香港中間派

中間派（英文：Moderate groups），係香港嘅溫和政治派系，政治光譜介乎於建制派同泛民主派中間，佢嘅主要政治團體包括：新思維、專業動力、民主思路等等。

根據香港大學民意研究計劃嘅2015年12月民調數據顯示：香港嘅中間派支持者佔41.9%，民主派佔28.4%，建制派佔11.4%。不過響選舉上，多數自稱中間派嘅支持者最終投返畀溫和民主派同溫和建制派，所以打正旗號做中間派嘅政團響議會上幾乎唔見影。

2016年，民主思路、新思維、專業動力都有派人參選第6屆香港立法會選舉嘅地區直選，但全部落選，不過，陳沛然就喺醫學界功能界別順利當選。