馬仔坑（Ma Chai Hang），香港一地，亦係一村，地處九龍北面山腰，獅子山以南、龍翔道以北、竹園邨以西、大窩坪以東一帶，有時做黃大仙一部份，行政歸黃大仙區。舊日木屋林立。現時天馬苑同翠竹花園，係依帶主要住宅。康樂設有獅子山公園同馬仔坑遊樂場。
香港重光後，大批難民湧港。馬仔坑成爲木屋區，稱為龍翔道木屋區或者馬仔坑四村，卽馬仔坑村、仁愛村、獅子山下村同仁義村。一九七九年十月六號，五級大火，九人受傷。及後木屋區清拆。
二零零九年，港鐵公司計劃東西綫，經馬仔坑，但只設緊急出口同通風設施。當地居民不滿，要求設馬仔坑站，但港鐵公司無答應，之後計劃亦無此站。
