陳潔儀

陳潔儀（粵拼：can4 git3 ji4；簡化字：陈洁仪；英文：Kit Chan；1972年9月15號—）係星加坡女歌手同舞台劇演員。阿爸祖籍中國廣州，喺星加坡出世，喺星加坡拉薩爾藝術學院戲劇表演學系畢業。喺韋息士伯爵愛德華王子御前唱過歌；被叫做「新加坡國寶」嘅華人女歌手。佢喺1997年參與演出由張學友做藝術總監嘅音樂劇《雪狼湖》，因為獨特聲音同有氣質嘅外表被人熟知。2014年12月，加盟湖南衛視《我是歌手》第三季、為首發歌手，喺第一輪遭到淘汰，之後喺突圍賽演唱《左右手》以第五名突圍失敗。

陳潔儀
女歌手
英文名	Kit Chan
國籍	星加坡
籍貫	廣東廣州
出世	(1972-09-15) 1972年9月15號 星加坡
職業	歌手
語言	華語、英語、粵語、客語、法語
母校	拉薩爾藝術學院
宗教信仰	基督教
配偶	Han（2012年結婚）
出道日期	1993
出道作品	《不要傷了和氣》
代表作品	心痛、傷了和氣、擔心、等了又等、喜歡你、家
唱片公司	海蝶音樂（唱片製作，1993—2004） 波麗佳音（新加坡）（1993—1996） 寶麗金唱片（新加坡）（1997—1998） 立得唱片（台灣）（1994—1998） 新藝寶唱片（香港）（1995—2004） 上華唱片（台灣、新加坡）（1999—2000） 環球唱片（台灣、新加坡）（2001—2002） Banshee Empire（唱片製作，2011—） 新世紀工作室（香港）（代理發行，2011—） 太合麥田（中國大陸）（2015—） 大潮音樂（台灣）（代理發行，2015—） 海蝶音樂（新加坡）（代理發行，2015—）
經紀公司	海蝶音樂（1993—2004） Banshee Empire（2011—）
網站	www.kitchan.com
網路電影資料庫（IMDb）資訊

演藝經歷

陳潔儀喺1989年參加新加坡拉薩爾藝術學院舉辦校際詞曲創作比賽，並開始演唱廣告歌曲。1993年以學生身份喺韋息士伯爵愛德華王子禦前獻唱《西貢小姐》選曲《I'd rather give my life for you》，獲新加坡海蝶音樂老闆許環良嘅賞識，並同唱片公司簽約。

初期：1993年—1996年

1993年，佢簽約新加坡海蝶音樂同波麗佳音唱片，喺同年10月喺新加坡推出首張國語專輯《不要傷了和氣》，震撼新加坡傳媒界。第一主打係《傷了和氣》，第二主打係《不要》，第三主打係同中國歌手郭峰合唱歌曲《心會跟愛一起走》。

1994年，同台灣立得唱片簽約，喺同年11月喺台灣發行首張國語專輯《心痛》，正式進軍台灣歌壇。第1主打為《心痛》，呢首歌曲令佢得到民生報金曲龍虎榜冬季排行冠軍。第2主打為《傷了和氣》，第3主打為電影《我要活下去》主題曲《愛讓我犯錯》。但呢張專輯有6首歌係選自喺新加坡推出嘅首張國語專輯《不要傷了和氣》，令到呢專輯喺台灣銷量達20萬張。

1995年，同香港新藝寶唱片簽約，腳步再次跨越海洋，並規劃去中國發展。同年6月，推出第2張國語專輯《逼得太緊》，第1主打為《逼得太緊》，呢首歌曲令佢得到民生報金曲龍虎榜年度總排行第6名。第3主打為《擔心》，呢首歌曲令佢奪得[[Channel [V]|Channel V]]年度排行「中文Top 20榜中榜'95」嘅冠軍位置。第3主打為《拔河》，呢首歌曲令佢奪得新加坡FM93.3頻道「醉心金曲獎」之最佳本地歌手獎。同時喺專輯嘅香港同星馬特別版還收錄《擔心》Repise版本同《心痛》不插電版本。同年7月，推出同台灣創作歌手潘協慶合唱歌曲《變了真心》，佔據台灣KTV排行榜高達4個月。

1996年1月，佢榮獲香港電台第18屆十大中文金曲最有前途新人獎之「最佳歌唱技巧獎」；香港新城電台「勁爆流行音樂獎」之「九五國語金曲獎」銀獎；台灣Channel V年度排行「中文Top 20榜中榜'95」。同年6月，推出第3張國語專輯《傷心》，第1主打為《傷心》，第2主打為《像男孩的男人》，第3主打為《喜歡你》，並同時喺台灣舉辦全台巡迴歌友會。同年9月，獲專業人士同歌迷齊聲推薦為1996年新加坡歌壇天後。同年12月，乘勝推出第4張國語專輯《別讓我恨你》，第2主打為《別讓我恨你》，第3主打為《拖鞋》，第3主打《虧欠》，呢張專輯喺台灣甫推出3日即進入IFPI排行榜，並喺1997年5月獲頒台灣金曲獎「世界華人最佳國語女演唱人獎」。

走紅期：1997年—2001年

1997年3月—4月，佢被張學友睇好，喺香港紅磡體育館參與音樂劇《雪狼湖》43場嘅演出，飾演「寧玉鳳」。同年11月喺新加坡公演7場，其中呢個音樂劇當中嘅歌曲《等了又等》成為1997年香港TVB十大歌金曲第四季入選金曲。同年12月，出首張粵語專輯《揭曉》，正式進軍香港歌壇。第一主打係《揭曉》，呢首歌為《傷了和氣》嘅粵語版，成為1998年香港TVB十大歌金曲第一季入選金曲。第二主打係《失蹤》，呢首歌為《感覺失蹤》嘅粵語版。第三主打係《分享孤獨》，第四主打係《我怕》。同時呢張專輯嘅星馬特別版仲收錄《我怕》哼唱版本同《分享孤獨》啦啦版本。

1998年5月，出第二張粵語專輯《有你愛過》，第一主打係雷頌德作曲嘅《有你愛過我》，第二主打係《轉彎抹角》，第三主打係《冰山一角》，第四主打係《傷愛》。同時呢張專輯嘅星馬特別版仲收錄《迷信》國語版《看月亮》同《精挑細選》國語版《開車上路》，呢兩隻歌分別係新加坡新視電視連續劇《慾望街車》嘅主題曲同插曲。同年7月，為新加坡國慶慶典錄製主題曲國語版《家》同英文版《Home》。同年8月，推出第5張國語專輯《入戲太深》，第1主打為《再愛一回》，第二主打係 《等了又等》嘅國語版，第三主打係《入戲太深》，第四主打係《冰山一角》國語版《得寸進尺》，並做瑞士知名手錶Ebel新加坡代言人。同年11月，同陳奕迅喺香港灣仔會議展覽中心演出12場以已故歌星鄧麗君一生為藍本嘅音樂劇《漫步人生路》，飾演劇中主角鄧小君。同年12月，做星加坡第一任青年大使，並為麥當勞做新加坡代言人。

1999年1月，同蘇永康合唱電影《玻璃樽》主題曲粵語版《來夜方長》同國語版《愛的正好》，其中國語版《愛的正好》攞到新加坡 FM93.3醉心YES頻道「醉心金曲獎」嘅「最佳男女合唱歌曲金獎」。同年7月，做知名咪高風「Shure」亞洲區首位女代言人。同年8月，台灣立得唱片同上華唱片正式結盟，出第六張國語專輯《炫耀》，第二主打係《炫耀》，第三主打係《我真的愛錯》、《變天》，第四主打係《限制級》。 同年11月，攞到新加坡FM93.3電台醉心YES頻道「醉心金曲獎」嘅「最佳本地歌手獎」，同時客串新加坡製作電影《吃風》嘅演出。

2000年1月，出首張國語新歌加精選集《那天那夜》，收錄兩首新歌同12首精選舊作，第一主打係《那天那夜》，第二主打係《輕佻》。同時亦出首本中英對照詩集《想入飛飛》，由台灣旺角出版社發行。同年4月，出首張粵語新歌加精選集《最好》，收錄九首新歌加六首精選舊作，第一主打係《天使吻》，第二主打係《早去早回》，第三主打係《最好》，第四主打係《寂寞便找我》。同年6月，出第七張國語專輯《蘿拉》，佢喺呢張專輯當中曲風同過往嘅專輯有好大嘅改變，第一主打係《蘿拉》，係一首拉丁味十足嘅中版情歌。第二主打係《一個人的圓舞曲》。第三主打係《你酷》，係佢出道以嚟唯一一隻快歌。第四主打係《他不適合你》。第五主打係佢詞曲一手包辦嘅《終於忘記了你的生日》。另外呢張專輯仲收錄新加坡電視劇《家事》嘅同名主題曲重新作詞嘅版本《走過》，令佢攞到星加坡FM93.3電台紅星大獎嘅「最佳電視劇主題曲獎」。同年11月，攞到星加坡FM93.3電台醉心YES頻道「醉心金曲獎」嘅「最佳本地歌手獎」同「2000年十大最受歡迎女歌手」第7名。同年8月，參與香港TVB電視劇《妙手仁心II》嘅演出，飾演阮朗平。

2001年3月，推出第3張粵語大碟《麻醉》，第1主打為香港TVB電視劇《妙手仁心II》嘅插曲《麻醉》。第2主打為同林保怡合唱歌曲《不知不覺》，呢首歌都係《妙手仁心II》嘅插曲。第3主打為香港TVB電視劇《封神榜》片尾曲《每一生都為你》，呢首歌為《那天那夜》嘅粵語版。第四主打為《夜安》，同時呢張專輯星馬版還收錄新加坡宣明會嘅活動主題曲《願望》。同年5月，同張學友合唱TVB電視劇《酒是故鄉醇》主題曲《醉酒醉影》。 同年6月，喺新加坡舉辦個人首場售票演唱會《That's Kit 就是陳潔儀》。同年7月，參與新加坡優頻道電視劇《勝券在握》嘅演出，同秦漢演對手戲。同年8月，同劉以達合作單曲《孤獨頻盜》，收錄喺劉以達《水底樂園》專輯。同年12月，喺新加坡推出第2張國語新歌加精選集《Like Kit》，收錄兩首新歌同20首精選舊作，第1主打為新加坡優頻道電視劇《勝券在握》主題曲《握住我的手》，第2主打為新加坡優頻道電視劇《勝券在握》插曲《天天看到你的臉》。同時受邀參與台灣金馬獎演出，演唱黃鶯鶯經典名曲《葬心》。

後期：2002年—2006年

2002年8月，喺香港參與香港、荷蘭聯合製作多媒體音樂劇《千裏情牽》嘅演出，飾演女主角Kit。同年9月，推出第8張國語大碟《異想世界》，呢張專輯係華語歌壇首張以電子沙發音樂為主嘅唱片，亦是佢親自擔任製作人嘅首張唱片，而呢張專輯收錄嘅大部分歌曲都係佢喺學生時代所創作嘅歌曲。第1主打為《謎》，第2主打為《我愛你》。同時呢張專輯特別收錄《早去早回》國語版《天冷就回來》，亦成為第3主打。同年10月，喺新加坡濱海藝術中心參與新加坡、英國合作原創英語音樂劇《紫禁城：慈禧太後的肖像》嘅演出，飾演年輕時期嘅慈禧太后。

2003年2月—3月間，喺台灣參與由春河劇團改編李宗盛歌曲之國語音樂劇《愛情有什麼道理》嘅演出，飾演梁靜君一角，後因迴響於同年11月—12月間加演續集。同年9月，喺新加坡再度參與英語音樂劇《紫禁城：慈禧太後的肖像》嘅演出，原計演出13場，後因迴響加演至29場。同年10月，推出第9張國語大碟《懂得》，呢張專輯同《異想世界》一樣曲風以電子沙發音樂為主。第1主打為佢詞曲一手包辦嘅《懂得》，第2主打為《珍重》，第3主打為英語音樂劇《紫禁城：慈禧太後的肖像》嘅主題曲《Why Dream Of Love》。而呢張專輯喺2004年2月推出香港版《陳潔儀新曲加精選》，收錄韓劇《All In》粵語版主題曲《分書》。

2004年7月，喺新加坡濱海藝術中心參與香港、荷蘭聯合製作多媒體音樂劇《千裏情牽》嘅演出，同時亦擔任新加坡優頻道《一藝孤行》嘅主持人。同年8月，推出第10張國語大碟《東彎土星》，呢張專輯係佢嘅電子沙發音樂系列專輯嘅最後一部曲，亦係佢同海蝶音樂合作嘅最後一張唱片，呢個專輯推出後並宣佈暫別歌壇。同年12月，應歌神張學友嘅邀請，參與音樂劇《雪狼湖》國語版喺中國同香港嘅演出，再次飾演寧玉鳳一角，並公演至2005年5月，其後由陳松伶接替演出。

2005年7月，佢、蔡淳佳、何耀珊同其他新加坡歌手嘅音樂人為仁人家園嘅重建南亞海嘯災區計劃攜手推出合輯《聯手重建》，併合唱主題曲《一磚一瓦》，同時亦為新加坡體育理事會演唱馬尼拉東運會活動主題曲《Live Up Our Dream》，其後隨其男友去美國波士頓暫時定居一年。

2006年7月，返新加坡同好友楊筱芬共同發表英語散文集《Cathy & Jodie——公主與跳蚤》。同年9月，喺新加坡濱海藝術中心再次參與英語音樂劇《紫禁城：慈禧太後的肖像》嘅演出。

2007年6月，受新加坡政府邀請，演唱新加坡國慶慶典主題曲《There's No Place I'd Rather Be》。同年8月，宣佈喺新加坡偉達公關公司（Hill & Knowlton）擔任公關一職。

復出娛樂圈

2009年3月底，辭任公關公司嘅工作，正式重返娛樂圈，首次正式演出為聯同另外4位女歌手潘越雲、辛曉琪、 萬芳、林曉培喺同年5月30號假香港紅磡體育館舉行嘅《情牽女人心演唱會》。

2010年，參與新加坡華語音樂劇《雨季》同香港電影《戀人絮語》嘅演出。

2011年1月25號，自資推出首張翻唱專輯《重譯》，同年2月12號同新加坡華樂團合作舉行《陳潔儀-我的音樂之旅》演唱會。同年10月13—15號喺新加坡濱海灣金沙大劇院舉行3場第2次個人演唱會《陳潔儀想像空間演唱會》，並同時推出《重譯》專輯的香港edition——《重譯陳潔儀·重奏》專輯。

2012年2月10號，推出《想像空間 live》專輯，並於同年2月11—12號喺香港會議展覽中心舉辦《陳潔儀X趙增熹傾城音樂會》。

2013年3月—8月，參與新加坡channel 5頻道制作嘅選秀節目《The Final 1》，擔任第一季嘅評委。

2014年12月，加盟湖南衛視嘅《我是歌手》第三季、為首發歌手。佢首場以慢歌《心動》一曲出戰贏得觀眾好評，卻喺觀眾聽審投票中排名第尾；雖首場出戰失利，但喺第二場佢依舊堅持自己藝術家音樂嘅本質，柔情咁演唱張學友嘅歌曲《心如刀割》，雖然有觀眾感動到哀哭，可惜喺第一輪遭到淘汰。但另一方面，從呢個節目入面，更多觀眾得以認識同欣賞到佢動聽嘅歌聲，並支持佢嘅復出。節目總製作人洪濤曾喺節目入面坦言，邀請佢嚟參加《我是歌手》係極其困難嘅事，從《我是歌手》第一季》時就邀請過，但佢以音樂唔應該拎嚟比賽嘅立場而不假思索咁拒絕，最終節目組嘅三顧茅廬同好友林志炫嘅開導下打動咗認為音樂唔應該比賽嘅佢嚟參加。同參與嘅歌手韓紅對陳潔儀極為讚賞，喺節目中多次不吝言地表示對佢嘅喜歡同愛護，對佢淘汰感到相當詫異，更承諾以後要寫一首歌畀佢，對彼此音樂知音嘅證明，之後喺突圍賽演唱《左右手》以第五名突圍失敗。

2015年6月12號、13號，喺新加坡星宇藝術表演中心舉辦《著迷·陳潔儀(SPELLBOUND)演唱會》。2個半鐘嘅表演內演唱咗24首歌曲，其中包括咗代表金曲，同埋翻唱曲；透過聲光影營造迷幻空靈的氛圍，將觀眾帶入自己嘅私密音樂宇宙裡。12日演唱會尾聲更自曝去年因胃食道逆流而差點冇咗金嗓！恢復金嗓嘅陳潔儀對能再度引吭高歌而每天抱著感恩嘅心。

2015年7月12號，喺上海大舞臺舉辦《著迷·陳潔儀》巡回演唱會上海站。7月18號，喺廣州體育館舉辦《著迷·陳潔儀》巡回演唱會廣州站。8月9號，再次參加新加坡國慶閱兵慶祝演出，同演唱《home》。喺採訪入面表示呢個可能係佢最後一次參與國慶閱兵慶祝演出。8月23號，受邀參加新加坡國慶群眾大會同演唱《home》，成為首位喺國慶群眾大會進行現場表演嘅藝人。10月2號，喺香港紅磡體育館 「國慶青年音樂會」演唱 《心動》同《家》，呢個係佢首次喺新加坡以外地區獻唱《家》，同話香港似佢嘅第2個家。10月13號，喺上海 「2015雅詩蘭黛粉紅絲帶公益音樂會」演唱 《心動》、《喜歡妳》同《天冷就回來》。11月尾，佢喺微博發表聲明表示近日市面賣嘅演唱會同名新專輯，係冇得到授權而推出市面，因此向歌迷同消費者咪買虛假新專輯。12月5號，喺廣州參加2015音樂先鋒榜頒獎典禮，獲頒音樂先鋒榜2015年度24家電臺聯頒先鋒鉆石大獎。喺頒獎典禮上演唱嘅《著迷》，嗰個歌曲獲得音樂先鋒榜2015年度港台10大先鋒金曲獎項。12月15號，佢喺北京召開發布會，宣布同中國太合音樂集團簽約，同表示將喺出年3月帶嚟新專輯嘅消息。

2016年1月26號，喺微博發布單曲《天冷就回來2016》，由梁文福重新修改歌詞。同日喺香港同新加坡發行《等。陳潔儀》EP。收錄翻唱嘅《等》同3首bouns曲目，包括《祝君好》（國語、粵語）、《終於》（志在四方II主題曲）。6月14號，喺香港會議展覽中心舉辦《著迷·陳潔儀》巡迴演唱會香港站。

音樂作品

EP

演唱會 EP 依序	專輯名	專輯類型	語言	發行公司	發行日期	曲目
1	《家》	EP	國語/英語	海蝶音樂 寶麗金唱片（新加坡）	1998年7月15號	曲目 家（國語） Home（英語） 家（Karaoke Version）
2	《等。陳潔儀》	EP	粵語/國語	Banshee Empire（製作） 太合麥田（出品） 大潮音樂（發行）	2016年1月27號	曲目 等（粵語） 祝君好（粵語） 祝君好（國語） 終於（國語）

個人專輯

依序	專輯名稱	專輯類型	語言	發行公司	發行日期	曲目
1	《不要傷了和氣》	大碟	國語	海蝶音樂（製作） 波麗佳音（新加坡）（發行）	1993年9月20號	曲目 不要 那一個夏天（口白） 傷了和氣 恐龍族 台北的冬天（口白） 都說在夢裡 心會跟愛一起走（郭峰合唱） 彩虹之國（口白） 沈睡中的你 為何淚流不出來 下一回（口白） 走出黑暗的世界吧！朋友
2	《心痛》	大碟	國語/英語	海蝶音樂（製作） 立得唱片（發行）	1994年11月8號	曲目 心痛 傷了和氣 愛讓我犯錯 Somewhere（英語） 沈睡中的你 不要 帶我飛 恐龍族 都說在夢裡 走出黑暗的世界吧！朋友
3	《逼得太緊》	大碟	國語/英語	海蝶音樂（製作） 立得唱片（發行）	1995年6月15號	曲目 逼的太緊 擔心 拔河 以為不會變 野草閒花 昨天 親愛的!再見 夢境 不能言語 The Lonesome Dreamer（英語） 擔心（Reprise） 心痛（Unplugged Version）
4	《傷心》	大碟	國語/英語	海蝶音樂（製作） 立得唱片（發行）	1996年6月4號	曲目 傷心 像男孩的男人 感覺失蹤 愛那麼靠近 男人真有趣 喜歡你 眼睛濕濕的 約會 習慣 Wind Beneath My Wings（英語）
5	《別讓我恨你》	大碟	國語/英語	海蝶音樂（製作） 立得唱片（發行）	1996年12月9號	曲目 別讓我恨你 情人 Mr.Turner（英語） 不夠完美 拖鞋 虧欠 郵差 體溫 她 活得更精彩
6	《揭曉》	大碟	粵語	海蝶音樂（製作） 新藝寶唱片（發行）	1994年10月24號	曲目 揭曉 失蹤 分裂 分享孤獨 我怕 愛情在那天開始 這一分鐘 風景 如果你好錫我 最後一課 我怕（哼唱版） 分享孤獨（啦啦版）
7	《有你愛過》	大碟	粵語/國語	海蝶音樂（製作） 新藝寶唱片（發行）	1998年5月19號	曲目 有你愛過我 轉彎抹角 捉迷藏 好說話 冰山一角 神奇 傷愛 迷信 等我說愛你 精挑細選 看月亮（國語） 開車上路（國語）
8	《入戲太深》	大碟	國語	海蝶音樂（製作） 立得唱片（發行）	1998年8月24號	曲目 再愛一回 等了又等（國語） 入戲太深 分享孤獨（國語） 想你 得寸進尺 我們都變了 失約 我跟定你 藍色幽默
9	炫耀	大碟	國語	海蝶音樂（製作） 立得唱片（出品） 上華唱片（發行）	1999年8月10號	曲目 炫耀 我真的愛錯 變天 只哭一天 你怎麼還得起 限制級 別讓我再見到你 分心 從不 心非
10	《蘿拉》	大碟	國語	海蝶音樂（製作） 立得唱片（出品） 上華唱片（發行）	2000年6月13號	曲目 蘿拉 一個人的圓舞曲 你酷 他不適合你 終於忘記了你的生日 分不開 出現 手套情書 Don't Let Me Down 走過
11	《麻醉》	大碟	粵語/國語	海蝶音樂（製作） 新藝寶唱片（發行）	2001年3月22號	曲目 麻醉 不知不覺（林保怡合唱） 覺歌 除非 死性不改 夜安 Mr.Turner（粵語） 不要（粵語） 戰灰 每一生都等你 願望（國語）
12	《異想世界》（台灣版）	大碟	國語/英語	海蝶音樂	2002年9月24號	Disc 1 曲目 Dream（英語） 我愛你 Purple Grass & Fire Flies（英語） Cosmic Dreams（英語） 一天一天 The Lonesome Dreamer（2002 Techno Mix）（英語） 謎 Echoes（英語） 有時星星暗 My Long Lost Friend（英語） Disc 2 曲目 心痛 傷了和氣 愛讓我犯錯 擔心 拔河 傷心 喜歡你 虧欠 拖鞋 等了又等（國語） 心會跟愛一起走（郭峰合唱） 家 看月亮 願望 天冷就回來
	《異想世界》（新加坡版）					曲目 Dream（英語） 我愛你 Purple Grass & Fire Flies（英語） Cosmic Dreams（英語） 一天一天 The Lonesome Dreamer（2002 Techno Mix）（英語） 謎 Echoes（英語） 有時星星暗 My Long Lost Friend（英語） 天冷就回來 My Northern Star（英語）
13	懂得	大碟	國語/英語	海蝶音樂	2003年10月30號	曲目 有人愛你 懂得 就是這樣 The Moon Song（英語） 一星期 珍重 Feeling One Day（英語） 離開你我快樂嗎 錯過 Why Dream Of Love（英語）
	《陳潔儀新曲加精選》（香港版）	新歌+精選	國語/粵語/英語	海蝶音樂（製作） 新藝寶唱片（發行）	2004年2月1號	曲目 分書（粵語） 心痛 等了又等（粵語） 麻醉（粵語） 擔心 不知不覺（粵語）（林保怡合唱） 揭曉（粵語） 失蹤（粵語） 入戲太深 有人愛你 Why Dream Of Love（英語） 就是這樣 One Day（英語） 珍重 一星期 離開你我快樂嗎 懂得
14	《東彎土星》	大碟	國語/英語	海蝶音樂	2004年8月24號	曲目 東彎土星 擔心（2004 Remix） For My Girl（英語） 愛的力量 留在我身邊 白色衣裳 Paradox（英語） 從簡 曙光 Wake Up（英語）
15	重譯	翻唱大碟	國語/粵語/英語	Banshee Empire	2011年1月25號	曲目 追/今生今世（粵語） 兄妹 浪子心聲（粵語） 明星（粵語） 你把我灌醉 心動 Home（英語） One Of Us（英語） 遺憾 Bridge Over Troubled Water（英語）
	《重譯》（重奏典藏版）	翻唱大碟	國語/粵語/英語	Banshee Empire（製作） 新世紀工作室（發行）	2011年10月15號	曲目 今生今世（粵語） 兄妹 浪子心聲（粵語） Bridge Over Troubled Water（英語） 倔強 心動 Home（英語） 你把我灌醉 One Of Us（英語） 遺憾 左右手（粵語）
16	《天堂邊緣》	大碟	國語/粵語	Banshee Empire（製作） 太合麥田（出品） 大潮音樂（發行）	2016年7月5號	曲目 天堂邊緣 生命有過你 被風吹散的人們 忽然的雨 7號登機口 別問我為什麼愛你 歷久彌新 不變的月光 錯過不是錯（粵語） 著迷

精選輯

精選輯	專輯名	專輯類型	語言	發行公司	發行日期	曲目
1	《那天那夜》	新歌+精選	國語	海蝶音樂（製作） 立得唱片（出品） 上華唱片（發行）	2000年1月5號	曲目 那天那夜 輕佻 心痛 喜歡你 擔心 我真的愛錯 拖鞋 炫耀 入戲太深 傷了和氣 拔河 逼得太緊 傷心 愛讓我犯錯
2	《最好》	新歌+精選	粵語	海蝶音樂（製作） 新藝寶唱片（發行）	2000年4月5號	曲目 天使吻 早去早回 鐘擺 最好 緣份網開了 揭曉 失蹤 來夜方長（蘇永康合唱） 有你愛過我 讓我愛下去 卡位 輸不起 寂寞便找我 傷愛 我怕
3	《喜歡・潔儀・喜歡》	新歌+精選	國語	海蝶音樂（製作） 環球唱片（發行）	2000年1月5號	Disc 1 曲目 傷了和氣 走出黑暗的世界吧!朋友 擔心 拔河 喜歡你 約會 情人 我怕（哼唱版） 我真的愛錯 家 Disc 2 曲目 握住我的手 天天看到你的臉 心痛 不要 逼得太緊 傷心 Mr.Turner（英語） 活得更精彩 再愛一回 等了又等（國語） 看月亮 願望
4	《國語真經典》	精選系列	國語	海蝶音樂（製作） 新藝寶唱片（發行）	2005年1月27號	曲目 心痛 等了又等（國語） 感覺失蹤 擔心 入戲太深 傷了和氣 約會 愛讓我犯錯 虧欠 拔河 眼睛溼溼的 別讓我恨你 喜歡你 拖鞋 不要 失約
5	《再愛一回精選》	精選	國語	海蝶音樂	2008年5月19號	Disc 1 曲目 心痛 喜歡你 不要 傷了和氣 擔心 逼的太緊 拔河 傷心 愛那麼靠近 別讓我恨你 都說在夢裡 我真的愛錯 像男孩的男人 拖鞋 走出黑暗的世界吧!朋友 Disc 2 曲目 天冷就回來 炫耀 等了又等（國語） 再愛一回 入戲太深 郵差 那天那夜 蘿拉 你酷 愛讓我犯錯 懂得 他不適合你 走過 東彎土星 家
6	《私房歌》	精選	國語/粵語	海蝶音樂（製作） 新世紀工作室（發行）	2008年8月7號	Disc 1 曲目 東彎土星 情人 我怕（粵語） 有人愛你 寂寞便找我（粵語） 愛情在那天開始（粵語） 郵差 擔心（2004 Remix） 懂得 等我說愛你（粵語） 最好（粵語） 約會 下一回（口白） 走出黑暗的世界吧!朋友 Disc 2 曲目 醇酒醉影（粵語）（張學友合唱） 越吻越傷心（情人版）（粵語）（蘇永康合唱） 愛得正好（蘇永康合唱） 似水流年（粵語）
7	《等了又等》	精選	國語/粵語	立得唱片（製作） 瑞星唱片（出品） 新世紀工作室（發行）	2008年8月7號	曲目 原來只要為你活一天（粵語） 等了又等（粵語） 炫耀 我真的愛錯 只哭一天 一個人的圓舞曲 手套情書 那天那夜 輕挑 你怎麼還得起 限制級 從不 心非 蘿拉 There's No Place I'd Rather Be（英語）
8	《My Dream World》	精選	英語	海蝶音樂（製作） 新世紀工作室（發行）	2008年8月7號	曲目 The Moon Song One Day Mr.Turner Paradox Wake Up For My Girl The Lonesome Dreamer（2002 Techno Mix） Dreams Purple Grass & Fireflies Cosmic Dreams My Northern Star Wind Beneath My Wings My Long Lost Friend Echoes

演唱會專輯

演唱會	專輯名稱	專輯類型	語言	發行公司	發行日期	曲目
1	《就是陳潔儀演唱會》	演唱會專輯	國語/粵語/英語	海蝶音樂（製作） 新藝寶唱片（發行）	2002年1月14號	Disc 1 曲目 序曲 原來只要為你活一天（粵語） 逼得太緊 開場白 拔河 擔心 祭舞 出現 男人真有趣 願望 分裂（粵語） 至少還有你 我真的愛錯 眼睛溼溼的 喜歡你 Disc 2 曲目 下雪了 等了又等（國語/粵語） I'd Give My Life For You（英語） Don't Tell Mama（英語） 終於忘記了你的生日 Mr. Turner（英語） 愛得正好（蘇永康合唱） 早去早回（粵語） 我怕（粵語） 蘿拉 你酷 炫耀 心痛 家
2	《想像空間演唱會》	演唱會專輯	國語/粵語/英語	Banshee Empire（製作） 新世紀工作室（發行）	2012年2月10號	Disc 1 曲目 入戲太深 你把我灌醉 Nothing Compares 2 U 追/今生今世（粵語） 兄妹 傷了和氣 等了又等（粵語） 忘記他（粵語） Send In The Clowns（英語） Sympathique（英語） 喜歡你 看月亮 Disc 2 曲目 擔心 拔河 One Of Us Unplugged Medley: 傷心/分享孤獨（粵語）/再愛一回/我真的愛錯/東彎土星 Thank You 天冷就回來 心痛 炫耀 心動 Home/Home（英語） Final Goodbye（英語） Reprise: 喜歡你
3	《傾城音樂會》	演唱會專輯	國語/粵語/英語	Banshee Empire（製作） 新世紀工作室（發行）	2013年1月4號	Disc 1 曲目 Overture 傾城（粵語） 揭曉（粵語） 喜歡你 愛情在那天開始（粵語） 早去早回（粵語） 兄妹 Orchestra Solo: Cinema Paradiso 等了又等（粵語） 忘記他（粵語） Send In The Clowns（英語） Sympathique（英語） 只要你相信（粵語）（趙增熹合唱） 來夜方長（粵語）（蘇永康合唱） Disc 2 曲目 原來只要為你活一天（粵語） 麻醉（粵語） 拔河 左右手（粵語） 擔心 選擇（林子祥合唱） 我怕（粵語） 炫耀 心痛 心動 追（粵語）

《我是歌手》第三季

2014年12月，加盟湖南衛視《我是歌手》第三季、為首發歌手，喺第一輪遭到淘汰，之後喺突圍賽演唱《左右手》以第五名突圍失敗。

我是歌手第三季 陳潔儀競演排名
期數	輪數	播出日期	演唱歌曲	原唱	歌曲介紹	排名	得票率	出場序	備註
1	第一輪排位賽	1月2號	《心動》	林曉培	詞：林　夕 曲：黃韻玲 編曲：趙增熹、馮文甫	7	6.29%	5	個人最低排名同最高得票率 歌手互投第3名
2	第一輪淘汰賽	1月9號	《心如刀割》	張學友	詞／曲：黎沸揮 編曲：馮文甫	7	4.43%	2	個人最低排名同得票率 兩場總成績第7名
3	第一輪踢館賽	1月16號	《Nothing Compares To You》	Sinead O'Connor	詞／曲：Prince 編曲：馮文甫	返場表演		4	—
12	突圍賽	3月20號	《左右手》	張國榮	詞：林　夕 曲：葉良俊 編曲：梁翹柏	5	不詳	3	突圍失敗 個人最高排名

派台歌曲成績（香港地區）

呢個表唔完整，歡迎加料。

四台上榜歌曲最高位置
唱片	歌曲	903	RTHK	997	TVB	備註
1995年
心痛	心痛	—
逼的太緊	擔心	3	—
1996年
傷心	傷心	—
別讓我恨你	別讓我恨你	—
1997年
雪狼湖	等了又等	2	1	—	1
揭曉	失蹤	8	3	—	6
揭曉	揭曉	5	3	3	1
1998年
揭曉	我怕	—
雪狼湖	兩個她的秘密理想	—	17	—		同陳嘉露合唱
有你愛過	有你愛過我	10	8	17	6
有你愛過	傷愛	—	15	—
有你愛過	好說話	—	9	—	9
1999年
蘇永康的化妝間	來夜方長	1	1	9	3	同蘇永康合唱
炫耀	炫耀	—	12	17	10
2000年
最好（新歌+精選）	天使吻	—
最好（新歌+精選）	早去早回	13	1	12	1
最好（新歌+精選）	最好	—
最好（新歌+精選）	讓我愛下去	—
2001年
麻醉	麻醉	—
麻醉	不知不覺	—		9	—	同林保怡合唱
麻醉	夜安	—
2004年
陳潔儀新曲加精選	分書	—
東彎土星	東彎土星	—
2011年
重譯	心動	—	9	—		翻唱林曉培作品
天堂邊緣	傾城	—	10	—
2015年
等。陳潔儀	祝君好	—				翻唱張智霖作品 DBC華語歌曲流行指數：10
2016年
天堂邊緣	別問我為什麼愛你	—
天堂邊緣	被風吹散的人們	—

各台冠軍歌總數
903	RTHK	997	TVB	四台冠軍歌總數
1	3	0	3	0

電視劇

• 1996年：新加坡 新視電視單元劇《第三類劇場---貓魂》　
• 2000年：香港 TVB電視連續劇 -《妙手仁心II》飾 阮朗平（Dorothy）
• 2001年：新加坡 新傳媒U頻道電視連續劇 -《勝券在握》飾 黃金好

電影

• 1999年：新加坡 國語電影 -《吃風》（客串演出）
• 2010年：香港 電影《戀人絮語》
• 2015年：新加坡 電影《石頭剪刀布》

演唱會

• 2001年：新加坡 That's Kit就是陳潔儀演唱會
• 2009年：香港 情牽女人心演唱會
• 2011年：新加坡 陳潔儀-我的音樂之旅演唱會（與新加坡華樂團合作）
• 2011年：新加坡 陳潔儀-想像空間演唱會
• 2012年: 香港 陳潔儀X趙增熹傾城音樂會
• 2015年: 新加坡 陳潔儀-著迷演唱會
• 2015年: 上海 陳潔儀-著迷演唱會
• 2015年: 廣州 陳潔儀-著迷演唱會
• 2016年: 香港 陳潔儀-著迷演唱會

舞台音樂劇

• 1997年：香港 粵語舞台音樂劇 -《雪狼湖》飾 寧玉鳳
• 1998年：香港 粵語舞台音樂劇 -《漫步人生路》
• 2002年：香港 港荷多媒體舞台音樂劇 -《千裏情牽》
• 2002年：新加坡 英語舞台音樂劇 -《紫禁城：慈禧太後的肖像》飾 慈禧太後
• 2003年：台灣 國語舞台音樂劇 -《愛情有什麼道理》
• 2005年：中國大陸、香港、台灣和新加坡 國語舞台音樂劇 -《雪狼湖》飾 寧玉鳳
• 2006年：新加坡 英語舞台音樂劇 -《紫禁城：慈禧太後的肖像》飾 慈禧太後
• 2010年：新加坡 華語舞台音樂劇 -《雨季》

主要獲獎

• 1994年9月：新加坡 YES933 醉心金曲獎 「傳媒推薦獎」
• 1995年9月：新加坡 YES933 醉心金曲獎 「最佳本地歌手」
• 1995年12月：民生報 金曲龍虎榜年度國語總排行 第六名 -《心痛》
• 1996年1月：香港 RTHK電台 第十八屆大中文金曲「最有前途新人獎」之「最佳歌唱技巧獎」
• 1996年1月：香港 新城電台「勁爆流行音樂獎」之「九五國語金曲獎 銀獎」 -《心痛》
• 1996年1月：香港 衛視音樂台Channel [V]年度排行「中文 Top 20」 -《擔心》
• 1997年5月：台灣 新聞局金曲獎「世界華人最佳國語女演唱人獎」
• 1997年12月：香港 TVB「十大勁歌金曲 97第四季入選金曲」 -《等了又等》
• 1998年1月：香港 新城電台勁爆「大躍進本地女歌手」
• 1998年1月：香港 TVB「十大勁歌金曲1997年度傑出表現獎」-金獎
• 1998年3月：香港 TVB「十大勁歌金曲 98第一季入選金曲」 -《揭曉》
• 1998年3月：香港 TVB「十大勁歌金曲 98第一季入選金曲」 -《揭曉》
• 1999年11月：新加坡 YES933 新加坡金曲獎「最佳本地歌手」
• 2000年11月：新加坡 YES933 新加坡金曲獎「最佳本地歌手」
• 2000年11月：新加坡 YES933 紅星大獎「最佳電視劇主題曲獎」-《家事》
• 2000年12月：新加坡 YES933 新加坡金曲獎「2000年十大最受歡迎女歌手」第七名
• 2001年1月：香港 新城電台「最受歡迎之華語女歌手」
• 2001年1月：香港 新城電台「最受歡迎國語歌曲金曲」
• 2003年9月：新加坡 YES933 新加坡金曲獎「十年頂尖榮譽大獎歌手」
• 2012年11月：全球華語歌曲排行榜頒獎典禮「卓越歌手大獎」

出面網頁

• KitChan.com
• Kit Cat Club
• 陳潔儀Kit Chan嘅Facebook頁
• Kit陳潔儀嘅新浪微博（需要註冊）