霍英東，GBM（原名霍官泰，英文：Henry Fok，1923年5月10號—2006年10月28號）係香港企業家，香港出世。
霍英東祖籍廣東番禺，鄉下響練溪村。屋企做艇家生意。佢1923年響香港出世，7歲死老頭同埋兩個阿哥。之後入皇仁書院。無耐香港畀日本打到來，所以無得讀。佢之後接手家族生意。
佢最出名係響1950年韓戰期間，中華人民共和國受聯合國禁運令之下，走私物資入中國大陸。
官至中華人民共和國全國政協副主席，係首位香港人擠身中國國家領導人級別，叫做「愛國商人」。官方新華通訊社形容霍英東係「中國共產黨的親密朋友」；而香港特別行政區行政長官邊個？稱讚霍英東佢係「模範港人」。霍英東嘅後人都好出名，所以身後嘅霍英東就叫做霍老。
