鍾會
鍾會（粵拼：zung1 wui6；225年—264年1月），字
| 鍾會 | |
|---|---|
 | |
| 曹魏 司徒 | |
| 生 | 225年 |
| 死 | 264年 |
| 活躍時期 | 244～264年 |
| 仔女 | 鍾毅 |
| 遞啲名 | |
| 字 | 士季 |
生平
編輯早年
編輯鍾會出世嗰時，佢亞爸鍾繇已經七十幾歲。佢亞媽張昌蒲喺鍾繇嘅妾，但好有學問。佢喺教育方面十分之嚴厲，鍾會四歲嗰陣就開始教佢《孝經》，七歲讀《論語》，八歲讀《詩》，十歲讀《尚書》，十一歲讀《易》，十二歲讀《春秋左氏傳》、《國語》，十三歲讀《周禮》、《禮記》，十四歲讀佢亞爸鍾繇寫嘅《易記》，十五歲就要佢入太學讀書。[2]
鍾會後生嗰時就因為聰明同埋有才華而有較好嘅聲譽[3]。到廿歲左右仲同王弼、荀融兩個人討論《易》、《老》[4]。正始年間，鍾會做咗秘書郎，後尾升做尚書中書侍郎[5]。高貴鄉公曹髦做咗皇帝之後封鍾會做關內侯[6]。
出謀獻策
編輯正元二年（255年）淮南守將毌丘儉喺壽春叛變，大將軍司馬師帶兵攻打毌丘儉，鍾會亦都有份參加，負責掌管機要[7]。司馬師喺做低毌丘儉之後冇幾耐就喺許昌病死咗，佢細佬衛將軍司馬昭接管咗亞哥嘅軍隊，鍾會就喺軍營度規劃戰略。嗰時朝廷命尚書傅嘏將司馬昭嘅軍隊帶返洛陽，並且叫司馬昭留喺許昌嗰度等候調度。鍾會同傅嘏謀劃，讓傅嘏先上表畀皇上，跟著同司馬昭一齊帶兵返洛陽，並且喺洛水南部嗰度駐兵。朝廷拜司馬昭做大將軍錄尚書事[8]。鍾會改做黃門侍郎、並且畀封咗東武亭侯嘅爵位，有三百戶嘅食邑[9]魏高貴鄉公甘露二年（257年），鍾會嘅亞媽張昌蒲病死咗，鍾會幫佢亞媽作傳，唔叫亞媽做妾而係叫做命婦，並且記錄低皇帝曹髦下詔要求司馬昭畀多啲錢嚟搞喪事。鍾會喺屋企幫亞媽服喪期間，朝廷徵召淮南守將諸葛誕做司空，鍾會認為諸葛誕唔會聽朝廷嘅命令，於是即刻去搵司馬昭，司馬昭回應話件事已經施行咗，唔會再作更改[10]。後尾諸葛誕喺壽春起兵反叛，魏帝曹髦御駕親征，駐軍項城，命令鍾會跟埋大將軍司馬昭一齊去討伐諸葛誕[11]。鍾會用計吸引東吳將領全懌出降，令到壽春城入面嘅將領發生內訌[12]，最後佢哋成功做低咗諸葛誕。大軍凱旋之後，朝廷諗住升鍾會為太僕，但鍾會堅辭不受[13]。於是朝廷升咗佢做中郎在大將軍府管記室事，意思喺以皇帝近侍官嘅身份掌管大將軍府嘅文書機要。朝廷又因為鍾會討伐諸葛誕有功而諗住封佢做陳侯，但佢又多次不受[14]，於是皇帝曹髦下詔表揚佢功成不居嘅處事態度[15]。之後鍾會改做司隸校尉，司隸校尉雖然唔係宮中職位，但喺鍾會仍然喺度發揮佢嘅政治影響力。佢擁有賞罰生殺之權，比如佢就曾經殺咗名士嵇康[16]。喺做司隸校尉期間，鍾會提拔咗曾經為王經哭喪嘅向雄做都官從事，即喺司隸校尉嘅屬官。
攻打蜀國
編輯魏元帝景元三年（262年），司馬昭任命鍾會做鎮西將軍，假節鉞，管理關中軍事[17]。263年八月，司馬昭命令鍾會聯同鄧艾、諸葛緒兩人兵分三路攻打蜀國。鍾會帶領十幾萬嘅主力分兵三路從斜谷、駱谷、子午谷呢三條路行去漢中[18][19]，冇耐就到咗漢中，並且派人祭拜蜀漢已故丞相諸葛亮嘅墳墓[20]，其間鍾會奪走咗諸葛緒嘅兵權[21]。蜀將姜維見到陽平關已經失守，只好退守劍閣[22]。鍾會大軍攻打劍閣，但係點都打唔落嚟，鍾會於是發佈檄文昭告蜀漢軍民。呢個時候，鄧艾行陰平小路到成都附近，並且做低咗綿竹嘅守將諸葛瞻[23]，蜀主劉禪嚇到派人投降鄧艾，鄧艾派使者命令姜維投降鍾會[24]，姜維知道後選擇投降鍾會[25]。鍾會於是禁止士兵搶奪侵擾，向蜀漢官員表達善意，並且同姜維做咗朋友[26]。鍾會從蔣琬個仔蔣斌嗰度知道蔣琬就葬喺涪縣，於是佢去涪縣祭拜蔣琬[27]。十二月，魏帝曹奐下詔任命鍾會做司徒，並且進封佢做縣侯，增加一萬戶嘅食邑畀佢，另外佢兩個仔亦都被封做亭侯，兩人都得到一千戶嘅食邑[28]。
謀反被殺
編輯蜀國滅亡之後，鍾會有自立門户嘅野心，於是佢密報司馬昭話鄧艾居功自傲、諗住謀反，司馬昭命令鍾會將鄧艾捉返曹魏[29]。鍾會於是親自去成都處理，佢派監軍衛瓘先行，衛瓘將司馬昭嘅手諭攞畀鄧艾啲士兵睇，於是鄧艾嘅士兵冇作出抵抗，鄧艾同佢亞仔鄧忠畀衛瓘用囚車運返曹魏[30]。鍾會見到自嘅心腹大患鄧艾已經畀自己處理咗，自己又統領咁多軍隊，於是佢開始有叛變嘅諗法[31]。鍾會仲計劃派姜維攻打長安，跟住兵分兩路攻打洛陽，咁樣就有機會攞到成個天下[32]。之後，鍾會收到咗司馬昭嘅書信，司馬昭話驚鍾會解決唔到鄧艾，所以已經派咗中護軍賈充帶領步騎萬人行斜谷到樂城屯駐，自己亦都親自帶領十萬士兵屯駐喺長安[33]。鍾會收到書信之後，認為司馬昭已經唔再信任自己，肯定知道自己有自立嘅野心先至咁樣做，自己不如先下手為強，贏咗有機會攞到天下，輸咗都可以學劉備一樣喺蜀地割據[34]。魏元帝景元五年（264年）正月十六日，鍾會集合咗護軍、郡守、牙門騎督以上嘅武將官員同埋蜀漢故官，喺蜀漢朝堂為逝世冇耐嘅郭太后發喪，同時佢話自己有太后嘅遺詔，要起兵做低司馬昭，鍾會將班武將官員關晒喺城入面[35]，佢認為自己咁做可以將軍隊控制喺自己手上。點知護軍胡烈趁派飯嗰陣時同喺城外嘅仔胡淵聯絡，佢哋話鍾會要殺曬駐守城外嘅反對者，好快呢嗰傳言就喺軍隊入面廣泛嘅流傳[36]。正月十八日，城外軍隊發生騷亂，佢哋突然攻入城入面[37]，鍾會同埋姜維一齊被殺，佢死嗰時得四十歲[38]。
參考
編輯引用
編輯- ↑ 《三國志·魏書·王毌丘諸葛鄧鍾傳》：鍾會字士季，潁川長社人，太傅繇小子也。
- ↑ 《全三國文·鍾會·母夫人張氏傳》：夫人性矜嚴，明於教訓。會雖童稚，勤見規誨。年四歲授《孝經》，七歲誦《論語》，八歲誦《詩》，十歲誦《尚書》，十一誦《易》，十二誦《春秋左氏傳》、《國語》，十三誦《周禮》、《禮記》，十四誦成侯《易記》，十五使入太學，問四方奇文異訓
- ↑ 《三國志·魏書二十八·王毌丘諸葛鄧鍾傳》：及壯，有才數技藝，而博學精練名理，以夜續晝，由是獲聲譽。
- ↑ 《三國志·魏書十·荀彧荀攸賈詡傳》注引《荀氏家傳》曰：紹子融，字伯雅，與王弼、鍾會俱知名，為洛陽令，參大將軍軍事，與弼、會論易、老義，傳於世。
- ↑ 《三國志·魏書二十八·王毌丘諸葛鄧鍾傳》：正始中，以為秘書郎，遷尚書中書侍郎
- ↑ 《三國志·魏書二十八·王毌丘諸葛鄧鍾傳》：高貴鄉公即尊位，賜爵關內侯。
- ↑ 《三國志·魏書二十八·王毌丘諸葛鄧鍾傳》：毌丘儉作亂，大將軍司馬景王東征，會從，典知密事
- ↑ 《晉書·卷二·帝紀第二》：及景帝疾篤，帝自京都省疾，拜衛將軍。景帝崩，天子命帝鎮許昌，尚書傅嘏帥六軍還京師。帝用嘏及鐘會策，自帥軍而還。至洛陽，進位大將軍加侍中，都督中外諸軍、錄尚書事，輔政，劍履上殿。帝固辭不受。
- ↑ 《三國志·魏書二十八·王毌丘諸葛鄧鍾傳》：景王薨於許昌，文王總統六軍，會謀謨帷幄。時中詔敕尚書傅嘏，以東南新定，權留衛將軍屯許昌為內外之援，令嘏率諸軍還。會與嘏謀，使嘏表上，輒與衛將軍俱發，還到雒水南屯住。於是朝廷拜文王為大將軍、輔政，會遷黃門侍郎，封東武亭侯，邑三百戶。
- ↑ 《三國志·魏書二十八·王毌丘諸葛鄧鍾傳》：甘露二年，徵諸葛誕為司空，時會喪寧在家，策誕必不從命，馳白文王。文王以事已施行，不復追改。
- ↑ 《三國志·魏書二十八·王毌丘諸葛鄧鍾傳》：及誕反，車駕住項，文王至壽春，會復從行。
- ↑ 《三國志·魏書二十八·王毌丘諸葛鄧鍾傳》：會建策，密為輝、儀作書，使輝、儀所親信齎入城告懌等，說吳中怒懌等不能拔壽春，欲盡誅諸將家，故逃來歸命。懌等恐懼，遂將所領開東城門出降，皆蒙封寵，城中由是乖離。
- ↑ 《三國志·魏書二十八·王毌丘諸葛鄧鍾傳》：壽春之破，會謀居多，親待日隆，時人謂之子房。軍還，遷為太僕，固辭不就。
- ↑ 《三國志·魏書二十八·王毌丘諸葛鄧鍾傳》：以中郎在大將軍府管記室事，為腹心之任。以討諸葛誕功，進爵陳侯，屢讓不受。
- ↑ 《三國志·魏書二十八·王毌丘諸葛鄧鍾傳》：詔曰：「會典綜軍事，參同計策，料敵制勝，有謀謨之勳，而推寵固讓，辭指款實，前後累重，志不可奪。夫成功不處，古人所重，其聽會所執，以成其美。」
- ↑ 《三國志·魏書二十八·王毌丘諸葛鄧鍾傳》：遷司隸校尉。雖在外司，時政損益，當世與奪，無不綜典。嵇康等見誅，皆會謀也。
- ↑ 《三國志·魏書二十八·王毌丘諸葛鄧鍾傳》：景元三年冬，以會為鎮西將軍、假節都督關中諸軍事。
- ↑ 《三國志·魏書二十八·王毌丘諸葛鄧鍾傳》：會統十餘萬眾，分從斜谷、駱谷入。
- ↑ 《三國志·魏書二十八·王毌丘諸葛鄧鍾傳》：魏興太守劉欽趣子午谷，諸軍數道平行，至漢中。
- ↑ 《三國志·魏書二十八·王毌丘諸葛鄧鍾傳》：遣人祭諸葛亮之墓。
- ↑ 《三國志·魏書二十八·王毌丘諸葛鄧鍾傳》：會與緒軍向劍閣，會欲專軍勢，密白緒畏懦不進，檻車徵還。軍悉屬會
- ↑ 《三國志·魏書二十八·王毌丘諸葛鄧鍾傳》：姜維自沓中還，至陰平，合集士眾，欲赴關城。未到，聞其已破，退趣白水，與蜀將張翼、廖化等合守劍閣拒會。
- ↑ 《三國志·魏書二十八·王毌丘諸葛鄧鍾傳》：艾遂至綿竹，大戰，斬諸葛瞻。
- ↑ 《三國志·魏書二十八·王毌丘諸葛鄧鍾傳》：艾進軍向成都，劉禪詣艾降，遣使敕維等令降於會。
- ↑ 《三國志·魏書二十八·王毌丘諸葛鄧鍾傳》：維至廣漢郪縣，令兵悉放器仗，送節傳於胡烈，便從東道詣會降。
- ↑ 《三國志·魏書二十八·王毌丘諸葛鄧鍾傳》：會於是禁檢士眾不得鈔略，虛己誘納，以接蜀之群司，與維情好歡甚。
- ↑ 《三國志·蜀書十四·蔣琬費禕姜維傳》魏大將軍鐘會至漢城，與斌書曰：「巴蜀賢智文武之士多矣，至於足下、諸葛思遠，譬諸草木，吾氣類也。桑梓之敬，古今所敦。西到，欲奉瞻尊大君公侯墓，當灑掃墳塋，奉祠致敬。願告其所在！」斌答書曰：「知惟臭味意眷之隆，雅托通流，未拒來謂也。亡考昔遭疾疢，亡於涪縣，卜雲其吉，遂安厝之。知君西邁，乃欲屈駕修敬墳墓。視予猶父，顏子之仁也，聞命感愴，以增情思。」會得斌書報，嘉歎意義，及至涪如其書雲。
- ↑ 《三國志·魏書二十八·王毌丘諸葛鄧鍾傳》：十二月詔曰：「會所向摧弊，前無強敵，緘制眾城，罔羅迸逸。蜀之豪帥，面縛歸命，謀無遺策，舉無廢功。凡所降誅，動以萬計，全勝獨克，有征無戰。拓平西夏，方隅清晏。其以會為司徒，進封縣侯，增邑萬戶。封子二人亭侯，邑各千戶。」
- ↑ 《三國志·魏書二十八·王毌丘諸葛鄧鍾傳》：會內有異志，因鄧艾承制專事，密白艾有反狀，於是詔書檻車徵艾。
- ↑ 《三國志·魏書二十八·王毌丘諸葛鄧鍾傳》：監軍衛瓘在會前行，以文王手筆令宣喻艾軍，艾軍皆釋仗，遂收艾入檻車。
- ↑ 《三國志·魏書二十八·王毌丘諸葛鄧鍾傳》：會所憚惟艾，艾既禽而會尋至，獨統大眾，威震西土。自謂功名蓋世，不可復為人下，加猛將銳卒皆在己手，遂謀反。
- ↑ 《三國志·魏書二十八·王毌丘諸葛鄧鍾傳》：欲使姜維等皆將蜀兵出斜谷，會自將大眾隨其後。既至長安，令騎士從陸道，步兵從水道順流浮渭入河，以為五日可到孟津，與騎會洛陽，一旦天下可定也。
- ↑ 《三國志·魏書二十八·王毌丘諸葛鄧鍾傳》：會得文王書云：「恐鄧艾或不就徵，今遣中護軍賈充將步騎萬人徑入斜谷，屯樂城，吾自將十萬屯長安，相見在近。」
- ↑ 《三國志·魏書二十八·王毌丘諸葛鄧鍾傳》:會得書，驚呼所親語之曰：「但取鄧艾，相國知我能獨辦之；今來大重，必覺我異矣，便當速發。事成，可得天下；不成，退保蜀漢，不失作劉備也。我自淮南以來，畫無遣策，四海所共知也。我欲持此安歸乎！」
- ↑ 《三國志·魏書二十八·王毌丘諸葛鄧鍾傳》：會以五年正月十五日至，其明日，悉請護軍、郡守、牙門騎督以上及蜀之故官，為太后發喪於蜀朝堂。矯太后遺詔，使會起兵廢文王，皆班示坐上人，使下議訖，書版署置，更使所親信代領諸軍。所請群官，悉閉著益州諸曹屋中，城門宮門皆閉，嚴兵圍守。
- ↑ 《三國志·魏書二十八·王毌丘諸葛鄧鍾傳》:會帳下督丘建本屬胡烈，烈薦之文王，會請以自隨，任愛之。建愍烈獨坐，啟會，使聽內一親兵出取飲食，諸牙門隨例各內一人。烈紿語親兵及疏與其子曰：「丘建密說消息，會已作大坑，白棓數千，欲悉呼外兵入，人賜白㡊，拜為散將，以次棓殺坑中。」諸牙門親兵亦咸說此語，一夜傳相告，皆遍。
- ↑ 《三國志·魏書二十八·王毌丘諸葛鄧鍾傳》:諸軍兵不期皆鼓譟出，曾無督促之者，而爭先赴城。
- ↑ 《三國志·魏書二十八·王毌丘諸葛鄧鍾傳》:姜維率會左右戰，手殺五六人，眾既格斬維，爭赴殺會。會時年四十