Talk:唐人新年

名

最新留言：1 年前12則留言5個人參與討論

我印象中廣東話不嬲嗌呢個節日做「農曆新年」或者「過年」嘅。「春節」係華北人先會用嘅。Dr. Greywolf (傾偈) 2023年2月1號 (三) 12:02 (UTC)回覆

@Deryck Chan、Jeffrey Kim、Shinjiman、Pokman817、Kowlooner、Z423x5c6、特克斯特： @Universehk、Al12si：埋嚟睇睇。Dr. Greywolf (傾偈) 2023年2月1號 (三) 12:11 (UTC)回覆

我無意中入咗來，但係其實冇通知。其他人可能都冇通知。

我一向都係講｢農曆新年｣，慶祝就係｢過年｣或者｢過農曆年｣。我唔知香港幾多人講｢唐人｣，其實我最初喺加拿大聽到啲老一輩講｢唐人｣覺得好奇怪，但係最近知道原來南洋人都係咁叫，應該係傳統叫法。如果選擇係｢唐人新年｣､｢中國新年｣同｢春節｣三者揀一，我會揀保留｢唐人新年｣。 Al12si (傾偈) 2023年2月2號 (四) 06:55 (UTC)回覆

我都保留「唐人新年」。用「農歷新年」對應 LNY。

我恁鏟走個大大隻國語拼音｢春節｣先？擺粵維好九唔搭八。Al12si (傾偈) 2023年2月2號 (四) 08:28 (UTC)回覆

粵維用邊篇文對應 CNY 邊篇文對應 LNY 好？的確係條值得深思嘅問題。Dr. Greywolf (傾偈) 2023年2月1號 (三) 12:57 (UTC)回覆

用「農曆新年」好啲。「過年」都會喺12月31號-1月1號叫。特克斯特 (傾偈) 2023年2月1號 (三) 15:45 (UTC)回覆

兩篇喺粵維上面都有文，兩篇都各自有連到去唔同嘅Wikidata項目﹐對應CNY嗰篇應該係集中講返"Chinese"嘅人點樣過年，而LNY嗰篇就可以講喺"Chinese"以外嘅人點過呢個新年。要留意嘅係粵維已經有農曆新年呢篇文，對應LNY。 Shinjiman ⇔ ♨ 2023年2月1號 (三) 17:41 (UTC)回覆

英維LNY講嘅係任何陰曆（包括猶太曆、回曆等等）嘅新年，如果英維作準唔應該連去LNY，但係其實維基數據寫嘅係LNY指農曆新年，英維同維基數據根本唔對應。 Al12si (傾偈) 2023年2月2號 (四) 07:16 (UTC)回覆

Lunar New Year叫農曆新年應該唔見有爭議？問題應該只係睇Chinese New Year點叫。本來我想提議用粵語常見嘅「過年」，但上面有人話新曆新年都可以叫「過年」（雖然我自己從未聽過）。如果Chinese New Year都想叫「農曆新年」，為免同Lunar New Year撞名，可以叫「農曆新年 (中華)」。--Alfakwan (傾偈) 2023年2月4號 (六) 05:09 (UTC)回覆

我上面提過，其實 Lunar New Year 嘅叫法係有爭議，理由係英文 lunar 嚴格上唔係淨係指農曆，而係指任何陰曆；淨係英維已經寫完農曆新年即刻有成大段話個名有問題。英維同維基數據對 LNY 係乜有唔同睇法，點先叫對應其實唔係咁清楚。

我都未聽過就咁講｢過年｣指新曆年，不過我聽過｢過新曆年｣；如果想用｢過年｣又唔想人誤會，可以考慮｢過舊曆年｣、｢過農曆年｣等等？ Al12si (傾偈) 2023年2月4號 (六) 05:21 (UTC)回覆

香港長期慣常將「Lunar New Year」同「農曆新年」劃上等號（典型例子見香港政府公眾假期表中文版同英文版），不過如果要將「Lunar New Year」正名做「陰曆新年」，我無乜所謂，前提係「農曆新年」應該保留跳轉到「Lunar New Year」。另外如果多數人都同意粵語入面用「過年」兩字去指｢過新曆年｣只係小眾用法，「Chinese New Year」可以考慮直接用「過年」做標題，最多版頭加個提示話如果想搵過新曆年可以睇元旦。--Alfakwan (傾偈) 2023年2月18號 (六) 06:08 (UTC)回覆

香港咁講其實無可厚非，連英國人都咁譯，其實唔話得佢錯，只係離開咗漢字圈就出問題。

我偏向唔好搞佢住，維基數據嘅 Q1944136 根本唔同語言有唔同定義。其實好多維基數據項都係一樣，各有各說，講對應根本唔一定有實質意義。 Al12si (傾偈) 2023年2月18號 (六) 08:38 (UTC)回覆