矮精靈

矮精靈（粵拼：ngai2 zing1 ling4 / 英文：Leprechaun）係一種傳說生物，常見於愛爾蘭嘅民間傳說，有陣時會畀人當係仙子嘅一種^[1]。

喺廿一世紀初，矮精靈係愛爾蘭民間傳說當中最出名嘅角色之一，成日畀人同愛爾蘭聯想埋一齊。

形象

喺廿世紀打前，矮精靈嘅形象通常係「獨行，望落似生得好矮－得大約 3 呎咁高^[2]－嘅人類，鍾意惡作劇」。根據當時啲人嘅諗法，矮精靈唔似得仙子噉會造成真正嘅危險－例如嗰時嘅傳說話，仙子好興拐帶細路，而矮精靈唔會做埋嗮啲噉嘅壞事，頂攏係會整蠱吓人同為人帶嚟不便^[3]。

到咗廿世紀，矮精靈嘅形象有少少變咗：矮精靈依然係「生得細粒鍾意惡作劇」；但外形通常會特定係「鬍鬚濃密、得大約 3 呎咁高嘅男人」，其他常見嘅特徵包括著住綠色衫、戴住綠色帽、曉造鞋同埋會收埋黃金... 等等；喺性格上，矮精靈多數係聰明又古惑－啲故仔成日講到，有人類想捉住矮精靈搵出佢哋收埋嘅黃金，但矮精靈詭計多端，好多時人類望向第度再望返轉頭，矮精靈就已經唔見咗^[4]。

睇埋

攷

↑ Briggs, Katharine. An Encyclopedia of Fairies: Hobgoblins, Brownies, Bogies, and Other Supernatural Creatures. New York: Pantheon, 1978.
↑ McAnally, David Russell (1888). Irish Wonders: The Ghosts, Giants, Pookas, Demons, Leprechawns, Banshees, Fairies, Witches, Widows, Old Maids, and Other Marvels of the Emerald Isle. Boston: Houghton, Mifflin.
↑ Winberry, John J. (1976). "The Elusive Elf: Some Thoughts on the Nature and Origin of the Irish Leprechaun". Folklore. 87 (1): 63-75.
↑ Diane Negra, ed. (22 February 2006). The Irish in Us: Irishness, Performativity, and Popular Culture. Duke University Press.

拎

Leprechaun. TV Tropes.
維基同享中有關矮精靈嘅資源類

[1] Briggs, Katharine. An Encyclopedia of Fairies: Hobgoblins, Brownies, Bogies, and Other Supernatural Creatures. New York: Pantheon, 1978.

[2] McAnally, David Russell (1888). Irish Wonders: The Ghosts, Giants, Pookas, Demons, Leprechawns, Banshees, Fairies, Witches, Widows, Old Maids, and Other Marvels of the Emerald Isle. Boston: Houghton, Mifflin.

[3] Winberry, John J. (1976). "The Elusive Elf: Some Thoughts on the Nature and Origin of the Irish Leprechaun". Folklore. 87 (1): 63-75.

[4] Diane Negra, ed. (22 February 2006). The Irish in Us: Irishness, Performativity, and Popular Culture. Duke University Press.

[1]

[2]

[3]

[4]