靜夜思係李白所作一首唐詩，寫佢掛住鄉下。詩題《靜夜思》，反而唔及詩頭一句『牀前明月光』，咁為人所熟悉。
有人察覺《靜夜思》日本流傳版本，同而家包括中國大陸、台灣同香港流傳唔同。之後有人提出，日本流傳版本，先至係李白原版，而唐人地區流行嘅版本，後世編集者改過。大明李攀龍嘅《唐詩選》，係目前知道嘅，最早出現嗰個流行版。之後大清乾隆年間，《唐詩三百首》亦都跟呢個版本。不過大宋《李太白文集》（宋蜀本），所記反而係原版，大清康熙皇帝欽定嘅《全唐詩》，都係呢個版本。
床前看月光， 疑是地上霜。 舉頭望山月， 低頭思故鄉。[1]
床前明月光， 疑是地上霜。 舉頭望明月， 低頭思故鄉。
