黃智華
黃智華，JP（英文：Steve Wong Chi-wah）係香港公務員，自2020年7月起為黃大仙民政事務專員。
| 黃智華 Steve Wong Chi-wah | |
|---|---|
| 黃大仙民政事務專員 | |
現任 | |
| 就任日期 2020年7月18號 | |
| 區議會主席 | 許錦成 → 懸空 |
| 前任 | 江潤珊 |
| 個人資料 | |
| 性別 | 男 |
| 出世 | .svg){kind=small} 英屬香港黃大仙 |
| 公民權 |  香港 |
| 職業 | 公務員 |
早年生活
編輯黃智華喺香港黃大仙嘅聖母醫院出世，同父母一齊住過大磡村[1]。之後，佢考入香港中文大學新亞書院讀工商管理學學士，2009年畢業[2]。讀書嗰陣佢出任過投資學會主席，吸納咗超過一千七百名學生加入成為會員，而佢喺花旗銀行嘅銀行實務課程亦攞過傑出學生獎[3][4]。畢業後，佢亦有出席新亞書院舊生會嘅地產市場分析活動[5]。
政府內工作同爭議
編輯黃智華喺2009年加入政務職系，曾經喺多個政策局同部門工作，包括運輸及房屋局、商務及經濟發展局同埋元朗民政事務處，調任黃大仙民政事務專員前係政制及內地事務局助理秘書長[6][7][8]。
喺擔任黃大仙民政事務專員期間，佢不時同親中派合作進行活動，例如連同民建聯唔同成員喺社區舉行座談會幫中國共產黨同埋「二十大精神」進行政治宣傳[9]。
跨區出任選舉主任
編輯喺2020年香港立法會選舉，各地區直選同功能組別嘅選舉主任安排，打破過去由當區民政事務專員擔任選舉主任嘅傳統做法，而係跨區配對。呢個安排被視為剝奪有意參選嘅民主派嘅參選資格鋪路。[10]其中，黃智華所屬的黃大仙區本應被劃入九龍東地方選區，但黃卻被安排成為香港島選舉主任。[11]
一方面拖延區議會防疫項目，一方面資助親中派團體抗疫工作被批評
編輯喺2020年10月，黃大仙區議會就武漢肺炎疫情通過撥款70萬推行「非公共租住房屋—大廈防疫設施計劃」，資助居民採購防疫物資同清潔大廈，但民政處以審批緊為理由，扣起公帑，拒絕推展項目，黃智華及區議會秘書傅申喺區議會會議上被連番批評，但係兩人對質問充耳不聞、十問九唔應，就連黃大仙區嘅染疫人數同住所分佈都答唔到，被議員批評不知所謂。其中當時嘅民主派議員譚香文提到，親中派區內派發印有民政處字眼嘅防疫包，直斥民政處「大灑金錢畀建制派清潔包」，不斷矮化今屆區議會，區議會副主席、黃逸旭亦批評，區議會受到無理對待[12]。
赴京深造前歡送晚會安排被批評
編輯2023年9月，黃智華準備去北京，修讀公務員事務局同北京大學合辦嘅高級公務員公共管理碩士課程。佢走之前，喺8月24號，黃大仙嘅親中派朋友喺九龍灣嘅百樂門國際宴會廳搞咗一個歡送晚會，有超過500個人嚟咗，有43席餐枱，有好多地區組織嘅人、校長、社團主事、立法會議員都有出席，真係好多人。啲建制派嘅人私下傾計，話今次場面好大，搞到佢地覺得民政專員就係「地區皇帝」嘅樣，話呢個情況已經「過咗火」、「離晒譜」，關注後面嘅金主係邊個[13][14][15]。
資料來源
編輯- ↑ 〈黃大仙民政事務專員黃智華 迎難而上 回饋出生地〉。《龍週》。2021-07-30。原著喺2021-08-09歸檔。喺2021-10-01搵到。
- ↑ 〈新亞書院二〇〇九年畢業生名錄〉 (PDF)。《新亞生活》。香港中文大學新亞書院。2009–12。頁 33。原著 (PDF)喺2021-10-01歸檔。喺2021-10-01搵到。
{{cite web}}: CS1 maint: date format (link) - ↑ "Citibank University Banking Course 2007-2008畢業典禮" (PDF). 《花旗银行》. 2008-04-22. 原著 (PDF)喺2012-11-07歸檔. 喺2021-10-01搵到.
- ↑ 〈銀行家現身說法 商學生得益匪淺〉 (PDF)。《中大通訊》。香港中文大學資訊處。2008-05-04。頁 8。原著 (PDF)喺2021-10-01歸檔。喺2021-10-01搵到。
- ↑ 〈新亞校友講座四：地產〉。《新亞書院舊生會》。2012-01-04。原著喺2021-10-01歸檔。喺2021-10-01搵到。
- ↑ 〈新任離島民政事務專員和黃大仙民政事務專員履新（附圖）〉。原著喺2021-03-10歸檔。喺2020-07-25搵到。
- ↑ 〈關鍵「摸底」過程曝光 兩小時飯局食燒鵝 梁志祥：房署無提分三期做〉。《香港01》。2016-09-27。原著喺2021-10-01歸檔。喺2021-10-01搵到。
- ↑ 〈香港濕地公園慶祝２０１６世界濕地日〉。《香港特別行政區政府新聞公報》。2016-01-30。原著喺2019-09-01歸檔。喺2021-10-01搵到。
- ↑ 〈中西區、觀塘及黃大仙民政事務處舉辦「二十大精神」座談會（附圖）〉。www.info.gov.hk。喺2023-08-25搵到。
- ↑ 鄭寶生陳小瑜 (2020-06-18)。〈立法會選舉│選舉主任將跨區「大兜亂」 泛民料為DQ區議員參選人〉。《香港01》 (香港中文)。原著喺2020-06-22歸檔。喺2020-06-21搵到。
- ↑ 〈【DQ 前奏？】何桂藍收選舉主任來信 據「抗爭派聲明」追問反對國安法、否決預算案〉。原著喺2020-07-25歸檔。喺2020-07-25搵到。
- ↑ 〈七十萬防疫項目拖延近兩個月 民政專員、秘書十問九唔應 | 獨媒報導〉。《獨立媒體》。2020-12-02。喺2023-08-25搵到。
- ↑ 香港經濟日報HKET。〈黃大仙民政專員黃智華赴京進修一年 各界筵開43席相送 - 香港經濟日報 - TOPick - 新聞 - 政治〉。《香港經濟日報HKET》 (繁體中文)。喺2023-08-25搵到。
- ↑ 〈民政專員黃智華赴京進修一年 黃大仙各界筵開43席餞行 惹款待之嫌〉。《星島頭條》 (香港中文)。2023-08-25。喺2023-08-25搵到。
- ↑ 〈政情｜黃大仙民政專員赴京深造 地區搞500人歡送會惹質疑〉。www.orangenews.hk。原著喺2023-08-25歸檔。喺2023-08-25搵到。
| 政府職務 | ||
|---|---|---|
| 上一任 江潤珊 |
黃大仙民政事務專員 2020年7月18號－ |
現任 |