陳肇始
陳肇始教授，GBS，JP（Professor Sophia Chan Siu-chee，1958年4月16號—），人稱「陳姑娘」，係香港大學護理學院教授，香港政府前食物及衞生局長，廣東潮州人[1]。佢以護士嘅出身掌管食衞局，直到卸任為止一直被外界批評冇專業資格同埋背景。
| 陳肇始 | |
|---|---|
 | |
 香港食物及衞生局局長 | |
| 任期 2017年7月1號－2022年6月30號 | |
| 前任 | 高永文 |
| 繼任 | 盧寵茂（醫務衞生局長） 謝展寰（環境及生態局長） |
| 香港食物及衞生局副局長 | |
| 任期 2012年11月1號－2017年6月30號 | |
| 前任 | 梁卓偉 |
| 繼任 | 徐德義 |
| 個人資料 | |
| 出世 | 1958年4月16號.svg){kind=small} 英屬香港 |
簡歷
編輯陳肇始中學時就讀聖保祿中學。早年先後喺香港同倫敦接受普通科同兒科護理培訓，並從事呢方面嘅臨床工作。佢曾經分別喺曼徹斯特大學同哈佛大學公共衞生學院攻讀教育碩士同公共衞生碩士學位，並喺香港大學完成博士學位。之後佢專注教學、科研同行政管理嘅工作。佢嘅研究同教學工作得到唔同嘅認可，例如英國皇家內科醫學院公共衞生學院頒授院士（榮譽）資格。佢亦曾經喺2005年獲香港大學頒發學院教學獎章，並喺2009年榮獲傑出教學獎。
陳肇始嘅研究領域係公共衞生、煙草成癮治療同保護兒童免受二手煙影響，佢帶領嘅研究團隊獲得香港同海外科研究基金資助，亦喺國際期刊上發表唔少關於護理、控煙同公共衞生嘅論文。佢多次代表大學同食物及衞生局出席國際會議同簽署協議，亦同國內外人士廣泛交流意見，並曾經獲得世界衞生組織邀請，為控煙課題提供指導並統領有關工作。
陳肇始喺2012年11月出任食物及衞生局副局長，參與同負責政策制定同推動。加入政府之前，佢係香港大學護理學教授、護理學院院長同科研總監，亦曾經擔任香港大學李嘉誠醫學院助理院長。
2017年7月1號轉任食物及衞生局局長。2022年7月份任期完咗，重返香港大學做教授。
爭議
編輯拒絕呼籲公眾出席公眾場合時戴口罩
編輯2020年1月7號，佢喺法院就禁止蒙面規例作出上訴裁決前出席活動時，淨係呼籲市民洗手，就未有提醒市民戴口罩預防武漢肺炎，被問及會唔會呼籲公眾出席公眾場合時戴口罩保護自己，佢就拒絕回答，淨係重申蒙面法同任何公共衞生措施冇牴觸，又話如果病人有需要戴口罩時並無牴觸，醫護人員如果因為工作需要戴口罩，亦都冇牴觸。禁蒙面法講明「因先前已存在嘅醫學或健康理由」而在集結或遊行中使用蒙面物仍屬免責辯護範圍入面。但就惹嚟泛民主派嘅批評，律師黃國桐認為，就算蒙面法生效，响目前衞生情況同埋健康風險下，响公眾場合有預防疾病需要，警方亦唔可以用呢條法例拘捕蒙面示威者。
香港立法會衞生事務委員會成員黃碧雲批評佢唔肯呼籲公眾戴口罩防疫，有所失職，「面對防疫問題，你仲左閃右避，政治立場行先」[2]。
對武漢肺炎病毒同埋佢哋變種嘅命名嘅態度
編輯武漢肺炎疫情期間，香港政府將呢種病毒稱呼做「新冠病毒」，避開武漢呢個字，但有部份媒體並無跟從。有傳林鄭月娥要求政府新聞主任唔畀記者以「武漢肺炎」字眼提問，要用返官方字眼，政府聲稱咁做係避免污名化。喺2020年12月，英國發現新嘅病毒變種，當地公共衞生部門命名佢做VUI – 202012/01，但喺陳肇始就喺一場記者會入面，不停咁用『英國病毒』呢個字眼嚟形容呢隻變種。有傳媒質疑，唔明白點解病毒叫做「英國」就可以隨便講，叫「武漢」就係「污名化」[3][4]。雖然唔少記者聽到，但食衞局之後回應傳媒查詢嘅時候就否認，而且話傳媒有欠公允[5]。
個人生活
編輯勳銜
編輯參考
編輯- ↑ 1.0 1.1 莊恭南 (2017-12-09)。〈【政壇諸事町】問責班子多「家己冷」 陳肇始自爆最愛鹵水鵝〉。《香港01》 (香港中文)。
- ↑ 忌諱蒙面法 陳肇始拒籲戴罩，2020-01-08，蘋果日報
- ↑ 〈政府曾斥「武肺」字眼污名化 陳肇始今以「英國病毒」稱呼變種病毒 | 立場報道 | 立場新聞〉。《立場新聞》 (英文)。原先內容歸檔喺2020-12-21。喺2020-12-22搵到。
- ↑ 〈李八方online︱陳肇始記招屢稱「英國病毒」大肆污名別國 卻禁記者叫「武漢肺炎」 ｜ 蘋果日報〉。《蘋果日報 (香港)》 (香港中文)。原先內容歸檔喺2020-12-21。喺2020-12-22搵到。
- ↑ 〈陳肇始提「英國病毒」而非「501Y 病毒株」 被問是否污名化 食衞局：傳媒有欠公允 | 立場報道 | 立場新聞〉。《立場新聞》 (英文)。原先內容歸檔喺2021-01-09。喺2020-12-22搵到。
- ↑ 〈第7611號公告 太平紳士條例 (第510章)〉 (PDF) (新聞稿) (繁體中文)。香港政府憲報。2012年11月30號。
- ↑ 〈二〇二二年授勳及委任太平紳士名單〉 (新聞稿) (繁體中文)。香港政府新聞公報。2022年7月27號。
- ↑ 〈二〇二二年授勳及委任太平紳士名單 附件一：二〇二二年獲授勳銜及嘉獎人士的嘉許語〉 (PDF) (新聞稿) (繁體中文)。香港政府新聞公報。2022年7月27號。頁 5。
- ↑ 〈2022年第766號號外公告 太平紳士條例 (第510章)〉 (PDF) (新聞稿) (繁體中文)。香港政府憲報。2022年8月12號。
