Talk:修辭手法

@Pokman817： 覺得點？印象中呢篇文有好多人睇。Dr. Greywolf (傾偈) 2023年1月25號 (三) 03:12 (UTC)

我覺得放擬人化篇文會比較合理。Pokman817 (傾偈) 2023年1月25號 (三) 03:42 (UTC)

@Throowa： 喺文入邊可以用文言或者中文書面語嘅句子做例，不過最好加返例句嘅粵文版？ Dr. Greywolf (傾偈) 2023年12月15號 (五) 15:08 (UTC)

同意最好加返例句嘅粵文版，但係為免太長（其實冇問題？），呢版每個修辭揀2-3個例子就夠，多嘅例子擺喺自己嗰版；呢版例子以有代表性（出名、修辭用得明顯）嘅粵文（如有）優先，其次係文言文，最後先書面語；例子唔建議原創，但係都唔係唔得，在下又真係唔太講得出原創有乜唔妥。 Throowa (傾偈) 2023年12月17號 (日) 04:10 (UTC)

@Throowa： 👍👍 Dr. Greywolf (傾偈) 2023年12月17號 (日) 05:17 (UTC)

@Throowa： 我覺得樣樣都有啲就最好，有啲嚟自文言，有啲嚟自粵語白話文（例如我呢排睇緊嬉笑集），有啲嚟自中文書面語，有啲原創。 Dr. Greywolf (傾偈) 2023年12月17號 (日) 05:19 (UTC)

都啱，個人純粹覺得啲人嚟得粵語維基百科，最好畀佢哋睇粵語例子，唔係嘅話不如去睇中文維基百科，但係諗下諗下，多元化都好重要，粵語唔應該過分代表中文，更何況中文維基百科都冇咩例子，有都好參差，有時仲不如粵語維基百科（都幾出奇）。 Throowa (傾偈) 2023年12月17號 (日) 05:32 (UTC)

@Throowa： 👍👍 Dr. Greywolf (傾偈) 2023年12月17號 (日) 05:41 (UTC)

修辭

擬人是不是修辭？ Bryanli1211 (傾偈) 2018年9月25號 (二) 04:02 (UTC)

yes 1.36.41.45（討論） 2022年2月28號 (一) 04:14 (UTC)

是 — 之前未簽名嘅留言係由58.153.78.207 (留言)寫低嘅。

中英對應拎

暗喻、隱喻(如果同暗喻有分別)、借喻、借代(轉喻)

Metaphor、Metonymy、Synecdoche

應該點對應？

留意唔好睇粵語維基嘅定義，因為大部分都係在下整理㗎。亦都唔好睇中文維基點拎，因為好可能有錯。搵資料要小心，因為好多有矛盾。（係咪難度好高呢？:(）

Synecdoche似乎係一種Metonymy；

如果借代只係「局部代替整體」嘅話，應該對應Synecdoche（在下學嗰陣就係噉）；

但係如果借代係「同本體有密切關係嘅嘢代替本體」嘅話，應該對應Metonymy（喺中文維基同埋好多網上資源都係噉）；

好肯定Metonymy唔係借喻，Metonymy根本連比喻都唔係；

Metaphor似乎唔一定有比喻之意，暗喻、隱喻、借喻都係一定係比喻，拎邊個都唔太啱；但係鍾意嘅話可以連住其中一個，問題係連邊個。

隱喻如果同暗喻有分別，係「暗喻同埋借喻嘅統稱」嘅話，可以連去Metaphor，大前題係要確認，最好搵專家！

唔係嘅話Metaphor連住暗喻先都無妨。

至於借喻連咩，在下唔清楚。（可以睇下英文有有冇伶仃指呢種修辭）

題外話：借代另一個稱呼係轉喻，似乎有比喻之意，不過唔太肯定……

以上好可能有錯，就係驚錯先問下大家。 Throowa (傾偈) 2023年12月19號 (二) 07:23 (UTC)

@Dr. Greywolf

壞消息：借代可能唔同轉喻，而且多咗一個叫提喻嘅嘅嘢。

• 借代可能唔同轉喻：中文維基話有分別，但係睇唔出分別喺邊，淨係話借代係轉喻嘅一種，上網查嘅話，有啲話有分別（在下冇點聽過），有啲話冇；而家「粵語維基嘅借代」係「中文維基嘅轉喻」。
• 提喻：中文維基當提喻係借代（粵語維基冇嗰版），上網查嘅話，有啲疏士話有噉嘅嘅嘢（在下聽都冇聽過）。
• 個人見解：
  1. 轉喻、提喻冇「比喻」之意，「喻」喺粵語修辭都係講比喻，開新版話佢哋係修辭可能會誤導大家
  2. 借代、轉喻、提喻分咁細唔好，都冇人分得出，分咁細有咩意思呢…
  3. 轉喻、提喻好少人聽過（純個人經驗，有聽過嘅請舉手✋），大家都當咗係借代
• 方案（借代、轉喻、提喻、Metonymy、Synecdoche嘅分法）：
  1. 借代連metonymy、轉喻唔開版、提喻唔開版、synecdoche唔連
  2. 轉喻開新版連metonymy、借代連synecdoche、提喻唔開版
  3. 借代連metonymy、轉喻redirect去借代、提喻開新版連synecdoche
• 在下覺得方案1最合理，但係就連唔到synecdoche（synecdoche分得太細喇）。
• 點睇？有其他諗法都講下咧！

在下首要嘅係唔想誤導人，其次係大家睇得明，唔會亂。冇諗過會咁亂、每個疏士講嘅嘢都唔同，好難做啊啊啊啊啊…… :( Throowa (傾偈) 2023年12月20號 (三) 07:16 (UTC)

我有玩開文學，不過自問係玩西方文學嘅。我快速查咗吓，感覺係唔同疏士根本彼此之間矛盾。有啲將隱喻當成借喻嘅同義詞。有啲將暗喻當隱喻一種。喺呢種情況下，我諗不如索性

• 喺粵維開一版，個標題叫 metaphor（粵拼：met1 taa4 fo4）用嚟對應英維 metaphor；
• 呢樣都唔係咁出奇嘅，因為始終語言文化方面嘅概念，好多時真係一隻語言入邊有嘅一個概念，喺另一隻語言入邊搵唔到一隻字詞去對應；
• 粵維暗喻直接 redirect 去比喻嗰版；

Dr. Greywolf (傾偈) 2023年12月19號 (二) 09:03 (UTC)

• 喺粵維開一版，個標題叫 metaphor 用嚟對應英維 metaphor；
  • 好似又未至於要開新一版，至少Metaphor#As_a_type_of_comparison係隱喻、暗喻、借喻其中一個，唔算係錯（好多誇語言嘅拎都係咁，因為翻譯嘅侷限）；metaphor不嬲都係譯暗喻或者隱喻，開新一版有啲太創新
• 粵維暗喻直接 redirect 去比喻嗰版；
  • 唔好啦，喺粵語比喻分成暗喻係普遍嘅分法，無謂因為其他語言而放棄，如果係驚內容唔夠嘅話，內容加豐富啲就得。係轉都轉隱喻呢個唔知發生咩事、意思冇共識嘅詞（轉做 搞清楚？）。

總結：建議metaphor拎去隱喻，唔係就暗喻；借代仍然無解；隱喻仍然意思不明（暗喻、借喻、定係兩個都係？？？）；metaphor包含暗喻、隱喻、借喻嘅意思。 Throowa (傾偈) 2023年12月19號 (二) 11:44 (UTC)

好，噉我郁手搬同執啲拎？ Dr. Greywolf (傾偈) 2023年12月20號 (三) 01:17 (UTC)

好啊👍 Throowa (傾偈) 2023年12月20號 (三) 05:53 (UTC)

@Throowa： 噉搞法，我都唔知點執啲跨語言拎好... 我見你仲執緊啲修辭手法嘅文。你執完滿意 ping 我，我哋到時再決定點做？ Dr. Greywolf (傾偈) 2023年12月21號 (四) 14:45 (UTC)