鐵刃
鐵刃（剣勇伝説YAIBA、ヤイバ）係日本漫畫家青山剛昌嘅出名作之一[1]，以格鬥同少年漫畫做題材，1988年自1993年響小學館旗下嘅《週刊少年Sunday》度連載。曾經攞過38屆小學館漫畫獎。
| 鐵刃 | |
|---|---|
| YAIBA | |
| 假名 | やいば |
| 羅馬字 | YAIBA |
| 類型 | 格鬥、少年漫畫 |
| 正式譯名 |  鐵刃 城市風雲兒
|
| 常用譯名 | 九龍珠、反斗劍神 |
| 漫畫 : 鐵刃 | |
| 原作 | 青山剛昌 |
| 作畫 | 青山剛昌 |
| 出版社 |  小學館 青文出版社 安樂文潮
|
| 連載雜誌 | 週刊少年Sunday
|
| 叢書系列 | 小學館Comic 哈囉漫畫館
|
| 連載期間 | 1988年 – 1993年 |
| 電視動畫 : 鐵刃 | |
| 原作 | 青山剛昌 |
| 導演 | 湯山邦彦 |
| 系列構成 | 寺田憲史 |
| 腳本 | 寺田憲史、大橋志吉、静谷伊佐夫 |
| 人物設定 | 松原德弘 |
| 音樂 | 田中公平 |
| 動畫製作 | パステル |
| 製作 | 東京電視台、TV北海道、小學館Production |
| 播放電視台 | 東京電視台 台視、中都卡通台 無綫電視翡翠台 東方衛視
|
| 播放期間 | 1993年4月9號－1994年4月1號 1995年1月27號 - 4月18號
|
| 模板說明 | |
響香港，正式譯名叫鐵刃，不過坊間好多時都會同無綫電視一樣叫做反斗劍神，反而唔會叫鐵刃。
故仔嘅主角係一個想做天下第一劍士嘅後生仔，佢叫做鐵劍（TVB譯做小刃）。有一日，佢同老豆劍十郎響熱帶雨林入面修練劍術，但就因為畀大猩猩追擊而被逼要匿響運香蕉嘅箱入面走返日本。響機場，劍十郎見到老友峰雷藏同埋佢個女沙也加，所以劍十郎就送咗鐵劍去峰雷藏屋企，而自己就去修練劍術。鐵劍同沙也加一齊返學嘅時候，撞到劍道高手鬼丸猛，兩個人一決高下，結果鐵劍用咗下流嘅手段打低鬼丸猛。
輸咗爾場仗嘅鬼丸猛好傷心咁返到屋企，點知唔小心搵到收埋響屋企嘅風神劍，因為畀風神侵蝕咗佢嘅內心，所以佢變咗做一隻鬼。鬼丸猛帶住風神劍同鐵劍打多次，結果鐵劍輸咗。爾個時候，峰老太太話畀鐵劍知鬼丸猛發生咩嘢事，重同佢講話只有雷神劍先至係同風神劍一個Level。所以鐵劍決定去搵雷神劍，而沙也加都跟住一齊去。
佢哋去同某一座山，結果出奇咁搵到雷神劍，重撞見生存咗四百年嘅出名劍術家宮本武藏。但就響同一時間，鬼丸猛用風神劍，令到傳說入面嘅八鬼、佐佐木小次郎、三好政康、風魔小太郎、天草時貞、石川五右衛門（又叫石田六右衛門）、武藏坊辨慶同埋松尾芭蕉復活，企圖阻止鐵劍攞到雷神劍。經過長時間嘅決鬥，鐵劍成功打低佢哋，攞到雷神劍，重同八鬼入面嘅青蛙男、海參男、小次郎同埋宮本做咗戰友。
響鐵劍同鬼丸猛再一次決鬥嘅時候，雖然鐵劍砍斷咗風神劍，但係雷神劍上面嘅雷神珠就畀鬼丸猛攞走咗，只可以搵龍神珠嚟代替雷神珠，所以鐵劍一班人走勻全日本去搵，而鬼丸猛周不時都會復活啲日本古代劍士嚟阻止佢。直至到鐵劍盲莊莊，攞唔到龍神珠但就攞到龍神劍，所以鬼丸猛又同佢打多次。打下打下，突然之間，畀龍神封咗響龍女身體入面一千年、住響月球上面嘅輝夜公主（TVB譯做月星魔女）降臨地球，打斷咗兩個人嘅對決。
如果輝夜公主要恢愎原本個樣，就要吸收龍女後人嘅時間（即係青春）。咁啱，沙也加正正就係龍女後人。所以，沙也加畀輝夜公主吸收咗佢嘅時間，輝夜公主又都恢愎咗原本個樣。但就係響爾個時候，鐵劍同鬼丸猛罕有咁聯手打低輝夜公主，重封咗佢響地球入面，沙也加恢愎咗。
角色
編輯攷
編輯- ↑ 〈剣勇伝説YAIBA〉。原著喺2013-02-22歸檔。
- ↑ 〈WEBサンデー｜名作ミュージアム〉。《小学館コミック -少年サンデー-》。喺2020-06-07搵到。