高志森MHClifton Ko1958年8月6號—)係香港導演監製、策劃、編劇剪輯出品人同演員,作品包括電影電視劇舞臺劇等。

高志森
MrGAO200902.jpg
出生日1958年8月6號 喺Wikidata改呢個 (63歲)
出生地中山市 喺Wikidata改呢個
國籍中華人民共和國 喺Wikidata改呢個
通曉唐文 喺Wikidata改呢個
母校Kwun Tong Maryknoll College 喺Wikidata改呢個
職業電影導演編劇演員、製片人 喺Wikidata改呢個

生平

高志森以前係麗的電視編劇,後嚟轉咗去做電影導演。喺1980年代佢多數幫黃百鳴拍戲,1984年拍嘅《開心鬼》就收近二千萬票房,破咗香港票房紀錄。佢嘅電影通常都係喜劇,所以比較收得,好似《富貴逼人》系列都拍咗好幾部續集。1992年佢執導嘅《家有喜事》重收四千九百萬票房,再一次破咗香港電影票房紀錄。

近年佢除咗搞電影之外重搞舞臺劇,較為突出嘅有《我和春天有個約會》同埋《南海十三郎》。呢兩部戲都拍咗電影。

作品

個人榮譽

爭議事件

有唔少關於高志森嘅爭議,都係同佢政治立場,同埋散播虛假消息有關。另外,佢喺早年同一啲藝人合作嘅問題上,誠信亦被部份嘅人質疑。

用假支票老屈張國榮收錢唔認帳

1994年7月,高志森想請張國榮拍《香江花月夜》,但當時張國榮係黃百鳴東方電影旗下嘅藝人,佢亦接拍咗于仁泰嘅《新夜半歌聲》。高志森以飯局為名,寫咗一張支票畀張國榮,想以示誠意。當時張國榮講明,因為佢係黃百鳴旗下嘅藝人,所以佢嘅檔期由黃百鳴決定,對方已安排佢接拍《夜半歌聲》,所以佢無權決定。但礙於情面,張國榮唔好意思拒絕,暫且收咗支票,並打算詢問黃百鳴意見。之後高志森之後接受周刊訪問,話張國榮收錢唔認數,文章仲刊登一張無畫死線嘅「300萬支票」。高志森喺訪問入面仲話自己有權告張國榮。之後,張國榮喺《娛樂性騷擾》節目入面講番件事,話係當高志森係朋友先暫時收下支票,但數目唔係300萬,而係100萬,自己曾多次拒絕並且表明要問黃百鳴意見先可以決定,冇諗過高志森攞一張「300萬」嘅假支票接受訪問老屈佢,仲話高志森講啲咁嘅嘢簡直係垃圾,行為嗱渣。張國榮又話行內都知道,佢唔會用張國榮個名去收支票 [3][4]

諷刺為「真普選」而絕食嘅學生應以自焚絕育代替

2014年佔領中環期間,佢曾經公開回應學民思潮成員宣佈無限期絕食嘅新聞,叫佢哋自焚算數,仲話「你唔好睇我肥肥哋,我每日都有22個鐘頭絕食架(㗎)」。佢攞自焚嚟開玩笑,之後被多人公開譴責,其中1996年曾遭遇八仙嶺山火十大傑出青年張潤衡面書指責,唔好攞燒傷嘅過程嚟開玩笑。[5] 藝人黃秋生亦對高志森作出批評,話啲人叫佢「低智森」無改錯名,認為佢將絕食同自焚相提並論係低智嘅表現。[6]。之後,佢喺2014年更呼籲為爭取真普選而絕食嘅學生以絕育代替絕食,「一人一紥要求人大收回決定」[7]

失實批鬥藝發局

喺2021年3月,高志森喺《大公報》訪問中聲稱,藝發局只係撥出數萬港幣資助畀佢監製嘅舞台劇《金鎖記》喺昆明站嘅演出,又聲稱愈嚟愈感到當局對愛國愛港藝術團體有強烈嘅排斥。但係傳媒事後藝發局文件,發現嗰個項目獲批 30 幾萬港元,並唔係好似高志森咁講,金額對比其他項目亦係名列前茅。被揭發報細數之後,高志森拍片道歉,話係身邊同事畀咗唔完整嘅資訊[8][9]

  1. "二○○六年授勳名單" (新聞稿) (中文). 香港政府新聞公報. 2006年7月1號.
  2. "2012年大學院士 高志森先生 MH" (中文). 香港理工大學.
  3. 【高志森要告張國榮?】23年前舊事 哥哥爆seed:向華強搵我拍戲都要跟手續 蘋果日報 2017年04月06日
  4. "【23年前舊事】不忿被屈收300萬 張國榮問高志森:點解要咁嗱渣啫? | 蘋果日報". Apple Daily 蘋果日報 (中文). 喺2021-03-19搵到.
  5. 學民3人絕食 高志森:自焚算了吧!,《蘋果日報》,2014年12月2日。
  6. 【做人做事態度】高志森絕食同自焚並論 秋生:低智森冇改錯名,《蘋果日報》,2014年12月3日
  7. 高志森再諷絕食:何不絕育?,《明報》,2014年12月8日。
  8. "屈藝發局「有內鬼」 高志森道歉認獲批30萬內地演話劇 | 蘋果日報". Apple Daily 蘋果日報 (中文). 喺2021-03-19搵到.
  9. "【批鬥藝發局】《立場》踢爆「報細數」 高志森拍片認資訊有誤 「同《大公報》講聲唔好意思」 | 立場報道 | 立場新聞". 立場新聞 Stand News (英文). 喺2021-03-19搵到.

出面網頁