維基百科

2022年女足亞洲盃決賽

2022年亞洲冠軍盃決賽係2022年女足亞洲盃入面決定邊隊攞冠軍嘅比賽，2022年2月6號晏晝喺主辦地——印度馬哈拉施特拉邦新孟買嘅DY帕蒂爾體育場踢。邊個隊喺比賽入得最多波嘅，會攞到2022年女足亞洲盃冠軍。呢場比賽係亞洲足協第20次辦嘅最頂級女足盃賽事兼爭最高榮譽嘅比賽。

賽前 編輯

睇埋：武漢肺炎大爆發同武漢肺炎印度疫情

印度喺2019年5月31號入圍申辦[1]，初期未爆發武漢肺炎。自從印度喺2020年1月30號爆發第一單武漢肺炎感染個案後[2][3]到2020年2月19號被推薦做舉辦場地為止，疫情先至零星個案。同年6月5號攞走咗2022年女足亞洲盃主辦權後[4][5]先至疫情開始大爆發，嗰時好多體育賽事都停晒直到同年6月先至逐漸恢復。踏入2021年，因爲好多國家對出入境做咗限制措施[註 1]，同年亞洲盃外圍賽統一分成六個東道主賽事地區嚟舉辦[註 2]，因部份參賽隊唔滿意舉辦地提出嘅入境防疫政策或防止隊員打完賽事返到本地後證實感染武漢肺炎同參賽隊所在國發生政變，出現四支國家隊棄權嘅事[註 3]。亞洲盃喺2022年1月20號開幕後，因防疫政策而冚唪唥波賽都唔畀觀眾入場睇波；泰國同印尼隊先爆出咗興奮劑醜聞而改旗嚟參賽[10][11]，再喺決賽圈小組賽入面，受到東道主印度隊爆發集體感染武漢肺炎而退賽嘅影響[12]，中國女足比南韓女足踢少一場波。殺入淘汰賽後，中國方面，八強先3-1搞沉越南、四強再同日本踢咗120分鐘都未出勝果（2-2），喺互射十二碼階段4-3反勝。南韓方面，八強先1-0搞沉澳洲、四強再2-0搞沉埋菲律賓。

喺呢場決賽之前，中國女足曾經攞過8次女足亞洲盃冠軍[註 4]，而南韓第一次殺入決賽。

過程 編輯

呢場決賽係由中國對南韓。上半場南韓喺第27分鐘嘅頭槌同第48分鐘（補時）搏到嘅十二碼入咗波而領先中國兩粒；下半場踢咗差唔多過半就風雲突變，先喺第68分鐘搏到嘅十二碼入咗波，再喺第72分鐘嘅頭槌入波而追返兩粒。喺下半場補時階段，先喺第91分鐘出現中國近距離擋出兩次南韓必入嘅波，再喺差唔多第93分鐘輪到中國快速反擊時，直接喺十二碼位隔籬入波而3-2反超南韓；嗰時離補時結束重有唔夠2分鐘。隨後中國隊用埋最後一換人名額，南韓隊掟波入場無耐俾中國隊嘅隊員身體掂到，跟住球證吹鷄完場，中國隊3-2反勝南韓而攞到2022年女足亞洲盃冠軍。

成場比賽有3次視像助理球證介入：

次 時段 介入理由 結果 介入方同裁決結果
半場 時間 挑戰方 裁決
１ 上 45+3 禁區內有手球嫌疑 踢十二碼 南韓 挑戰成功
２ 下 72 進攻時個波有出底線嫌疑 入波有效，因爲個波未完全出晒底線。 南韓 挑戰失敗
３ 下 90+3 發動反擊進攻時懷疑有越位 喺禁區線前嗰兩越位隊員之間有對方隊員喺度，造成己方搏越位陣失敗。 南韓 挑戰失敗

賽後 編輯

球證吹咗完場鷄後，中國隊方面，好多女足隊員都衝入場內慶祝攞咗第9次亞洲盃冠軍，連教練水慶霞都俾足球隊員猛咁托起撐場，亦有隊員喺賽後第一時間接收亞洲盃冠軍嘅獎盃同獎牌嘅事。南韓隊方面，好多隊員都失晒望嘅表情同教練哥連培爾都成日諗場波究竟係點輸法。

聲音 編輯

比賽媒體 編輯

喺女足亞洲盃開賽之前，好多媒體成日對中國女足白鴿眼，即使係印度突然退賽同成功逆轉越南而殺入世界盃兼翻盤絕殺日本後，都有媒體唔睇好中國隊攞到亞洲盃冠軍，不過比賽結束後令好多亞洲媒體O晒嘴。喺CBS電視網，有講波佬以「What an incredible comeback」嚟形容中國女足嘅絕地反擊[13]。喺中國大陸，咪咕視頻出現重演黃健翔喺2006年FIFA世界盃意大利對澳洲嘅16強賽事激動講解贏波、激動到拍檯同講到「乜係勁抽」；而CCTV-5喺球證吹完場鷄後話中國女足「好嘢」嘅事。而南韓媒體嘅講波佬喺中國女足第93分鐘入波之後歎氣到收晒皮。喺臺灣，緯來體育喺賽後重話到南韓隊喺輸波後點樣接受現實。賽後有網友猛咁撐中國女足成功攞走亞洲盃冠軍而成爲勵志故仔。

中國 編輯

開賽之前，受武漢肺炎大爆發影響，有好多中國大陸居民都唔畀出國到印度睇波或非必要唔跨省睇奧運賽事，加上咁啱係北京冬奧會舉辦期間而引起全國人民關注。因爲中國嘅體壇有唔同隊各自參加唔同性別嘅賽事，其中男足參加FIFA世界盃嘅亞洲區十二強賽；而女足參加家下嘅亞洲盃；冬奧代表團分別參加2022年冬奧會嘅唔同賽事，加上係農曆新年期間因大多數工作辦公場所都放假休息，而吸引咗大量觀眾收睇比賽。喺足壇出現「女足提早殺入世界盃，男足提早無緣世界盃」嘅事。尤其係男足喺2月1號作客輸咗畀越南而俾好多媒體鬧兼俾亞洲足壇笑餐飽。加上女足賽事冇乜電視媒體直播關注，有部份波迷要通過畀錢到PPTV或咪咕視頻或愛奇藝買VIP，或直接搵境外媒體而曲線轉播收睇女足比賽。嚟到決賽前一日（2022年2月5號），有好多中國波迷聯手上書要求CCTV-5直播女足亞洲盃決賽，結果央視聽咗波迷意見，喺決賽當日拎走咗原先嘅奧運會直播比賽而改成直播女足比賽[14]；授咗權嘅網上直播平台（PPTV、咪咕、愛奇藝）亦宣佈免費直播呢場波；亦有部份省級嘅體育頻道（例如廣東體育）喺下半場完場前10分鐘內直播咗呢場賽事；甚至有部份波迷自己開直播間嚟講解呢場波[15][16]。比賽嗰晚各大酒吧、食肆、酒店、KTV、商場幾乎爆滿。

賽後有一大堆中國嘅波迷同體育迷、奧運發燒友，甚至連平時冇乜關注體育嘅公民都見證咗中國女足絕地反勝贏波，第9次成功攞走女足亞洲盃冠軍嘅事。賽後有部份波迷激動慶祝中國足球攞咗亞洲盃冠軍[17][18][19][20][21][22][23]，亦有一堆觀眾發佈彈幕嚟刷爆直播間。有部份網友呼籲政壇重獎女足[24][25]；重有網友話「男足係『做嘢打爛嘢』嘅紈絝子弟，女足係蓄勢待發嘅『蟻多摟死象』」[26]；亦有部份網友利用中國嘅EDG喺冰島首都區雷克雅維克舉辦嘅英雄聯盟2021賽季全球總決賽[註 5]3-2反勝南韓嘅DWG（韓文：DWG KIA）單嘢[27]嚟形容呢場波；同埋部份北佬網友用到「阿西巴」[註 6]、「俺對呦」[註 6]呢三個字嚟形容南韓佬嘅表情；喺江蘇蘇州，亦有部份波迷喺中國男足嘅隔離酒店出面放煙花嚟慶祝女足第9次攞走亞洲盃冠軍[28]。而央視屬下嘅自媒體（央視新聞）同《新聞聯播》節目亦喺女足攞冠軍後嘅第二日，唔單止直播咗女足返中國上海同第一時間播報咗女足攞咗亞洲盃冠軍呢單嘢[29]。

賽後結束嘅第二日晏晝，女足從馬哈拉施特拉邦孟買搭東航包機返中國上海[30][31]後轉搭大巴返江蘇蘇州時，受到波迷同體育迷、奧運迷嘅熱烈歡迎同貴賓級待遇[32][33][34]。連蒙牛都重獎中國女足千萬文人民幣[35][26]。

韓國 編輯

開賽之前，受武漢肺炎大爆發影響，有好多南韓居民都去唔到印度睇波，加上國內曾經喺2014年爆過部署薩德導彈案而引發中韓關係拗數，咁啱係2022年冬奧會舉辦期間而引起部份體育迷同波迷收睇呢場波。南韓當地啲公民因爲之前成日俾傳媒洗腦，冇乜文化自信，所以對中國大陸嘅發展做白鴿眼。當地傳媒因睇唔起男足喺2月1號作客輸咗畀越南，而笑女足會點踢得重差，連電視媒體tvN都噉講。雖然喺半場完後嘅中場休息期間，好多波迷都開始喺室內或街頭慶祝南韓隊入咗兩波領先中國，而諗住下半場結束後穩陣嚟攞冠軍，但係下半場打咗一半之後俾中國追返兩波後完全收晒皮。尤其係中國女足第93分鐘嘅入波，令部份波迷非常之失望[36][37][38][39]。第二日朝頭早出版嘅報刊同傳媒都表達出失望嘅情緒[40][41][42][43]。甚至有南韓波迷鬧到隊員成場波簡直係虎頭蛇尾。

詳情 編輯

2022年2月6號 (2022-02-06)
16:30
中國   3－2
   韓國
唐佳麗   68' （十二碼）
張琳艷   72'
肖裕儀   90+3' 		FIFA報告
AFC報告 		崔有利   27'
池笑然   45+3' （十二碼）

註同攷 編輯

註
  1. ↑ 出入境限制措施包括咗入境要核酸檢測同要接受14～21日隔離期，或直接唔畀出入境都有。
  2. ↑ 嗰六個外圍賽東道主嘅所在國分別係臺灣、緬甸、月即別同埋孟加拉、印尼，尼泊爾。
  3. ↑ 棄權嗰四國分別係北韓[6]、土庫曼[7]，阿富汗[8]同伊拉克[9]。
  4. ↑ 中國女足曾經喺1985、1989、1991、1993、1995、1997、1999同埋2006年攞過亞洲盃冠軍。
  5. ↑ 早前英雄聯盟2021賽季全球總決賽諗住喺中國辦，但係因武漢肺炎大爆發，中國大陸實行咗嚴格嘅防疫措施（14日入境+7日居家）而轉到冰島舉辦。
  6. ↑ 6.0 6.1 「阿西巴」、「俺對呦」分別對應嘅係韓文「아쉽다」、「안대요」嘅普通話諧音字。喺粵語，「아쉽다」、「안대요」嘅實際翻譯分別係「差」、「唔制」噉解。
攷
  1. ↑ "Chinese Taipei, India and Uzbekistan express interest in hosting 2022 edition". AFC.com. 1 June 2019. 原著喺15 July 2019歸檔. 喺3 June 2019搵到.
  2. ↑ P. S. Gopikrishnan Unnithan, P. S. Gopikrishnan Unnithan (2020-01-30). "Kerala reports first confirmed coronavirus case in India". 《今日印度》 (英文). 原先內容歸檔喺2020-01-30. 喺2020-01-30搵到.
  3. ↑ "Press Information Bureau" (英文). pib.gov.in. 2020-01-30. 原先內容歸檔喺2021-05-10. 喺2020-04-03搵到.
  4. ↑ "India to host AFC Women's Asian Cup 2022 finals". All India Football Federation. 5 June 2020. 喺5 June 2020搵到.
  5. ↑ "India to host 2022 AFC Women's Asian Cup". ESPN. 5 June 2020. 喺13 June 2020搵到.
  6. ↑ "Latest update on the AFC U23 Asian Cup Uzbekistan 2022™ - Qualifiers". Asian Football Confederation. 29 July 2021. 原先內容歸檔喺2021-10-23. 喺2021-09-04搵到.
  7. ↑ "Latest update on the AFC Women's Asian Cup India 2022 Qualifiers". AFC. 原先內容歸檔喺2021-10-30. 喺2021-08-06搵到.
  8. ↑ "2022 AFC Women's Asian Cup qualifying round: Vietnamese team have only two rivals in group B". VietnamPlus (英文). Vietnam News Agency. 16 September 2021. 原先內容歸檔喺2021-12-27. 喺17 September 2021搵到. As the Afghanistan team have officially withdrawn from the qualifying round of the 2022 AFC Women's Asian Cup, only three teams remain in group B including Vietnam.
  9. ↑ "It's now down to Indonesia-Singapore in Group C". ASEAN Football Federation. 8 September 2021. 原先內容歸檔喺2021-11-04. 喺12 September 2021搵到.
  10. ↑ "Thailand loses right to host tournaments". Bangkok Post. Bangkok Post Public Co. Ltd. 喺25 November 2021搵到. The country has also been denied the right to display its national flag at any such events (international football events).
  11. ↑ "Chairman Of PSSI: Regarding The Flag At AFF 2020, We Will Follow Whatever The Decision Is". VOI – Waktunya Merevolusi Pemberitaan (英文). 24 November 2021. 喺25 November 2021搵到.
  12. ↑ "Latest update on the AFC Women's Asian Cup India 2022". Asian Football Confederation. 23 January 2022.
  13. ↑   YouTube上面嘅China vs. Korea Republic: Extended Highlights
  14. ↑ 〈央视：今晚19:00，CCTV5、央视网体育直播女足亚洲杯决赛〉. 《網易》. 2022-02-06. 原先內容歸檔喺2022-02-06. 喺2022-02-15搵到.
  15. ↑   bilibili上面嘅影片
  16. ↑   bilibili上面嘅影片
  17. ↑   bilibili上面嘅影片
  18. ↑   bilibili上面嘅影片
  19. ↑   bilibili上面嘅影片
  20. ↑   bilibili上面嘅影片
  21. ↑   bilibili上面嘅影片
  22. ↑   bilibili上面嘅影片
  23. ↑   bilibili上面嘅影片
  24. ↑ 〈#黄健翔建议按男足标准双倍给女足发奖金#〉. 新浪微博. 原先內容歸檔喺2022-02-07. 喺2022-02-07搵到.
  25. ↑ 〈【#女足或将获得超1000万奖金#】据 @北青体育 报道：#中国女足3比2韩国女足#〉. 新浪微博. 原先內容歸檔喺2022-02-07. 喺2022-02-07搵到.
  26. ↑ 26.0 26.1 "Chinese football fans use women's AFC Asian Cup triumph to mock misfiring men's team, as 'Steel Roses' pocket 10 million yuan prize from Mengniu". 南華早報. 原先內容歸檔喺2022-02-07. 喺2022-02-06搵到.
  27. ↑ 〈EDG夺得S赛冠军的背后，那些关于中国电竞的事实〉. 《中国新闻网》. 欧洲头条. 2021-11-17.
  28. ↑   bilibili上面嘅影片
  29. ↑   bilibili上面嘅太排面！新闻联播用足足108秒报道女足夺冠，这才是国足！
  30. ↑ 〈亚洲冠军中国女足乘包机启程回国〉. 《新华网》. 2022-02-07.
  31. ↑ 〈包机降落，冠军到家！中国女足平安抵达上海〉. 《澎湃新闻date=2022-02-07》.
  32. ↑   bilibili上面嘅影片
  33. ↑   bilibili上面嘅影片
  34. ↑ {{cite news}}: Empty citation (help)
  35. ↑ "The Chinese women's football team reversed to win the championship!Back to the top of Asia, Mengniu's first reward of tens of millions in cash". GamingSYM. 原先內容歸檔喺2022-02-07. 喺2022-02-06搵到.
  36. ↑   YouTube上面嘅대한민국 중국 한국 여자축구 입중계 (여자 아시안컵 결승)
  37. ↑   YouTube上面嘅한국 중국 아시안컵 결승전 여자 축구중계 (라이브 해설)
  38. ↑   YouTube上面嘅너무 아쉬운 역전패ㅠㅠ 여자 대표팀, 아시안컵 준우승!!
  39. ↑   bilibili上面嘅影片（YouTube原視頻已刪）
  40. ↑ 김창금 (2022-02-06). 〈한국 여자축구, 아시안컵 사상 첫 준우승…중국에 역전패〉. 한겨레.
  41. ↑ 김양혁 (2022-02-06). 〈韓 여자축구, 아시안컵 준우승…중국에 2-3 역전패〉. Chosun biz.
  42. ↑ 〈한국 여자축구, 아시안컵 준우승…결승전서 중국에 2-3 역전패〉. 매일경제. 2022-02-06. 原著喺2022-05-03歸檔. 喺2022-05-03搵到.
  43. ↑ 송대성 (2022-02-06). 〈'2-0→2-3' 한국 여자축구, 중국에 통한의 역전패…아시안컵 준우승〉. 아시뉴스24.

連出去 編輯

由「https://zh-yue.wikipedia.org/w/index.php?title=2022年女足亞洲盃決賽&oldid=1968613」收