食物鏈

食物鏈sik6 mat6 lin2（英文：food chain）係生態學上嘅一個概念，表示物種之間「邊種食邊種」嘅關係，代表咗物質同能量喺物種之間轉移流動嘅情況。

一條食物鏈嘅圖解；鏈入面嘅每種物種會食喺正佢下面嘅物種。

概論

睇埋：生態系統

淨係講昆蟲生態嘅話：

蝴蝶等嘅多數昆蟲都處於食物鏈嘅底層，有為數眾多嘅物種都係蝴蝶嘅天敵－包括咗雀鳥、蜥蜴、蜘蛛同青蛙等等都會以蝴蝶做獵食對象，而大隻啲嘅昆蟲（蜻蜓同螳螂呀噉）都會食蝴蝶，會以敏捷嘅身手（好似係雀鳥）或者設陷阱（好似係蜘蛛）捉蝴蝶或者蝴蝶毛蟲嚟食。

同時蜻蜓雖然會食蝴蝶，但又會畀第啲動物食。蜻蜓最大嘅天敵係雀鳥：雀鳥好多時都係雜食動物，會捉任何細隻過佢哋嘅動物嚟食－包括蜻蜓在內嘅各種昆蟲，都係雀鳥嘅獵物，好似燕子、雨燕同鶲在內嘅好多種雀鳥都畀人紀錄到佢哋能夠喺空中追捕蜻蜓同捉蜻蜓嚟食，而鴨同鷺等嘅水鳥，仲畀人紀錄到佢哋捕食水入面嘅蜻蜓若蟲。

一隻毛蜻蜓（Brachytron pratense）搵到嘢食－佢擔住隻花蜂。 一隻毛蜻蜓（Brachytron pratense）搵到嘢食－佢擔住隻花蜂。  一隻雀仔擔住隻蜻蜓。 一隻雀仔擔住隻蜻蜓。  一隻黃蜻（Pantala flavescens）畀隻蜘蛛捉住咗。 一隻黃蜻（Pantala flavescens）畀隻蜘蛛捉住咗。

睇埋

• 獵食
• 進化
• 單次同多次繁殖

拎

• Ecosystem. Encyclopedia Britannica.