通

金洲地鐵站

南沙1A、南沙4、南沙5、南沙6、南沙8、南沙12、南沙13、南沙18、南沙19、南沙20、南沙34、南沙38、南沙53

附近嘅建築同景區

• 中大城

上一站·下一站

上一站⇚⇚　　　　廣州地鐵　　　　⇛⇛下一站
飛沙角站 南沙客運港站←	金洲站 4號綫	蕉門站 →黃村站