黃百鳴
黃百鳴，MH（1946年4月8號—），人稱「百鳴哥」，本名黃栢鳴，廣東鶴山人，係港產片出品人，曾經做過電影監製同演員。
| 黃百鳴 | |
|---|---|
 | |
| 出生日 | 1946年4月8號  （79歲） |
| 出生地 | 香港 |
| 國籍 | 中華人民共和國 |
| 職業 | 演員、主持人、編劇、電影導演 |
[改維基數據] | |
底細
編輯黃百鳴早年曾經喺無綫電視做演員，曾經喺無綫劇集《民間傳奇》入面演過戲。無耐佢投身電影圈，成立咗新藝城影業，專門拍攝電影。佢製作嘅電影好多，以笑片最成功，好似1982年佢嗰部《最佳拍檔》就收二千七百萬票房，破咗香港歷嚟票房紀錄。1984年佢演出嘅《開心鬼》收近二千萬票房，令黃百鳴風光一時。
佢喺1991年摺咗新藝城轉開東方電影，憑住《家有喜事》收四千九百萬票房，再一次打破香港歷嚟票房紀錄。而1997年佢嘅《97家有喜事》亦都收四千萬票房。
雖然近年電影市道唔好，黃百鳴仍然不時出品電影。
演出
編輯電影
編輯政治參與同經歷
編輯黃百鳴係香港親中陣營嘅支持者，2020年5月尾曾經有份參與一份聯署，支持北京未經諮詢或香港人同意而強行訂立，兼且惹起泛民主派爭議嘅《香港國家安全法》[1][2][3]，但有關聯署之後被踢爆做假，其中名單上嘅張寶華、徐熙媛、李巧靈同蔣志光之後矢口否認有份參與，而陳汝騫就响2019年瓜老襯[4]。
2000年，黃百鳴首次參選選委會界別分組選舉嘅演藝小組，只係攞到27票落選；11年後再次參與選委會界別分組選舉嘅演藝小組，結果順利當選做選委會委員，之後兩屆（2016、2021年）都成功冧莊。
喺2016年，佢成為香港特别行政區選舉委員會體育、演藝、文化及出版界（演藝小組）委員。之後，佢有份提名林鄭月娥參與2017年香港行政長官選舉[5]。
喺2021年9月，佢成為香港特别行政區選舉委員會體育、演藝、文化及出版界委員[6]。之後佢喺李家超無提政綱嘅情況下，有份提名李家超參與2022年香港行政長官選舉[7]。
佢亦曾經為一啲中國國慶活動擔任籌委[8]。
部分公職
編輯參考
編輯- ↑ 〈文藝界2600人聯署支持立法 - 香港文匯報〉。paper.wenweipo.com。原著喺2021-05-22歸檔。喺2022-09-19搵到。
- ↑ 〈文化演藝界3千多人及團體表態支持國安法立法 - 雪花台湾〉。www.xuehua.tw。原著喺2022-09-20歸檔。喺2022-09-19搵到。
- ↑ 〈文化演藝界3千多人及團體表態支持國安法立法〉。www.bastillepost.com。2020-05-30。喺2025-02-05搵到。
- ↑ 〈成龍挺港版國安法 聯署聲明驚現死者名字 - 大紀元〉。《大紀元 www.epochtimes.com》 (繁體中文)。2020-06-01。喺2022-09-19搵到。
- ↑ 〈林鄭提名名單 - 香港文匯報〉。paper.wenweipo.com。喺2024-03-30搵到。
- ↑ 〈一文睇清1448名新選委全名單〉。《香港文匯網》 (中文)。喺2022-08-11搵到。
- ↑ 〈一文看清李家超786張提名〉。《信報網站 hkej.com》。喺2022-09-02搵到。
- ↑ 8.0 8.1 〈影視界星光熠熠賀國慶 - 香港文匯報〉。paper.wenweipo.com。喺2025-04-08搵到。
- ↑ 〈會員 | 中國文聯及其所屬各全國文藝家協會香港會員名單〉。《中國文學藝術界聯合會香港會員總會》 (香港中文)。喺2025-01-16搵到。