維基百科

2020年夏季奧林匹克運動會同香港有關嘅事

喺2020年夏季奧林匹克運動會期間，有唔少同香港有關嘅事。

除咗港隊表現同播放賽事安排之外，日本網民聲援香港修例風波、親中派攻擊引發「伍家朗波衫事件」以及香港人對中國隊表現嘅態度，都受到唔少人嘅關注。

關於港隊表現

編輯
内文：2020年夏季奧林匹克運動會中國香港代表團

受傳媒關注嘅港隊成員，包括有歐鎧淳、石偉雄、蘇慧音、伍家朗、林兆恒、張家朗、謝影雪、鄧俊文、黃鎮廷、杜凱琹等[1]。

香港播放賽事安排

編輯

今年香港政府購入作播映權，分畀5間電視台直播，分別係ViuTV、TVB、香港開電視、Now TV同埋有線電視[2]，就連康文署體育館同唔少大型商場都有得睇[3]。

為咗迎合奧運，電視台都製作咗一啲特備電視節目，例如ViuTV就推出咗《奧運有團伙》系列。

揭幕活動電視台大戰

編輯

今次奧運喺2021年7月23號揭幕，ViuTV同無綫電視分別喺屯門市廣場同埋奧海城舉行宣傳活動，事前就已經有唔少網民同傳媒關注，到底邊一邊會多人。ViuTV搵嚟Mirror同Error全員到場坐陣，而無綫電視就有陳豪、黃翠如、王浩信等藝人[4]。結果ViuTV嘅活動幾乎逼爆成個屯門市廣場[5][6]，有人為咗追Mirror，甚至凌晨三點已經喺屯門市廣場入面等[7]；而無綫電視喺奧海城嘅活動就有300名市民圍觀，比起屯門市廣場冷清[4]。

翡翠台慣性收視依然

編輯

呢次奧運係香港頭一次有三間免費電視台同時轉播，三台收視表現亦受到關注。整體嚟講，無綫電視翡翠台仍然憑住慣性收視佔明顯優勢，下面係一啲主要賽事嘅電視直播收視：

日子 時間 賽事 翡翠台收視 ViuTV收視 ViuTVsix收視 香港開電視收視
7月26號 20:15 男子個人花劍金牌賽
（張家朗攞金牌）[8]		 20.2點 8.9點 唔適用 2.9點
7月30號 09:58 女子100米自由泳決賽
（何詩蓓攞銀牌）[8]		 10.1點 唔適用 0.8點 3.8點
8月1號 20:30 羽毛球女子單打金牌賽
（中國對中華台北）[9]		 13.5點 5.3點
（遲半個鐘開始播）		 唔適用 5.2點

無綫藝人陳約臨、吳業坤接連失禮

編輯

去到7月26號，張家朗喺男子花劍個人賽為香港代表團帶來今屆奧運第一面獎牌，得到廣大市民歡迎，有啲當時喺商場觀看嘅市民，受訪嘅時候形容呢兩年心情好抑壓，睇到港隊攞獎牌有啲釋放[10]。張家朗之後接受無綫藝人陳約臨嘅訪問，但陳約臨不時打斷張家朗同埋過於熱情嘅表現，被一啲網民批評[11][12]，話佢表現失禮、唔專業同唔尊重運動員，最後陳約臨要發表道歉聲明[13]。

幾日後，無綫藝人吳業坤同周奕瑋撞見香港划艇代表洪詠甄，周奕瑋截停佢，話吳業坤有嘢問佢，但吳業坤笑住話「冇呀，你走啦」，周奕瑋就自己問洪詠甄鍾意聽方力申定吳業坤嘅歌，洪詠甄就回應話自己無聽開中文歌。吳業坤同周奕瑋被批評表現失禮、唔專業同唔尊重運動員，最後佢哋兩個喺社交平台度道歉[14]。洪詠甄事後回應就話，其實只係小事[15]。

相反，方力申訪問何詩蓓就被網民力讚專業。

日本Niconico網民開幕儀式直播彈幕聲援香港民主運動

編輯

今年奧運開幕儀式，日本影片分享網站Niconico都有直播。其中喺香港隊出場嘅時候，有好多日本網民寫「香港加油」、「香港人堅強」、「抵抗極權殺戮」、「唔好輸畀中國」、「繼續捍衛民主啊！」，另外喺台灣同中國隊出場嘅時候，亦表示支持台灣獨立運動同埋用「武漢肺炎」、「元凶」、「責任」、「戰犯」等字眼形容中國[16][17]。

伍家朗波衫事件

編輯

2021年7月24號，民建聯成員穆家駿喺自己嘅Facebook專頁上，攻擊羽毛球港隊成員伍家朗，話佢著冇印區旗嘅黑衫出賽，質疑佢係咪唔想代表中國香港出戰[18]，之後伍家朗回應事件，話自己無獲授權咁印區旗落去，又話自己一直以代表香港自豪，希望大家留意運動員表現，而唔係件衫度[19]，佢又批評穆家駿「鬧還鬧，唔該搞清楚件事先鬧啦」[20]。

穆家駿嘅言論除咗引起伍家朗嘅回應外，亦引起咗唔少批評，超過4萬名（親泛民主派、香港本土派、修憲派嘅）網民向穆家駿「派嬲」[21]，有人指伍家朗球衣背面大大隻字寫住Hong Kong China，嘲諷穆係咪唔識英文[22]，有人揶揄穆家駿叫佢去譴責特首唔授權畀伍家朗用區徽[23]，亦有黃絲帶網民將事件同南宋時岳飛北征金國但被秦檜誣陷類比，指穆家駿所為有如秦檜[24]。

非建制派方面，元朗區議員張秀賢喺社交網站要求佢道歉[25]，前沙田區議員黃文萱喺社交媒體批評穆家駿搞事批鬥[26]。

有部分同屬親中建制派嘅人士亦批評穆家駿，同屬民建聯嘅何俊賢，亦呼籲唔好先認定係運動員問題[22]。馬逢國形容批評者嘅做法唔理想，工聯會黃國健亦話需向相關運動員道歉[21]。反而湯家驊就未有批評穆家駿，話見過鬼怕黑，所以先對伍家朗著黑衫敏感[22]。穆家駿所屬嘅教聯會，會長黃均瑜亦表明呢啲只係穆家駿嘅個人言論，唔代表教聯會[27]。

不過，好多人對建制派嘅反應唔領情。香港花式足球運動員施寶盛形容事件係親中派嘅批鬥，話香港運動員喺出面比賽，已經要承受比賽精神緊張，更要面對呢啲無聊事，係增加佢哋嘅壓力。之後再聽到同一班人叫加油，亦係噁心之極[28]。張秀賢亦批評，批評嘅穆家駿係民建聯成員，而負責體育事務嘅民政事務局局長（徐英偉）亦係民建聯成員，形容佢哋賤格，又話運動員為港爭光，民建聯嘅唔應該政治上腦[29]。

對於穆家駿攻擊完伍家朗並無道歉，甚至有網民表示要取消穆家駿嘅教師資格[30][31]。之後，曾任全職單車運動員嘅胡樂雋表示，穆家駿嘅言論對運動員係極大打擊，質疑佢以偏概全，有違教師操守，已去信教育局投訴，要佢公開道歉[32]。

不過，亦有少數激進建制派嘅人支持穆家駿對伍家朗嘅攻擊，例如李梓敬等。其中李梓敬就喺自己Youtube頻道，話需要慎防黑暴運動員[33]。而當晚香港羽毛球總會發出新聞稿後，穆家駿仍然無道歉，仲寫話「真相大白」。去到第二日，穆家駿嘅Facebook Page甚至消失埋[34]。

最終，伍家朗喺賽事落敗，時事評論員黃世澤就認為，李梓敬同穆家駿令到當時嘅伍家朗，以致港隊其他成員嘅心理質素受到影響，係港隊落敗嘅元兇[35]。

不過，因為被香港政府逼害而流亡海外嘅前立法會議員羅冠聰，喺討論呢次事件嘅時候，提到如果嗰個運動員有份支持打壓香港人嘅話，佢就唔會支持。呢番言論亦被一啲親中媒體攻擊[36]。

香港人對中國隊同國歌表現嘅態度

編輯

喺一啲賽事入面，部分香港人選擇咗支持中國隊嘅對手。例如奧運女子排球分組賽首戰，中國對土耳其入面，土耳其分組賽旗開得勝，當時喺觀塘APM商場觀看賽事嘅現場觀眾，都紛紛拍掌[37][38][39]。另外，喺張家朗奪得金牌，頒獎典禮現場播放中國國歌嘅時候，亦有喺商場觀看嘅市民報以噓聲[40]。另外，喺高登同連登討論區，亦有部份網民支持中國喺各項賽事嘅競爭對手，對於中國喺一啲賽事入面落敗亦會叫好[41]。呢啲做法，甚至去到一啲日本傳媒都有報道[42]，但就引起一啲親中建制派人士不滿，例如大律師龔靜儀就話呢啲市民係爭取香港獨立運動同分離主義，建議香港警察國安處介入[43]。

7月30號朝早，何詩蓓喺100米自由泳奪銀牌當日，有觀眾喺apm商場揮舞國旗同區旗，俾另一名男子阻撓，而在場亦有人高叫「we are Hong Kong」，氣氛相當緊張[44]。

睇埋

編輯

參考

編輯
  1. ↑ 〈【不斷更新】東京奧運第二日 女子背泳100米歐鎧淳無緣半決賽 | 立場報道 | 立場新聞〉。《立場新聞 Stand News》。原著喺2021-07-25歸檔。喺2021-07-25搵到。
  2. ↑ 陳錦洪 (2021-07-21)。〈東京奧運直播｜5間電視台+手機APP睇賽事比較 附開幕禮時間表｜科技玩物〉。《香港01》 (香港中文)。喺2021-07-25搵到。
  3. ↑ 〈東京奧運｜奧運5台直播 康文署體育館都有得睇 (13:00) - 20210722 - 熱點〉。《明報新聞網 - 即時新聞 instant news》 (繁體中文)。喺2021-07-25搵到。
  4. ↑ 4.0 4.1 〈奧運開幕 TVB 商場造勢 300 市民圍觀 王浩信粉絲：Mirror「冇吸引力」 | 立場報道 | 立場新聞〉。《立場新聞 Stand News》。原著喺2021-07-25歸檔。喺2021-07-25搵到。
  5. ↑ 鄧栢良彭愷欣 (2021-07-23)。〈MIRROR、ERROR今現身屯門 逾千粉絲逼爆商場 保安籲保持距離〉。《香港01》 (香港中文)。喺2021-07-25搵到。
  6. ↑ 〈MIRROR ERROR攻陷屯市 逾5000粉絲尖叫震天 Anson Lo心情靚爆風頭蓋姜濤 - 20210724 - SHOWBIZ〉。《明報OL網》 (繁體中文)。喺2021-07-25搵到。
  7. ↑ 〈【睇片】「鏡粉」迫爆屯門市廣場 母女學生守候偶像出場 | 立場報道 | 立場新聞〉。《立場新聞 Stand News》。原著喺2021-07-25歸檔。喺2021-07-25搵到。
  8. ↑ 8.0 8.1 三台收視報告｜《刑偵日記》跌至10.2點　連TVB鎮台之寶都要跌
  9. ↑ 奧運熱帶挈3台收視升 無綫直播張家朗奪金吸140萬觀眾
  10. ↑ 〈聚首商場見證張家朗創歷史 高呼「we are Hong Kong」 市民：這一兩年心情壓抑 今天釋放 | 立場報道 | 立場新聞〉。《立場新聞 Stand News》。原著喺2021-07-26歸檔。喺2021-07-26搵到。
  11. ↑ 鄺鈺瑩 (2021-07-26)。〈陳約臨迷妹上身訪問張家朗被鬧爆：香港市民叫我畀個飛吻你〉。《香港01》 (香港中文)。喺2021-07-26搵到。
  12. ↑ 〈陳約臨訪問張家朗奪金：送飛吻畀你 被網民鬧爆 (01:23) - 20210727 - SHOWBIZ〉。《明報OL網》 (繁體中文)。喺2021-07-26搵到。
  13. ↑ 〈【東京奧運】訪問張家朗時示愛送飛吻　被轟欠專業　TVB 陳約臨道歉〉。原著喺2021年10月2號歸檔。喺2021年8月3號搵到。
  14. ↑ 〈【東京奧運】截停洪詠甄輕挑訪問　TVB 再捱轟　吳業坤發文道歉〉。原著喺2021年8月3號歸檔。喺2021年8月3號搵到。
  15. ↑ 洪曉璇 (2021-08-03)。〈東京奧運｜吳業坤輕佻訪問捱轟 洪詠甄：唔好過度反應喺呢件小事〉。《香港01》 (香港中文)。喺2021-08-03搵到。
  16. ↑ NOWnews今日新聞 (2021-07-24)。〈東奧開幕直播「辱華」！中國進場遭日網友嗆：病毒發源地 | 全球〉。《NOWnews今日新聞》 (中文)。喺2021-07-25搵到。
  17. ↑ 〈日本人用奧運開幕儀式激死五毛？ 彈幕叫香港加油、台灣獨立國〉。winandmac.com (美國英文)。2021-07-24。喺2021-07-25搵到。
  18. ↑ 〈強烈譴責羽毛球港隊成員伍家朗穿著沒有區旗標識的黑色衫代表中國香港出戰！！！！其他隊員參與混雙比賽都是穿著印有區旗的整齊隊服！如果不想代表中國香港，請選擇退賽！〉。《穆家駿 Nicholas Muk - Facebook》。2021-07-25。原著喺2021-07-25歸檔。喺2021-07-25搵到。
  19. ↑ 〈伍家朗冀大家專注留意運動員表現而非衣服 - RTHK〉。news.rthk.hk (臺灣中文)。喺2021-07-25搵到。
  20. ↑ 〈【東京奧運】黑衣作賽遭建制派狙擊 伍家朗：無球衣贊助 未獲授權印區旗 | 立場報道 | 立場新聞〉。《立場新聞 Stand News》。原著喺2021-07-25歸檔。喺2021-07-25搵到。
  21. ↑ 21.0 21.1 〈【球衣風波】馬逢國撐伍家朗 逾4萬名網民向穆家駿「派嬲」黃國健促道歉〉。hk.news.yahoo.com (中文)。喺2021-07-26搵到。
  22. ↑ 22.0 22.1 22.2 文維廣 (2021-07-25)。〈民建聯批伍家朗黑衫上陣 政府中人指符要求 伍：無獲授權印區旗〉。《香港01》 (香港中文)。喺2021-07-25搵到。
  23. ↑ 〈東奧7.25 | 穿無區旗黑衣參賽被建制派攻擊 伍家朗回應指未獲授權印區旗〉。《大紀元時報 香港｜獨立敢言的良心媒體》 (香港中文)。喺2021-07-25搵到。
  24. ↑ 文革騎劫東奧 穆家駿上演港版秦檜 羽毛球總會霍啟剛難辭其咎
  25. ↑ 〈Tommy Cheung 張秀賢 - 道歉啦〉。www.facebook.com (英文)。喺2021-07-25搵到。{{cite web}}: CS1 maint: url-status (link)
  26. ↑ 〈係香港，做運動員而打入奧運有幾難？〉。www.facebook.com (英文)。喺2021-07-25搵到。{{cite web}}: CS1 maint: url-status (link)
  27. ↑ 林劍 (2021-07-26)。〈伍家朗球衣風波︱穆家駿帖文捱轟 黃均瑜：個人言論不代表教聯會〉。《香港01》 (香港中文)。喺2021-07-26搵到。
  28. ↑ 〈施寶盛 Facebook〉。www.facebook.com (英文)。喺2021-07-25搵到。{{cite web}}: CS1 maint: url-status (link)
  29. ↑ 〈本來我諗住宣誓前都唔想講太多野，但呢次真係忍唔到〉。Facebook (英文)。喺2021-07-26搵到。{{cite web}}: CS1 maint: url-status (link)
  30. ↑ 〈穆家駿要求伍家朗退賽言論 楊潤雄︰如有投訴會處理 - RTHK〉。news.rthk.hk (臺灣中文)。喺2021-07-26搵到。
  31. ↑ 〈伍家朗球衣風波 網民促取消穆家駿教師資格 楊潤雄︰倘接投訴按程序跟進 (17:39) - 20210726 - 港聞〉。《明報新聞網 - 即時新聞 instant news》 (繁體中文)。喺2021-07-26搵到。
  32. ↑ 黃詠榆 (2021-07-26)。〈伍家朗球衣風波 退役港隊單車代表去信教育局 投訴穆家駿違操守〉。《香港01》 (香港中文)。喺2021-07-27搵到。
  33. ↑ 《21-7-27 鄧炳強警告，需慎防黃藝人黑暴運動員？穆家駿反羽毛球黑衫，刪 fb 背後真相？KOL100成立嘅秘密？【有片】｜李梓敬 Dominic Lee》 (英文)，喺2021-07-28搵到
  34. ↑ 〈香港羽毛球總會就伍家朗事件發新聞稿 穆家駿無道歉只說：真相大白〉。winandmac.com (美國英文)。2021-07-25。喺2021-07-26搵到。
  35. ↑ 《穆家駿 李梓敬 累 伍家朗輸波 黃世澤幾分鐘評論 20210728》 (英文)，喺2021-08-02搵到
  36. ↑ 〈政情：仇藍上腦 通緝犯羅冠聰 針對港隊運動員 政治起底〉。《東方日報》 (香港中文)。2021-07-26。喺2021-10-07搵到。
  37. ↑ 〈【不斷更新】東京奧運第二日 女子背泳100米歐鎧淳無緣半決賽 | 立場報道 | 立場新聞〉。《立場新聞 Stand News》。原著喺2021-07-25歸檔。喺2021-07-25搵到。
  38. ↑ 〈有片：東京奧運女子排球中國輸波 apm有圍觀市民拍手歡呼〉。winandmac.com (美國英文)。2021-07-26。喺2021-07-26搵到。
  39. ↑ 《7.26 【大敗中國!】大快人心! 土耳其疑奧運女排大敗中國隊3-0，Apm市民熱烈歡呼叫好:只要中國輸波就好!》 (英文)，喺2021-07-27搵到
  40. ↑ 〈聚首商場見證張家朗創歷史 高呼「we are Hong Kong」 市民：這一兩年心情壓抑 今天釋放 | 立場報道 | 立場新聞〉。《立場新聞 Stand News》。原著喺2021-07-26歸檔。喺2021-07-26搵到。
  41. ↑ 〈中國女排0:3不敵美國〉。《LIHKG 討論區》。喺2021-07-27搵到。{{cite web}}: CS1 maint: url-status (link)
  42. ↑ 〈王者墜落の衝撃、香港で広がる歓声〉。《夕刊富士》。2021-07-28。{{cite news}}: CS1 maint: url-status (link)
  43. ↑ 〈商場直播張家朗得獎有市民噓國歌 法律界：或觸犯國歌法及國安法〉。《on.cc東網》 (香港中文)。2021-07-27。喺2021-07-27搵到。
  44. ↑ 〈東京奧運│何詩蓓再奪銀牌　觀塘apm商場有人揮國旗　一度發生推撞〉。《香港01》 (香港中文)。2021-07-30。喺2021-08-01搵到。
由「https://zh-yue.wikipedia.org/w/index.php?title=2020年夏季奧林匹克運動會同香港有關嘅事&oldid=1760031」收