超強颱風天鴿
超強颱風天鴿（英文：Super Typhoon Hato，國際編號：1713，聯合颱風警報中心：15W，菲律賓大氣地球物理和天文服務管理局：Isang）係2017年太平洋颱風季第13個有名嘅熱帶氣旋。「天鴿」（日文：
| 超強颱風天鴿 Super Typhoon Hato（英文） | |||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||
 8月23號天鴿繼續急劇增強至巔峰，並直撲珠江口以西一帶，佢嘅風眼清晰可見。 | |||||||||||||||||||||||||||||
| 概況 | |||||||||||||||||||||||||||||
| 形成日期 | 2017年8月19號 | ||||||||||||||||||||||||||||
| 消散日期 | 2017年8月25號 | ||||||||||||||||||||||||||||
| 最低氣壓 | 935 (CMA)/ 965 (JMA) hPa | ||||||||||||||||||||||||||||
| 瞬間最大陣風 | 215 km/h | ||||||||||||||||||||||||||||
| 影響 | |||||||||||||||||||||||||||||
| 財產損失 | 64億美元 | ||||||||||||||||||||||||||||
| 死傷人數 | 24死、845人受傷 | ||||||||||||||||||||||||||||
| 影響地區 | 臺灣、菲律賓（巴丹群島）、中國大陸（華南）、香港、澳門 | ||||||||||||||||||||||||||||
| 路徑圖 | |||||||||||||||||||||||||||||
 | |||||||||||||||||||||||||||||
| 呢個風係2017年太平洋颱風季嘅一部分 | |||||||||||||||||||||||||||||
除非特別寫明，否則本文所有時間都係以UTC+8時間為準。
天鴿喺2017年8月尾形成，令到西北太平洋熱帶氣旋活動嘅短暫寂靜完咗，而且因為數值預報模式連續多報都預測天鴿會喺臺灣南面近距離掠過，然後對華南沿岸構成較大影響，所以風暴未形成就引起咗臺灣同香港氣象愛好者嘅熱烈討論以至傳媒炒作。最後天鴿以強颱風嘅強度喺2017年8月23號中午時份喺廣東珠海南部登陸。
由於「天鴿」喺珠江三角洲一帶造成災難性破壞，所以個名只係用咗一次，就俾中國大陸喺2018年第50屆颱風委員會年會申請退役[3]。
影響
編輯臺灣
編輯
21.0m/s
23.0m/s
11.6m/s
12.5m/s
15.5m/s
24.5m/s
12.0m/s
13.0m/s
16.0m/s
12.5m/s
17.2m/s
15.0m/s
17.0m/s
35.0m/s
6.2m/s
9.0m/s
6.5m/s
8.0m/s
12.1m/s
30.0m/s
12.0m/s
18.0m/s
19.5m/s
15.0m/s
18.0m/s
15.5m/s
15.0m/s
由於天鴿形成同接近臺灣東南方海面，交通部中央氣象局喺8月20號上晝9點40分發佈熱帶性低氣壓特報[5]，當時天鴿喺鵝鑾鼻東南偏東大約880公里。氣象局預計天鴿喺21號到22號對台灣嘅影響最劇烈[6]。隨住天鴿加強做輕度颱風，氣象局解除熱帶性低氣壓特報，仲話考慮喺當晚至到第二日朝早轉發颱風警報[7]。氣象局喺當晚11點半發佈海上颱風警報，當時天鴿去到鵝鑾鼻東南偏東大約570公里。氣象局喺8月21號晏晝2點半對臺東縣（包括蘭嶼、綠島）、屏東縣（包括恆春半島）發布陸上颱風警報，當時天鴿去到鵝鑾鼻東南偏東大約380公里[8]。隨住天鴿逐漸影響臺灣，交通部公路總局喺21號上晝9點成立應變小組，針對台9線南迴公路金崙－香蘭段、台20線南橫公路同台23線東富公路等路段進行巡查同預警性封路[9]，氣象局提醒沿海同低窪地區要嚴防水浸同海水倒灌[10]。另外氣象局亦都發佈豪雨特報，話花東地區同屏東會有大豪雨特報，另外多個縣市亦都會受大雨影響，警告民眾要提防山泥傾瀉、落石同泥石流，遠離海邊、山區同河川[11]。
受到天鴿嘅外圍下沉氣流影響，北臺灣好多地方都出現高溫，新竹都會區錄到37度嘅最高氣溫，福建省金門縣亦都出現35.9度嘅高溫[12][13]。蘭嶼同綠島嘅交通船業者喺21號凌晨2點開始疏散旅客返去臺灣本島，去到中午12點綠島交通船來回分別開出7班船，帶咗1950人返台灣本島；蘭嶼就來回各4班船，疏散969個遊客[14]。晏晝4點，臺東來回綠島、蘭嶼嘅客輪，總共開出20班，5000幾個旅客撤退，但係仍然有大約500人滯留，小琉球總共有7000幾個旅客撤離，第二日嘅船全部取消[15]。喺各界開始疏散旅客嘅同時，中華民國國防部開設二級國軍災害應變中心，主持國防部災防整備會議[16]。同時國軍第四作戰區召集作戰區內各個災防分區同相關嘅重要幹部實施防災整備指導[17]。
中央氣象局話，天鴿颱風外圍環流已經開始影響東臺灣，蘭嶼喺21號朝早錄到13級陣風[18]。氣象局喺夜晚8點半將陸上警戒範圍擴展到去高雄市[19]。
菲律賓
編輯- 當地發出嘅最高風暴信號：二號風暴信號
天鴿形成後向呂宋海峽推進，威脅巴丹群島，菲律賓大氣地球物理和天文服務管理局喺8月20號上晝11點發出一號風暴信號，當時天鴿集結喺巴士古以東約735公里。因應天鴿逐漸增強，6個鐘後當局喺下晝5點發出二號風暴信號，當時天鴿移至巴士古以東約630公里。伊桑引入嘅西南季候風為當地帶嚟暴雨[20]
香港
編輯
破紀錄酷熱
編輯天鴿形成之前，香港天文台已經喺「九天天氣預報」預測8月23號有熱帶氣旋吹襲，天氣好差，有狂風大雨；但係天文台無喺天鴿移入南海之前發出「特別天氣提示」。8月22號凌晨天鴿移入距離香港800公里範圍，天文台喺朝早8點40分發出一號戒備信號[22]，當時天鴿集結喺香港東南偏東大約660公里[23]。天文台話會喺黃昏考慮發出三號風球，天鴿喺第二日上晝最近香港，同埋可能喺香港100公里範圍內掠過，低窪地區可能會水浸，市民應該盡快做好防風、防水浸措施[24]。受到天鴿嘅外圍下沉氣流影響，本來已經影響香港好多日嘅熱浪進一步加劇，中午之後香港氣溫飆升，天文台總部喺晏晝2點錄到36.6度，打破喺兩年前超強颱風蘇迪羅外圍下沉氣流引發嘅36.3度紀錄，成為天文台總部成立以嚟嘅最高氣溫[23]；天水圍濕地公園最高氣溫更加去到39度，成為全港所有自動氣象站嘅歷史最高紀錄[25]。除咗高溫之外，天鴿亦都令香港嘅空氣質素轉差，環境保護署一般同路邊監測站嘅空氣質素健康指數錄到8或者以上，屬於甚高水平，東涌更加錄到10+嘅嚴重水平[26]。不過之後酷熱天氣引發咗強烈對流，加上天鴿外圍雨帶開始影響香港，狂風驟雨之下各區嘅氣溫喺半個鐘頭內急降咗大約10度，西貢跌咗超過13度、濕地公園更加跌15度，得返攝氏24度，係有紀錄以嚟最大嘅溫度跌幅，打破咗1987年強烈寒潮影響香港嗰陣嘅紀錄，同時天文台測風網絡8個參考自動氣象站當中，機場率先錄到強風。
因應天鴿急劇增強做颱風，天文台喺晏晝4點45分話會喺短期內發出三號風球，更加少有咁喺在未發出三號風球嘅時候，就話除非天鴿嘅路徑離香港遠啲或者減弱，如果唔係會喺午夜前後考慮發出八號風球[27]。天文台喺傍晚6點20分發出三號強風信號[28]，當時天鴿行到去香港東南偏東大約410公里[23]。天文台再警告，天鴿喺第二朝可能喺香港以南100公里內掠過，造成好大威脅，而且第二日中午之前會漲潮，低窪地區可能會嚴重水浸[29]。但係嗰晚天鴿行慢咗，加上佢嘅環流都幾緊密，香港風勢普遍無即刻上升，天文台兩次延後發出八號風球嘅時間，先喺夜晚8點45分改口話第二日凌晨考慮發出八號風球[30]，2個鐘後再推遲到朝早6點之前考慮發出[31]。
5年首發十號風球
編輯
23號凌晨天鴿恢復原本嘅速度，同時改向西北偏西方向行，來勢洶洶咁去珠江口一帶，搞到天文台要喺4個鐘頭內發出八號、九號同十號風球。天文台喺凌晨3點20分發出「熱帶氣旋之特別報告」，宣佈預計喺凌晨5點半或者之前發出八號風球[32]，當時天鴿集結喺香港東南偏東大約220公里。天文台再警告，天鴿嘅結構完整同緊密，預料會喺中午之前最接近香港，喺香港以南100公里內掠過，到時正正係漲潮，低窪地區會嚴重水浸；因為香港吹偏北風，受地形屏蔽，風勢暫時唔大，但遲啲會轉吹偏東風，大部份地區當風，到時風勢會迅速增強[33]。天文台喺凌晨5點20分發出八號東北烈風或暴風信號[34]，當時天鴿行到去香港東南大約160公里[23]。天文台話，天鴿會喺香港南邊100公里內掠過，八號風球會喺日頭大部份時間維持；如果天鴿更加靠近香港或者增強，對香港嘅威脅會好明顯，天文台唔排除發出更高級嘅熱帶氣旋警告信號[35]。
發出八號風球無耐，香港好多地方嘅風勢就急速增強，吹東北烈風，有狂風大雨同翻起巨浪，尤其係南部地區同離岸，喺天鴿開始正面吹襲香港，佢嘅中心附近嘅一條強烈雨帶爆發同橫掃之下，風力喺短短兩三個鐘內飆升到暴風程度，橫瀾島更加首當其衝咁受颶風影響。天文台喺朝早8點發出黃色暴雨警告信號[36]；由於南部地區風力急升，10分鐘之後、八號風球生效唔夠3個鐘，天文台喺朝早8點10分發出九號烈風或暴風風力增強信號[37]，當時天鴿集結喺天文台總部東南偏南大約100公里[23]，急劇增強做強颱風。天文台再警告，天鴿幾個鐘頭內會喺香港南面大約50公里掠過，風力如果再加強，天文台會考慮發出最高嘅熱帶氣旋警告信號；預料鰂魚涌同吐露港嘅海水高度將會分別升到海圖基準面以上超過3米同5米，低窪地區會嚴重水浸，市民一定要遠離岸邊、停止所有戶外活動，同埋唔好出街[38]。跟住橫瀾島持續風速繼續狂升到超過每小時140公里，而長洲泳灘都受偏東颶風影響，另外天文台8個參考自動氣象站當中，長洲、機場、西貢、流浮山同埋啟德亦都出現烈風或者暴風，三號同八號風球達標，其餘3個站都先後吹強風。九號風球維持咗1個鐘，天文台喺朝早9點10分發出十號颶風信號[39]，當時天鴿去到天文台總部以南大約70公里[23]。呢次係2012年強颱風韋森特之後，天文台5年嚟第一次發出九號同十號風球。天文台話，颶風程度嘅東至東北風影響香港東南部，隨住天鴿行去珠江口西面，香港會轉吹東南風，到時颶風會影響埋其餘嘅地區，十號風球會維持幾個鐘，市民應該留意破壞性嘅風力，同可能發生嘅山泥傾瀉、水浸，唔好離開屋企或者有屏蔽嘅地方[40]。但係最終香港喺天鴿嘅對流空洞，大部分地區唔係太大雨，得南部地區受颶風影響。香港廣泛吹偏東暴風，南部地區持續受東至東南颶風影響，橫瀾島同長洲分別錄到最高10分鐘平均風速去到141及132公里嘅時速；多個潮汐站嘅海水高度都升到去4米左右，沿岸有海水倒灌，嚴重水浸。天鴿喺朝早10點最接近香港，喺天文台總部西南偏南大約60公里掠過[41]。
多處嚴重水浸
編輯
天鴿帶嚟嘅風暴潮威力係幾十年嚟最嚴重。佢正面襲港嘅時候啱啱係潮漲同天文大潮，加埋風暴潮令到尖鼻咀、大埔滘、大澳同鰂魚涌嘅海水高度分別達到海圖基準面以上4.56、4.09、3.8同3.57米[41]，當中鰂魚涌水位係1962年颱風溫黛以嚟最高，尖鼻咀嘅水位更加係破紀錄新高。沿岸地區包括大澳、梅窩、鯉魚門、杏花邨、小西灣同沙田城門河附近都出現嚴重海水倒灌。好彩城門河嘅水浸範圍係得岸邊嘅單車徑，未擴展到其他區域。離島民政事務處宣佈啟動特別為大澳居民而設嘅水浸預警系統，棚屋居民需要疏散；鯉魚門馬背村都有大量海水湧入，唔少居民同樣要疏散。杏花邨不斷有巨浪拍岸，盛泰道同杏花邨巴士總站被浸，海水更加湧入地庫停車場，大約20架車浸水[42]。小西灣運動場都有海水湧入，出入口同跑道被浸；海怡半島喺海水倒灌下有好多街磚甩咗，海水好似間竭泉咁噴出[43]。來往小欖黃金海岸同龍珠島條橋都水浸[44]。紅磡昇御門有洗窗用嘅吊船懷疑未有降返去地面擺好，喺惡劣天氣下吹到撞爛大廈外牆同窗，搞到啲窗爛嗮，碎片跌嗮落街[45]；中環恒生銀行總行同灣仔中環廣場都有玻璃窗吹落街[46]。將軍澳日出康城第5期有天秤吹冧咗，但係無人受傷。香港海域同西南面外海有唔少船擱淺，有一隻輪船喺愉景灣失事，有船員跳海保命；梅窩碼頭因設施爛咗而關閉，搞到中環去梅窩嘅渡輪服務停航，去到夜晚8點半先逐步恢復服務[47]。另外，喺香港西南面大約30公里，一隻載住14位船員嘅大陸貨船觸礁擱淺，政府飛行服務隊要派直升機去救人[48]。
颶風快速消退
編輯
隨住天鴿登陸珠海，香港全面轉吹南至東南風，風力開始明顯下跌，天文台喺晏晝12點45分話當颶風唔影響香港嘅時候，會改發較低嘅熱帶氣旋警告信號[49]；1個鐘頭後再話就嚟改發八號風球[50]。香港風力喺中午之後普遍跌到去烈風嘅程度，十號風球生效咗5個鐘，天文台喺晏晝2點10分改發八號東南烈風或暴風信號[51]，當時天鴿集結喺天文台總部以西大約120公里。天文台話，香港西南部地區重係吹緊烈風，風勢再減弱嘅時候會考慮改發三號風球[52]。
因為廣泛地區嘅風勢迅速跌到去強風嘅水平，天文台喺晏晝3點45分話考慮喺6點前改發三號風球[53]。天文台喺晏晝5點10分改發三號強風信號[54]，當時天鴿集結喺香港西北偏西大約210公里。天文台話，香港重係有狂風驟雨，海面重係有大浪，西南部重係吹緊強風，會睇下風力嘅變化考慮改發一號風球[55]。天鴿環流緊密令到各區風力急跌，市面唔再受強風影響，改發三號風球個幾鐘之後，天文台喺傍晚6點20分改發一號戒備信號[56]，當時天鴿行到去香港西北偏西大約240公里。天文台再提醒，離岸重係會間中吹強風，會睇下風力嘅變化考慮取消全部熱帶氣旋警告信號[57]。傍晚天鴿離香港越嚟越遠，離岸地區再無錄到強風，天文台喺夜晚8點40分取消所有熱帶氣旋警告信號[58]，當時天鴿行到去香港西北偏西大約340公里。
風速5年嚟最高
編輯風暴造成最少129傷[59]，當局收到5300單冧樹、1單山泥傾瀉同10單水浸報告。天鴿除咗帶嚟2012年韋森特以嚟第一次嘅九號同十號風球之外，亦都係當年以來第一次連續3個熱帶氣旋帶嚟八號風球、1948年以嚟第一次全年頭3個熱帶氣旋都要發出八號或以上風球，同埋1999年以嚟第一次連續3個熱帶氣旋正面襲港。雖然天鴿強度強過韋森特，亦都更加接近香港，但因為天鴿北面嘅眼壁對流比較弱，加上掠過香港南面嘅時候佢嘅中心環流東北面嘅空隙旋捲到去香港上空，令到各區風勢除咗橫瀾島、北角同機場之外都只係同韋森特差唔多，無話明顯勁啲。
風暴期間，天文台測風網絡8個參考自動氣象站全部錄到強風或以上嘅風力，當中長洲吹颶風、機場都受暴風影響，連埋啟德、西貢、流浮山，總共5個站錄到烈風，三號及八號風球都達標[60]。長洲、機場、啟德、西貢、流浮山、青衣、打鼓嶺同沙田錄到嘅最高10分鐘平均風速分別係每小時132、102、81、80、79、55、49同46公里[61]。呢次係採用呢個測風網絡之後第一次有兩個站錄到每個鐘超過100公里嘅風速、第3次有兩個站錄到暴風；亦係自韋森特以嚟8個參考站第一次、兼採用呢個測風網絡以嚟第5次錄到全面強風，同自2014年颱風海鷗之後第一個、同採用呢個測風網絡之後第6次達標嘅八號風球。橫瀾島10分鐘平均風速有141公里嘅時速，係1999年颱風約克以嚟最高；長洲泳灘錄到同主站一樣嘅132公里時速，打破咗嗰個站喺韋森特吹香港嗰陣嘅紀錄（但係主站風力就低過韋森特）。另外機場嘅每小時102公里持續風速亦都打破嗰個站喺香港國際機場搬去赤鱲角之後嘅紀錄。大尾篤嘅持續風速達到每小時107公里，高過韋森特少少；長洲、啟德、西貢同其餘大部份地區嘅風力都係韋森特以嚟最高。惟獨尖沙咀天星碼頭淨係錄到烈風程度嘅每小時68公里嘅持續風速，同韋森特嗰陣啱啱好錄到暴風相比係差好遠；但係另一個港內站北角就喺天鴿報告中畀天文台公開實測數據，顯示喺十號風球期間錄到每小時100公里嘅破開站紀錄10分鐘平均風速[61]。
雖然政府飛行服務隊要出動搜救所以派唔到噴射機，用下投式探空儀幫手探測天鴿中心風力，但係天文台喺天鴿吹襲之後都係話要考慮將天鴿補升做超強颱風[62]。因為香港南面嘅黃茅洲畀天鴿嘅風眼橫掃，事後核實喺天鴿眼壁掠過期間錄到最高10分鐘平均風速達到每秒70.9米（每小時255公里）[63]，經折算做海平面風速之後都係達到每小時185公里或以上，所以天文台喺事隔2個月後，喺10月25號正式公佈嘅天鴿報告入面，將天鴿補升做超強颱風，接近中心最高持續風速就修訂為每小時185公里[23]。呢次事後調高強度標誌住天鴿係1983年颱風愛倫以嚟再一次有超強颱風令天文台發出九號或以上風球，亦都係自1979年颱風荷貝以嚟第一個以超強颱風級別正面襲港嘅風暴；此外天鴿連埋2016年超強颱風莎莉嘉同海馬，是自1990至1991年以嚟首次連續2年都有超強颱風吹襲，3個紀錄都喺2009年推行新分級制之後第一次發生。
澳門
編輯中國大陸
編輯
熱帶氣旋警告使用紀錄
編輯臺灣
編輯| 交通部中央氣象局 天氣特報 | ||
|---|---|---|
| 上一熱帶氣旋 | 熱帶性低氣壓特報
|
下一熱帶氣旋 |
| 輕度颱風洛克 | ||
| 交通部中央氣象局 颱風警報 | ||
| 輕度颱風海棠 | 海上颱風警報
|
|
| 輕度颱風海棠 | 陸上颱風警報
|
|
菲律賓
編輯| 菲律賓大氣地球物理和天文服務管理局 風暴信號 | ||
|---|---|---|
| 上一熱帶氣旋 | 一號風暴信號
|
下一熱帶氣旋 |
| 熱帶風暴海棠 | 熱帶風暴帕卡 | |
| 颱風納沙 | 二號風暴信號
|
熱帶風暴帕卡 |
香港
編輯| 香港天文台 熱帶氣旋警告信號 | ||
|---|---|---|
| 上一熱帶氣旋 |  一號戒備信號
2017-08-23 18:20-20:40 |
下一熱帶氣旋 |
| 熱帶風暴洛克 | 強烈熱帶風暴帕卡 | |
| 熱帶風暴洛克 |  三號強風信號
2017-08-23 17:10-18:20 |
強烈熱帶風暴帕卡 |
| 強烈熱帶風暴苗柏 |  八號東北烈風或暴風信號
|
強颱風卡努 |
| 颱風海鷗 |  八號東南烈風或暴風信號
|
強烈熱帶風暴帕卡 |
| 熱帶風暴洛克 |   八號烈風或暴風信號
2017-08-23 14:10-17:10 |
強烈熱帶風暴帕卡 |
| 強颱風韋森特 |  九號烈風或暴風風力增強信號
|
超強颱風山竹 |
| 強颱風韋森特 |  十號颶風信號
|
超強颱風山竹 |
澳門
編輯| 地球物理暨氣象局 熱帶氣旋信號 | ||
|---|---|---|
| 上一熱帶氣旋 |  一號風球
|
下一熱帶氣旋 |
| 熱帶風暴洛克 | 強烈熱帶風暴帕卡 | |
| 強烈熱帶風暴苗柏 |  三號風球
2017-08-23 18:30-21:30 |
強烈熱帶風暴帕卡 |
| 颱風尤特 |  八號東北風球
|
強烈熱帶風暴帕卡 |
| 颱風海鷗 |  八號東南風球
|
強烈熱帶風暴帕卡 |
| 颱風海馬 |   八號風球
2017-08-23 15:00-18:30 |
強烈熱帶風暴帕卡 |
| 颱風韋森特 |  九號風球
|
|
| 颱風約克 |  十號風球
|
|
中國大陸
編輯| 國家氣象中心 颱風預警信號 | ||
|---|---|---|
| 上一熱帶氣旋 |  颱風藍色預警信號
2017-08-24 06:00-18:00 |
下一熱帶氣旋 |
| 颱風納沙 熱帶風暴海棠 |
強烈熱帶風暴帕卡 | |
| 颱風納沙 熱帶風暴海棠 |
 颱風黃色預警信號
|
強烈熱帶風暴帕卡 |
| 超強颱風海馬 |  颱風橙色預警信號
2017-08-23 18:00－2017-08-24 06:00 |
強烈熱帶風暴帕卡 |
| 超強颱風海馬 |  颱風紅色預警信號
|
|
釋義
編輯參考
編輯- ↑ 香港天文台。〈熱帶氣旋名稱的意義〉。原著喺2016-08-17歸檔。喺2017-08-20搵到。（香港繁體）
- ↑ 〈颱風百問——颱風是怎麼命名？〉。交通部中央氣象局。原著喺2016-05-31歸檔。喺2017-08-20搵到。（臺灣正體）
- ↑ 世界氣象組織 (2018-02-11). "Replacement Names of HAIMA, SARIKA, NOCK-TEN and MERANTI in the Tropical Cyclone Name List" (PDF). p. 9. 原先內容歸檔 (PDF)喺2018-03-06.
{{cite web}}: Unknown parameter|trans_title=ignored (|trans-title=suggested) (help) - ↑ 〈颱風資料庫〉。交通部中央氣象局。
- ↑ 蔡永彬 (2017年8月20號)。〈熱帶低壓可能成颱 巴士海峽、東南部海面注意〉。臺灣《蘋果日報》。（臺灣正體）
- ↑ 〈熱帶性低氣壓形成週一、週二影響最劇〉。民視新聞。2017年8月20號。原著喺2017年8月20號歸檔。喺2017年10月26號搵到。
- ↑ 許敏溶 (2017年8月20號)。〈天鴿颱風生成 氣象局：最快今晚發海警〉。臺灣《蘋果日報》。
- ↑ 自由時報電子報 (2017年8月21號)。〈天鴿颱風來了！14:30發布陸上警報 明天影響最劇烈〉。
{{cite web}}: CS1 maint: url-status (link)（臺灣正體） - ↑ 新頭殼 (2017年8月21號)。〈天鴿來襲 公路總局成立應變小組〉。原著喺2017年8月21號歸檔。喺2017年10月26號搵到。（臺灣正體）
- ↑ 蘋果日報 (2017年8月21號)。〈今入夜風雨轉強 氣象局：明滿潮嚴防海水倒灌〉。
{{cite web}}: CS1 maint: url-status (link)（臺灣正體） - ↑ 自由電子報 (2017年8月21號)。〈天鴿橫掃 全台15縣市發布大雨、豪雨、大豪雨特報〉。
{{cite web}}: CS1 maint: url-status (link)（臺灣正體） - ↑ 自由電子報 (2017年8月21號)。〈天鴿外圍環流影響 新竹、金門刷新今年高溫紀錄〉。
{{cite web}}: CS1 maint: url-status (link)（臺灣正體） - ↑ 聯合新聞網 (2017年8月21號)。〈受颱風沉降影響 新竹37度高溫破今年紀錄〉。
{{cite web}}: CS1 maint: url-status (link)（臺灣正體） - ↑ 自由電子報 (2017年8月21號)。〈天鴿逼近 蘭嶼、綠島遊客大撤退〉。
{{cite web}}: CS1 maint: url-status (link)（臺灣正體） - ↑ 中時電子報 (2017年8月22號)。〈天鴿來襲 離島撤回上萬人〉。
{{cite web}}: CS1 maint: url-status (link)（臺灣正體） - ↑ 〈天鴿颱風來襲 國軍災害應變中心二級開設〉。自由電子報。2017年8月21號。
- ↑ 〈防風災 國軍第四作戰區出動裝甲運兵車、兩棲突擊車〉。自由電子報。2017年8月21號。
- ↑ 自由電子報 (2017年8月21號)。〈天鴿發威！蘭嶼出現13級陣風 台北下半天風勢加劇〉。
{{cite web}}: CS1 maint: url-status (link)（臺灣正體） - ↑ 〈天鴿颱風海陸警齊發 花東.高屏警戒區〉。台視新聞。2017年8月20號。
- ↑ "Batanes under signal no. 2 due to Tropical Storm Isang". Rappler. 2017-08-11. 原先內容歸檔喺2017-08-21.（英文）
- ↑ 香港天文台。〈引致天文台需要發出十號颶風信號的颱風〉。原著喺2017-07-07歸檔。喺2013-01-25搵到。｢⋯⋯在香港近距離（大約100公里）內掠過，也就是一般所謂『正面吹襲』香港。｣
- ↑ 香港天文台 (2017年8月22號)。〈天氣稿第65號－發出／取消熱帶氣旋警告信號〉。（香港繁體）
- ↑ 23.0 23.1 23.2 23.3 23.4 23.5 23.6 香港天文台 (2017-10-25)。〈超強颱風天鴿報告正文〉。原著喺2017-10-25歸檔。喺2018-09-16搵到。（香港繁體）
- ↑ 香港天文台 (2017年8月22號)。〈天氣稿第69號－熱帶氣旋警告〉。（香港繁體）
- ↑ 〈颱風襲港現36.6度高溫 創132年以來新高〉。《明報》。2017年8月22號。（香港繁體）
- ↑ 〈36.6℃迎颱風 港132年最熱〉。香港《東方日報》。2017年8月23號。（香港繁體）
- ↑ 香港天文台 (2017年8月22號)。〈天氣稿第161號－熱帶氣旋警告〉。（香港繁體）
- ↑ 香港天文台 (2017年8月22號)。〈天氣稿第181號－發出／取消熱帶氣旋警告信號〉。（香港繁體）
- ↑ 香港天文台 (2017年8月22號)。〈天氣稿第185號－熱帶氣旋警告〉。（香港繁體）
- ↑ 香港天文台 (2017年8月22號)。〈天氣稿第213號－熱帶氣旋警告〉。（香港繁體）
- ↑ 香港天文台 (2017年8月22號)。〈天氣稿第231號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第29號－熱帶氣旋之特別報告〉。（香港繁體）
- ↑ 香港天文台 (2017年8月23號)。〈天氣稿第17號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第59號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第66號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第109號－暴雨警告信號〉。（香港繁體）
- ↑ 香港天文台 (2017年8月23號)。〈天氣稿第115號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第121號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第139號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第149號－熱帶氣旋警告〉。（香港繁體）
- ↑ 41.0 41.1 徐傑志 (2017年8月23號)。〈天氣隨筆：「天鴿」的十號風球〉。香港天文台。原著喺2017年9月26號歸檔。喺2017年10月26號搵到。（香港繁體）
- ↑ 〈杏花邨街道嚴重水浸〉。有線新聞。2017年8月23號。
{{cite news}}: CS1 maint: url-status (link)（香港繁體） - ↑ 〈風勢雨勢增強臨海屋苑最受影響〉。有線新聞。2017年8月23號。
{{cite news}}: CS1 maint: url-status (link)（香港繁體） - ↑ 〈水浸橋龍珠島變孤島 居民玩命揸車「渡海」〉。《on.cc東網》 (香港中文)。2017-08-23。喺2021-06-17搵到。
- ↑ 〈【天鴿襲港】恐怖！工作台亂飛撞爆窗〉。香港《蘋果日報》。2017年8月23號。原著喺2017年8月23號歸檔。喺2017年10月26號搵到。（香港繁體）
- ↑ 〈【天鴿襲港】玻璃幕牆破裂 中環廣場 恒生銀行總行同受災〉。頭條日報。2017年8月23號。原著喺2017年8月23號歸檔。喺2017年10月26號搵到。（香港繁體）
- ↑ 新渡輪中環往來梅窩渡輪服務晚上8時30分後逐步恢復
- ↑ 〈多艘船擱淺船員墮海 2人失蹤1死1命危〉。《東網》。2017年8月23號。（香港繁體）
- ↑ 香港天文台 (2017年8月23號)。〈天氣稿第203號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第211號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第217號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第222號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第237號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第259號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第265號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第281號－發出／取消熱帶氣旋警告信號〉。（香港繁體）
- ↑ 香港天文台 (2017年8月23號)。〈天氣稿第285號－熱帶氣旋警告〉。（香港繁體）
- ↑ 香港天文台 (2017年8月23號)。〈天氣稿第313號－發出／取消熱帶氣旋警告信號〉。（香港繁體）
- ↑ 〈「天鴿」風力減弱 襲港期間釀至少129人傷〉。無綫新聞。2017年8月23號。（香港繁體）
- ↑ 香港天文台 (2017年10月25號)。〈超強颱風天鴿報告：8個參考測風站錄得強風及烈風的時段〉。原著喺2017年10月26號歸檔。喺2017年10月26號搵到。（香港繁體）
- ↑ 61.0 61.1 香港天文台 (2017年10月25號)。〈超強颱風天鴿報告：2017年8月23日在長洲、香港國際機場及北角錄得的10分鐘平均風速〉。原著喺2017年10月26號歸檔。喺2017年10月26號搵到。（香港繁體）
- ↑ 〈天鴿強度媲美溫黛 天文台研升格超強颱風〉。2017年9月9號。（香港繁體）
- ↑ 〈強颱風天鴿實測數據分析〉。颱風論壇。2017年10月24號。原著喺2017年10月25號歸檔。喺2017年10月26號搵到。（大陸簡體）