香港政府農曆新年求籤活動
香港政府農曆新年求籤活動係指每年農曆年初二（車公誕），香港政府派出一名官員或者公職人士代表香港，去沙田車公廟為香港來年運程求籤。嗰個人喺籤筒入面搖出一枝籤，再由廟內解籤師傅解釋籤文嘅意思。而車公廟所屬地區嘅沙田鄉事委員會喺嗰日亦會出席，為沙田求籤。
關於求籤代表
編輯啱啱呢個習慣開始嘅時候，係由布政司署政務科或民政事務局官員負責求籤，但2003年新上任嘅民政事務局局長何志平就為香港求得下籤，跟住香港就因沙士而百業蕭條，而政府推行香港基本法第23條立法同官員偷步買車避稅，更導致50多萬人參加2003年七一遊行，兩名問責制官員辭職。有人批評何志平本身係基督徒，根本就唔相信道教嘅車公，喺求籤前又無齋戒沐浴，求籤嘅時候重着住黑衫，所以求得下籤。2004年開始，就改由新界鄉議局主席負責求籤（2004年至2015年係劉皇發，2016年起係劉業強）[1][2]。
車公廟嘅籤筒有96支籤，上籤35支、中籤44支、下籤17支。除咗香港政府外，其他市民或民間團體都會為運程求籤。
求籤結果
編輯| 歲次 | 求籤日期 | 求籤者 | 為香港求得之籤號（吉凶） | 為沙田求得之籤號（吉凶） | 籤文 |
|---|---|---|---|---|---|
| 乙亥 | 1995年2月1號 | 民政事務總署官員[3] | 61（上） | （61）傳來信息果無差，轉運時來自興家；篤志雲程須著力，何須今日賜榮華。
解曰：凡事吉利[1] | |
| 丙子 | 1996年2月20號 | 民政事務總署官員 | 70（上） | （70）形模飄蕩入山林，困苦如今未出身；逢得清明佳節至，不超群處也超群。 | |
| 丁丑 | 1997年2月8號 | 民政事務總署官員 | 81（上） | （81）酒逢知己千杯少，話不投機半句多；偶遇貴人相會敘，窗開明月照書臺。 | |
| 戊寅 | 1998年1月29號 | 民政事務總署官員 | 37（上） | （37）不見眠羊臥虎皮，誰知百獸莫相欺；一朝虎失羊仍在，咀嚼還依伏虎時。
解曰：萬事許可[1] | |
| 己卯 | 1999年2月17號 | 呂孝端 | 34（上） | （34）收拾行程往帝京，姓名必舉動公卿；承恩深處朝金闕，得賜傳臚唱姓名。
解曰：萬事亨通[1] | |
| 庚辰 | 2000年2月6號 | 呂孝端 | 91（中） | （91）得失生成怎奈何，且將貪字早收科；富貴追求求不得，縱然求得也無多。
解曰：家宅平平，求財半遂；自身欠吉，占病作福[5] | |
| 辛巳 | 2001年1月25號 | 呂孝端 | 30（上） | （30）魂宵魄爽氣為真，身似如來妙色新；天眼恢恢臨坐下，不虧積善有功人。
解曰﹕待至福來，萬事大吉[6] | |
| 壬午 | 2002年2月13號 | 呂孝端 | 38（中） | 31（中） | （38）人扳高處求真果，我向低邊拾芥羌；媚奧不如去媚灶，莫教步獵逞英豪。
解曰：凡事守舊，自身平安；家宅興旺，求財遂意[7] |
| 癸未 | 2003年2月2號 | 何志平 | 83（下） | 17、21（中） | （83）掛帆順水上揚州，半途頗耐浪打頭；實力撐持難寸進，落橈下𢃇水難流。 |
| 甲申 | 2004年1月23號 | 劉皇發 | 76（中） | 71（上） | （76）人情反覆似波濤，勿謂金蘭結義高；上古守明金重利，囊空不見舊同袍。
解曰：凡事子細，占病作福；自身平安，婚姻不合 （71）龍吟溪外水自甘，虎笑崗中去復還；境傑風雲能際會，地靈潮障兩相參。 解曰：萬事亨通[9] |
| 乙酉 | 2005年2月10號 | 劉皇發 | 13（中） | 10（上） | （13）持齋受戒須精致，盛積爐烟荐聖賢；香火滿堂皆顯應，何勞經卷往西天。
解曰：家宅大吉，占病作福；凡事用心，婚姻不合，自身平安，求財半遂 （10）軍民重權歸一握，大榮大辱在今朝；必須着力當前去，莫作尋常一樣看。 解曰：諸事大吉[10] |
| 丙戌 | 2006年1月30號 | 劉皇發 | 75（上） | 63（中） | （75）肄業求謀各有方，朝為田舍暮為皇；田可耕時書可讀，自然利就有名揚。
解曰：凡事吉利 （63）吾人學業更精虔，苦學勞心得自然；一貫求成須着力，功成亨利萬年傳。 解曰：家宅興隆，堅心求謀；自身平安，求財遂意[11] |
| 丁亥 | 2007年2月19號 | 劉皇發 | 36（中） | 51（中） | （36）問君曾見舊時無，一醉昏迷誰為扶；正是今朝新樣出，無錢空手又來沽。
解曰：舊願未還，家宅平安；自身平安，求財半遂 （51）事業求謀且待時，若然亂動失原機；馬行千里須防倦，遠病年深不可醫。 解曰：凡事守舊，家宅平安；自身平安，占病作福[12] |
| 戊子 | 2008年2月8號 | 劉皇發 | 60（上） | 37（上） | （60）賢路晴明此日開，三千才子赴京臺；人逢亨通知如意，金榜標名萬古傳。
解曰：家宅平安，自身得運；求財遂意，婚姻可許 （37）不見眠羊臥虎皮、誰知百獸莫相欺、一朝虎失羊仍在、咀嚼還依伏虎時。 解曰：萬事可許[13] |
| 己丑 | 2009年1月27號 | 劉皇發 | 27（下） | 62（下） | （27）君不須防人不肖，眼前鬼卒皆為妖；秦王徒把長城築，禍去禍來因自招。
解曰：內有家鬼，自身不安；家宅不吉，求財不遂 （62）聞道他鄉風景好，爭名奪利逞英豪；只防路遠波濤急，馬倦人勞枉自勞。 解曰：凡事不利[14] |
| 庚寅 | 2010年2月15號 | 劉皇發 | 53（中） | 21（中） | （53）睽別家園歲月多，不知家內若如何；昨宵一夢真端的，今日人傳信不訛。
解曰：先難後易，凡事可許 （21）頃畝之田歲月深，祖宗創積到于今，勸君勿論多和少，寸土原來一寸金。 解曰：家宅興旺，自身平安；求財半遂，占病不妨[15] |
| 辛卯 | 2011年2月4號 | 劉皇發 | 11（中） | 14（中） | （11）威人威威不是威，只當着力有箴規；白登曾起高皇閣，終被張良守舊圍。
解曰：凡事守舊，求財遂意；自身得運，婚姻不合 （14）鉞能罰惡明天憲，善者禎祥惡災殃；公道但存方寸地，那有驟雨列風霜。 解曰：家宅平平，占病作福；自身平安，出入平列；婚姻不合，求財半遂[16] |
| 壬辰 | 2012年1月24號 | 劉皇發 | 29（中） | 76（中） | （29）何為邪鬼何為神，神鬼如何兩不分；但管信邪修正外，何愁天地不知聞。
解曰：凡事皆吉 （76）人情反覆似波濤，勿謂金蘭結義高；上古守明金重利，囊空不見舊同袍。 解曰：凡事子細，占病作福；自身平安，婚姻不合[17] |
| 癸巳 | 2013年2月11號 | 劉皇發 | 95（下） | 60（上） | （95）駟馬高車出遠途，今朝赤腳返回廬；莫非不第人還井，亦似經營乏本歸。
解曰：宜慎小人，凡事不利 （60）賢路晴明此日開，三千才子赴京臺；人逢亨通知如意，金榜標名萬古傳。 解曰：家宅平安，自身得運；求財遂意，婚姻可許[18] |
| 甲午 | 2014年2月1號 | 劉皇發 | 4（中） | 51（中） | （4）福無私與皆天賜，禍不空生自有招；一片婆心能積善；自然福長禍潛消。
解曰：家宅興吉，求財半遂；自身平安，堅心求謀 （51）事業求謀且待時，若然亂動失原機；馬行千里須防倦，遠病年深不可醫。 解曰：凡事守舊，家宅平安；自身平安，占病作福[19] |
| 乙未 | 2015年2月20日 | 劉皇發 | 20（中） | 32（下） | （20）晨粧露彩髻邊雲，玉佩珠顏錦似銀；色則是空空是色，觀音曾勸世間人。
解曰：不可貪心，自身平平；家宅平安，求財半遂 （32）聞道今宵是上元，銀燈火樹耀長天；無端一陣狂風雨，萬家燈熄斷管弦。 解曰：凡事不宜[20] |
| 丙申 | 2016年2月9號 | 劉業強 | 72（上） | 69（中） | （72）丹陽飛舞去潮陽，大展翔毛彩色香；來儀偏向仁者宅，修福自然啟禎祥。
解曰：凡事大吉 （69）真似假時假似真，弄假成真那曉因；世人難識真和假，真假如何兩不分。 解曰：凡事不成，家宅平安；自身平平，求財半遂[21] |
| 丁酉 | 2017年1月29號 | 劉業強 | 61（上） | 66（上） | （61）傳來信息果無差，轉運時來自興家；篤志雲程須著力，何天今日賜榮華。
解曰：凡事吉利 （66）真金不怕火來煅，性堅何懼小人言；只管秉心行正道，舉頭三尺有青天。 解曰：萬事大吉[22] |
| 戊戌 | 2018年2月17號 | 劉業強 | 21／41（中）
（有爭議） |
21／41（中）
（有爭議） |
（21）頃畝之田歲月深，祖宗創積到于今；勸君勿論多和少，寸土原來一寸金。
解曰：家宅興旺，自身平安；求財半遂，佔病不妨 （41）攝衣欲過灘頭淺，轉計回來怕濕身；人若不信辛苦事，何能取得保安寧。 解曰：凡事小心，自身平吉；求財吉利，家宅後吉[23] |
| 己亥 | 2019年2月6號 | 劉業強 | 86（中） | 82（下） | （86）石田為業喜非常，畫餅將來未見香；怎曉田耕耘不得，那知餅食不充腸。
解曰：出入謹慎，家宅不吉；自身平安，求財不遂 （82）心中日復自思量，時運未通怎主張；進退難為無定處，恐防患禍與災殃。 解曰：出入謹慎，凡事小心[24] |
| 庚子 | 2020年1月26號 | 劉業強 | 92（中） | 71（上） | （92）人生何在逞英豪，天理人情只要公；天眼恢恢疏不漏，定然作福福來縱。
解曰：家宅平平，作福加增；自身平安，婚姻成合[25] （71）龍吟溪外水自甘，虎笑崗中去複還；境傑風雲能際會，地靈潮障兩相參。 解曰：萬事亨通[26] |
| 辛丑 | 2021年2月13號 | 劉業強 | 45（中） | 14（中） | （45）下手須教一著先，世情局面苦徒然；積薪歷火非無事，識者能知火未燃。
解曰：凡事不合，自身平安；家宅小吉，求財不大[27] （14）鉞能罰惡明天憲，善能禎祥惡災殃；公道但存方寸地，那有驟雨列風霜。 解曰：家宅平平，占病作福；自身平安，出入平利；婚姻不合，求財半遂[28] |
| 壬寅 | 2022年2月2號 | 劉業強 | 38（中） | 04（中） | （38）人扳高處求真果，我向低邊拾芥羌；媚奧不如去媚灶，莫教步獵逞英豪。
解曰：凡事守舊，自身平安；家宅興旺，求財遂意[29] （4）福無私與皆天賜，禍不空生自有招；一片婆心能積善；自然福長禍潛消。 解曰：家宅興吉，求財半遂；自身平安，堅心求謀[30] |
2018年兩籤對調事件
編輯2018年，劉業強同沙田鄉事委員會副主席李志麒同時喺車公廟，分別為香港同沙田求籤，但宣布籤文嗰陣，雙方求到嘅籤（21號和41號）懷疑被對調，導致司儀起初宣布劉業強為香港求得41號籤。司儀後來指劉求得嘅其實係21號籤[31]。之後沙田鄉事委員會主席莫錦貴就話，就算錄影片段證實係調亂籤，事情亦係神明安排，唔會更正結果。[32]劉業強就指，係車公神示將籤文調轉，認為應繼續以21號籤解讀香港運程。[33]
儘管莫劉兩人咁講，有人懷疑41號籤先係真正求到嘅「香港」籤[34][35]。有解籤專家說41號籤其實係中下籤，寓意香港來年有避無可避嘅厄運，所以比21號籤差[34][35]。
為免再發生咁樣嘅情況，第二年嘅求籤活動入面大會特意安排兩名經生協助求籤，分兩次宣佈香港同沙田求到嘅籤。
問題
編輯求籤者代表香港嘅資格
編輯有啲人認為，求籤者無資格代表香港。韓連山喺2018年2月就曾經撰文，質疑鄉議局、鄉事委員會嘅人，求嘅籤唔可以代表全香港人嘅運程，話好多香港人唔想被佢哋代表，唔係全民提名方式、一人一票選出嘅特首冇資格代表香港人[36]。另外，時事評論員黃世澤喺2022年2月亦批評，香港主權移交後嘅非民選政府代表香港求籤，名不正言不順，只會繼續出衰籤[37]。
被指抽起下籤造假
編輯有啲人就懷疑，為咗出嚟嘅結果唔會令人尷尬，所以會事先抽起啲下籤[38]。其中，時事評論員黃世澤就批評，咁樣做係冒犯神靈造假[37]。不過，鄉議局主席劉業強喺展示全部96支籤嘅相，嘗試說明下籤無事先被抽起[39]。
註
編輯參考
編輯- ↑ 1.0 1.1 1.2 1.3 1.4 1.5 〈何志平03年求得下籤 「車公有時都幾中肯」〉。《太陽報》。2009-01-28。原先內容歸檔喺2019-09-03。喺2022-02-02搵到。
- ↑ 2.0 2.1 〈何志平求得下籤之謎 - 李八方〉。《蘋果日報》。2003-02-09。喺2022-02-02搵到。
{{cite news}}: CS1 maint: url-status (link) - ↑ 〈【一文讀懂1997年至今籤文】劉業強為港人求得中籤：識者能知火未燃〉。《星島日報》。2021-02-13。
{{cite web}}: CS1 maint: url-status (link) - ↑ 4.0 4.1 蘋果日報 互聯網檔案館嘅歸檔，歸檔日期2016年10月25號，. 車公廟解讀：香港欠運上籤變下籤
- ↑ 星島日報[失咗效嘅鏈]高官代港求得中上籤
- ↑ 星島日報呂孝端為港求得上籤
- ↑ 星島日報車公38籤﹕港宜穩中求進
- ↑ 8.0 8.1 蘋果日報." 不避基督徒身份 手執大香下跪 何志平為香港求得下籤
- ↑ 太陽報求籤何需講手氣
- ↑ 蘋果日報.寓意肯勤力工作 春天後各行業轉好 劉皇發再為港人求得中籤
- ↑ 蘋果日報寓香港百業順境 辛勤努力可得成果 五年來首獲車公上籤
- ↑ 太陽報.劉皇發為港祈福 須齊心創新景象 車公中籤暗喻防股海揚波
- ↑ 蘋果日報劉皇發連續第五年求得好籤 車公上籤：港人亨通如意
- ↑ 蘋果日報03年沙士及50萬人上街後 下籤再現
- ↑ 蘋果日報車公籤文寓意 上半年施政不得民心 虎年先難後易
- ↑ 蘋果日報兔年求得中簽 香港有暗湧 玄學家：樓股齊升或是假象
- ↑ 蘋果日報車公靈籤洩玄機 特首選舉神鬼不分
- ↑ 蘋果日報 互聯網檔案館嘅歸檔，歸檔日期2013年7月11號，.劉皇發求得下籤全城捉小人 居士批算梁振英半年後下台
- ↑ 蘋果日報劉皇發求得中籤 車公預示：港府不納民意招惡果
- ↑ 蘋果日報港得中籤「不可貪心」 劉皇發：政改要袋住先 李卓人：針對梁
- ↑ 星島日報 via Yahoo! 新聞鄉議局主席為港求得72簽上簽
- ↑ 香港01【雞年到】劉業強為港求得六十一籤上籤 「凡事吉利」
- ↑ 陳芷昕 (2018-02-17)。〈【車公錯籤】初二求籤「擺烏龍」 劉業強究竟為港求21定41號籤？〉。《香港01》。喺2018-02-17搵到。
- ↑ 香港電台劉業強為港求得中籤 稱香港基礎良好籲支持政府施政
- ↑ 香港電台鄉議局主席劉業強為香港求得第九十二中籤
- ↑ 香港電台鄉委會為沙田求得第七十一上籤 解曰：「萬事亨通」
- ↑ 香港電台鄉議局主席劉業強為香港求得第四十五中籤
- ↑ 香港電台沙田鄉事委員會首副主席李志麒為沙田求得第十四中籤
- ↑ 香港電台劉業強率鄉紳到車公廟 為香港求得第三十八籤中籤
- ↑ 香港電台李志麒為沙田求得第四籤中籤 求籤活動不開放公衆參與
- ↑ 〈鄉議局車公廟求簽過程混亂疑調亂〉。《Now新聞台》。2018-02-17。喺2018-02-17搵到。
- ↑ 〈【車公錯籤】劉業強：無看到籤號 莫錦貴：神明安排不會更正〉。香港01。2018-02-17。喺2018-02-17搵到。
- ↑ 〈【車公靈籤】劉業強稱車公「發功」調亂籤 「凡事小心」變「家宅興旺」〉。頭條日報。2018-02-17。原著喺2019-04-26歸檔。喺2018-02-17搵到。
- ↑ 34.0 34.1 〈【車公錯籤】41籤疑為真．港運程籤 解籤師傅：狗年香港更淒涼〉。《香港01》。2018-02-17。喺2018-02-17搵到。
- ↑ 35.0 35.1 〈鄉議局求籤疑錯誤調轉 解籤師點睇原籤和烏龍籤？〉。《明報》。2018-02-16。喺2018-02-23搵到。
- ↑ 〈【自由談】被「代表」的香港人〉。《大紀元時報 香港｜獨立敢言的良心媒體》 (香港中文)。2018-02-23。喺2022-02-02搵到。
- ↑ 37.0 37.1 《鄉議局年初二又求出同下簽無分別嘅中簽 名不正言不順非民選政府只會繼續出衰簽 車公講到明向民眾尋求支持唔係向北京擦鞋 黃世澤幾分鐘評論 20220202》 (英文)，喺2022-02-02搵到
- ↑ 〈車公言論自由堪憂〉。www1.hkej.com。原著喺2022-02-02歸檔。喺2022-02-02搵到。
- ↑ 〈劉業強展示全部96支籤 力證求籤無造假 - 香港經濟日報 - TOPick - 新聞 - 政治〉。topick.hket.com。喺2022-02-02搵到。