Talk:廣州市歷年拆毀文物一覽

吸引多啲參與幫手修正方為上策

最新留言：6 年前3則留言2個人參與討論

感謝開版嘅貢獻，但希望開版人少啲偏見同激動，呢個版本比較多局限於祠堂，考慮版本參照互通，係畀其他有心嘅用家同朋友可以了解到多啲嘢，同時希望多啲幫到手嘅朋友可以以經由其他平台路徑一齊幫手補正，如果多啲語言版本相信會更多唔同嘅人士有得認識呢度嘅底蘊，自不然若果係心懷不善嘅、來詆毀呢啲積澱嘅人，應該係所有文明嘅人都會堅決抗衡嘅Longway22 (傾偈) 2018年2月8號 (四) 13:33 (UTC)回覆

好簡單。我唔想見到我喺粵維貢獻嘅嘢，喺中維出現。事緣係中維一啲人嘅行徑令到我對中維極之反感。對於中維，我就無乜偏見，係諸多意見嗟，把幾火眞係。至於係咪顧全大局，又或者有無人關注或者補充，唔係我嘅事幹，我唔理得咁多，閣下都無謂口水多過茶講大道理。仲有，由始至終我都唔係一個愛廣心切嘅人，我開呢版，純粹就係為整多個一覽表咁嗟，從來無話爲咗乜。係嘞，阁下若果熟悉文物，亦都知道，一個鄉嘅祠堂（包括支祠、房廳）會佔成個鄉文物嘅六七成，跟住係廟同有價值嘅民居、牌坊、石刻等等。旧底拆得祠堂多，喺呢幅表重現一啲拆過嘅祠堂亦無問題。之後嘅嘢逐啲逐啲加，可能今個禮拜祠堂、下個禮拜又廟、再之後係舊商鋪，表都未做完，又何以見得侷限於祠堂。广州阿沾 (傾偈) 2018年2月9號 (五) 02:24 (UTC)回覆

多謝回覆同辛勤，沽公係個值得尊敬嘅先師。明白隔離部分持有啲規限、睇法，唔係幾啱唔同人去融洽認識理解啲事物，而亦相信只要留低嘅，畀到即使一個可以真心了解到嘅朋友思考到，都好過不相通達而造成更多隔絕，遺恨後人。ps》未有評級重視前，城坊啲廟宇祠堂等鄉嘅物件流失一樣嚴重，惜儒輩不力，若為沽公所擅，小懇呢個方面多小小補遺，儒輩感激不盡 Longway22 (傾偈) 2018年2月9號 (五) 06:37 (UTC)回覆

內容考證

最新留言：6 年前27則留言3個人參與討論

1980年代

廣州市歷年拆毀文物一覽#1980年代

廣九車站

大沙頭廣九車站個位喺而今東華南路同白雲路交界嗰一橛馬路，啫廣九大馬路對到正個位，唔係用來起咗住宅同廣東交通大廈，網上記錄並唔準確，睇民國到90年代白雲路口嘅相就知。而具體嘅拆除時間，唔知係1980年代定係1990年代，要搵報紙或者問街坊。--Roy17 (傾偈) 2018年3月12號 (一) 16:53 (UTC)回覆

睇廣州日報搞嘅廣州參考畀嘅時間係1985年，係話咗之後97起咗省交通廳。——Longway22 (傾偈) 2018年3月13號 (二) 02:38 (UTC)回覆

錯嘎。都話睇相就知咯。係唔係1985拆我就唔肯定，但係所有寫咗話拆咗之後用來起咗住宅同交通大廈嘅資料，就寫話1985年拆，因為前者絕對係流，所以1985年拆亦很可能係流。如果你查其他人講，有d人話90年代至拆。

一句講晒，所有話地皮用咗來起樓，又或者1985年拆嘅資料，全部都係流料。必須搵其它文獻。

你就算唔去睇相，睇下地圖啦。而今交通大廈個位同火車站隔咗條白雲路嘎。--Roy17 (傾偈) 2018年3月13號 (二) 02:51 (UTC)回覆

補充：我上邊講嘅搵文獻（搵報紙），唔係搵新出嗰d，而係當年，80年代或者90年代當時嘅報紙。火車站停用/拆除，實會賣新聞登報紙嘎嘛。新出嘅文獻，你知中國d人寫嘢幾垃鳩圾嘎啦，上網抄d呢度抄d嗰度，錯咗都冇人知又冇人去考究，最早寫文一個人亂up錯咗就可以搞到幾十年後d資料冚嘭冷錯晒。--Roy17 (傾偈) 2018年3月13號 (二) 02:57 (UTC)回覆

具體拆除時間暫時未搵到資料，但一個粗略嘅範圍係，70年代之後，到90年代起江灣橋為止。--Roy17 (傾偈) 2018年3月13號 (二) 03:06 (UTC)回覆

喺09年呢個城建研究論文度有85年同97年嘅歷史記述，入邊都有好模糊嘅對照圖畫埋咗東站嘅大概範圍，以此認為，無論個路口或隔離嘅省交通廳，應該都係佔咗原站場嘅一部分，應該可以綜合返採信。——Longway22 (傾偈) 2018年3月13號 (二) 05:39 (UTC)回覆

我講過乜嘢？！篇文未又係寫住

「

广州火车站原址上盖起了三栋高层铁路宿舍住宅楼和一栋广东省交通厅办公楼

」

話咗寫親呢一樣嘅就係錯。要講幾多勻？！我有第一手資料佢係錯，得未？第二手資料唔該你自己搵相，一查就有，唔好再引呢d左抄右抄嘅垃圾文。呢篇稍為好少少只不過最底嗰度有作者自己實地影相，但係中間d文都有抄襲嘅。

不過，你搵到呢篇又幾好，我講佢好，只好在發表時間相當早，2009年，話唔埋佢就係上邊講嘅錯誤嘅始作俑者。--Roy17 (傾偈) 2018年3月13號 (二) 13:26 (UTC)回覆

啱啱用Google搜過，冇錯嘞，你引呢篇2009年10月28號發表嘅『依稀的边界记忆——广州大沙头火车站的前世今生』就係而今所有錯誤嘅源頭。呢篇文博客作者話係自己原創，參考[1]。網上搜索篇文d特定字句，亦搵唔到比佢更早嘅文章，所以應該多數內容係佢自己寫嘅。睇返原文，

「

1984年11月，大沙头至天河一段铁路被拆除，改善了市区交通，但也打断了大沙头火车站对外的联系，数月后终被撤销。90年代，广州发展迅猛，大沙头火车站所占地不但位处城市中心，还濒临珠江，具有绝佳区位。从1996年临近建起的西贡海鲜城的兴旺也可以反映出该地段的市场优越性。在这赚钱胜于保护历史的年代，广州火车站原址上盖起了三栋高层铁路宿舍住宅楼和一栋广东省交通厅办公楼，此地仍权属广铁集团。

」

（我做咗斜體處理，原文本身冇整斜體。）

你睇返後來好多左抄右抄嘅，多數都冇咗斜體呢一橛。佢自己冇寫過話火車站1985年拆，而係火車站1984年11月鐵軌拆除幾個月之後撤銷咗（意思係停用，唔再喺鐵路網絡入邊，因為冇鐵軌連接，但唔代表拆咗）。你睇佢寫都暗示1990年代火車站仲有喺度，『90年代……大沙头火车站所占地不但位处城市中心』。

最早抄文之一，2010年6月10號南方都市報記者吳廣宇嘅報導，『百年大沙头车站旧址将建火车纪念公园』。火車站1985年拆嘅錯誤應該就係噉傳出來，話佢『1984年……從此消失』。

篇文最on9兩樣，一樣就係話起咗交通廳，隔咗條馬路都俾佢扯得埋，睇地圖就知荒謬到極。一樣就係話交通廳地權屬廣鐵集團，有少少中國大陸生活常識嘅都知呢個係絕頂on9。交通廳係廣東省政府部門，廣鐵集團係鐵道部政府部門，莫講話舊時，就算係而今，如果塊地係廣鐵集團嘅，就算塊地生草，都唔會俾第二個單位攞來起樓。所有中國政府部門自己d嘢都唔會畀咗人地，除非人地係自己直接嘅上級大石砸死蟹。更何況係廣鐵集團，鐵路單位不嬲都係獨立王國。--Roy17 (傾偈) 2018年3月13號 (二) 14:05 (UTC)回覆

你有資料可以寫返好個路數嘅，可以幫手整返落去先，條路掘頭咗唔通返嘅街坊都好難行。宜家大沙頭個交通廳大樓的而且卻係插著鐵路局地頭中間度，呢個後邊嘅利益關係冇料流出就唯有圍內人先可能知。比對咗下舊地圖同白雲街志抽出嘅影像，原先路口位隔離嘅地皮內都有車站建築物嘅，站場範圍鐵路線仲有上蓋咗車棚，估計初始研究人渠應該係勾勒嘅係成個車站包括月台同鐵路設施嘅整體，路口位就理解原係座著伯捷設計嘅車站建築主體。——Longway22 (傾偈) 2018年3月13號 (二) 14:44 (UTC)回覆

唔該你講『的而且確』，就寫你嘅資料出來。不過無論係乜資料，我可以話你知，絕對係錯。廣九三馬路同白雲路之間，而今有兩座建築物，一座係據說1920年代已經有。（據說當年係郵局。而今係住宅，據說係郵局宿舍。）另一座係廣東交通大廈，起大樓之前係一個小院子，亦可能係屬於交通部門嘅（如果係，噉係唔係省交通廳，抑或係市局定區局定企業/事業單位，我就唔知），民國時候應該係『治河處』。我d資料冇辦法寫，因為冚嘭冷都係第一手資料，我冇辦法引用，所以要等有心人去查檔案/舊報紙，或者《廣州市志》之類嘅志書。網上我見過幾張民國時期白雲路沿路建築嘅舊相（包括兩張航空圖）。其中一張航空圖我搵得到嘅出處係[2]。不過我本人都係唔會引用，因為係公眾號嘅文，你想用個話就唔拘，隨得你。而d相唔知擺唔擺到上來，我唔熟licence嘅問題，我亦唔鍾意擺d經過人地轉手嘅網絡圖片，因為原版相先至會最清晰，所以如果有人有心嘅話可以去聯絡呢d文嘅作者搵原版（菲林或者曬咗出來嘅相，唔係人地經手嘅電子版原版，應該搵到實物原版再自己攞去高清掃描/翻拍，除非實物原版已佚）。

另外，而今交通廳前面嘅一橛白雲路，可能以前叫做廣九二馬路，但無論如何，呢橛馬路係一路都有嘅。所以點鬼樣佢『插著鐵路局地頭中間度』啊？『利益關係冇料流出』，你知唔知而今東華南路東華北路（即係舊時嘅火車路）沿線，冚嘭冷都係鐵路局d地啊？而今仲可以見到鐵路局就喺達道路口省人大對面，中山一路南邊達道路東邊有個共和村，就係鐵路宿舍，拆咗重建嘅鐵路工人文化宮（鐵宮）就喺而今署前路口東山口站E出口，仲有不計其數嘅其它沿路住宅/商業樓宇。除咗市政開馬路，同埋軍佬，可以大條道理攞到鐵路局d地，係冇其它人攞得到知唔知？省政府、商家佬都攞唔到。黃沙江邊以前係廣州南站（粵漢鐵路總站），而今笪地咁靚都仲係鐵路嘎。所有舊時嘅鐵路線沿路兩邊嘅地全部都係屬於鐵路嘅，全國應該都係噉款。仲有，廣州鐵路局個頭係廳級，同廣東省交通廳長咁高咁大，而且廣州鐵路局唔係聽廣東省政府支笛，佢對上係鐵道部，所以地方政府係乜都指唔郁嘎。呢d係中國大陸政治常識啦。講又唔信，又唔攞有根據嘅資料出來就喺度拗。--Roy17 (傾偈) 2018年3月13號 (二) 16:42 (UTC)回覆

我過兩個禮拜得閒可以去問親眼見過呢d嘢嘅人。--Roy17 (傾偈) 2018年3月13號 (二) 17:21 (UTC)回覆
有心嘅仲可以去訪問大沙頭二馬路沿路建築，安利大廈、寶生園公司、自來水公司等等，生活過同工作過嘅人，以及喺舊五羊雪糕廠做過嘅人。寶生園公司、自來水公司應該係一直都喺大沙頭二馬路，安利大廈1995年落成，雪糕廠80年代/90年代落成，所以佢地實有機會見過東華南路擴闊之前嘅景象。我自己都試過徒步行過未通車嘅江灣大橋、內環路同東華南路，仲記得d瀝青初初鋪好，好黐腳。--Roy17 (傾偈) 2018年3月13號 (二) 17:48 (UTC)回覆

睇下省鐵路志點講

「

是年（1958）8月，根據中央關於工業企業下放的指示精神，各鐵路管理局、工程局，由鐵道部集中統一領導變為與所在省、自治區雙重領導，......體制改變後，廣州鐵路局受鐵道部和廣東省雙重領導。

」

你可以見到交通系統嘅物業係存在舊廣九線上嘅，你唔應該就咁否定曬，係有一手資料嘅可以委託整成二手資料寫埋，指引一手資料度唔適宜寫嘅係維基人個人經歷寫成的無來源內容。指引都講埋需要判斷第一、第二或第三手來源之間嘅引用問題陣，需要討論攤開講，畀編者有得判斷返。希望否曬啲文獻資料之後可以放埋自己收埋啲料，唔係真係唔合乎維基原則。——Longway22 (傾偈) 2018年3月14號 (三) 01:29 (UTC)回覆

請你quote文就quote齊，唔好又嘥人時間去搵來駁你。我睇到嘅，廣東人民出版社1996年11月第一版第一次印刷廣東省地方史志編纂委員會編《廣東省志·鐵路志》（ISBN 7-218-02309-6），第280頁，相信就係你引用文字嘅出處。就喺同一頁下邊一段，就寫住

「

1961年……2月中共中央在關於改進鐵路管理體制的批示中指出……必須把一切權力集中在鐵道部，除黨的思想政治和組織工作外，不再實行雙重領導。

」

睇埋本書嗰一節，可以得到結論係，1978年5月之後，廣州鐵路局一直都冇試過under廣東省政府。

交通系統嘅物業喺鐵路線沿線有乜出奇？塊地係佢自己嘅未得咯。大沙頭呢邊仲有自來水公司、寶生園公司添，東華南路仲有銀行物業添。我否定嘅係『交通廳地權屬於廣鐵集團』呢種荒謬嘅講法，憑政治常識就可以判斷佢係錯。鐵路嘅地皮唔係因為條鐵路線行過就自動左右兩邊一定距離全部屬於鐵路，而係當年鐵路線兩邊係有好多鐵路嘅單位同宿舍，舊時都係平房，後來拆晒起樓。想感受下鐵路集團d平房同廠房嘅，廣州範圍內有d難，不過韶關打上一路到武漢各個城市d火車站前後有d都仲未拆。以前一個大型火車站，起碼就有一個機務段負責整火車頭、一個車輛段負責整車卡、一個工務段負責鐵路線路工程、一個水電段負責供水供電，火車站除咗客運，仲有貨場。大沙頭至中山一路呢一橛近總站，所以d單位會聚集晒喺度，所以後來先至會有一大堆佢嘅地，而今拆晒平房起晒大樓就睇唔出以前嘅格局係點。

我嘅一手資料就係話俾大家知，所有『依稀的边界记忆』原文同衍生作品關於大沙頭火車站1985年拆除同拆除之後起咗樓呢兩個講法係錯。等有心嘅人去查報紙等等有根有據嘅第二手資料。我個人認為如果我將自己d第一手資料『洗稿』再寫返喺度就冇意思啦。有條件嘅仲可以考慮搵唔搵到美國嘅衛星圖片，就有機會睇到成個鐵路佈局、地理變化甚至乎火車站幾時冇咗。--Roy17 (傾偈) 2018年3月14號 (三) 06:14 (UTC)回覆

大沙頭火車站1991年頭仲存在，根據『刘井隆』的《老哥自传》第58節『珠海小林』同第60節『买火车票』。

第58節『珠海小林』佢話，『我哥两个孩子……到了1991年大的18岁……』，又話『我和妹妹两个人坐……火车……从东北上车还是冬天，到广州已是春暖花开』，第60節『买火车票』佢話，『我哥哥家在珠海斗门小林镇，我在那里呆了几天，回来的时候坐船到广州……坐船到了广州大沙头码头。』跟住來料嘞，

「

我也不知道这里离火车站有多远……这里有很多拉客的摩托车……我和他们说，我要广州到火车站，那个人说“10元钱”。我上了他的摩托车……当摩托车路过一座桥的时候司机问“过不过桥？”我说“我要到火车站”。

那个人一直往前开，不一会就到了一个火车站，我一看这也不是那个广州火车站呀。我说“不对，我要去往北京方向的火车站”……我上当了。

我看着路边的公交车站牌……看见有一辆公交车通往广州火车站，我上了公交车……就到了广州火车站的站前广场……

」

大沙頭碼頭同大沙頭火車站就係5分鐘車程距離。有理由相信，佢俾人呃咗去嘅『火車站』就係大沙頭火車站，之後佢搭嘅巴士就係7路車，我估當年應該仲係白雲路至廣州火車站。

後來大沙頭火車站拆咗之後，7路車先變成大沙頭至廣州火車站。2000年代中廣州站廣場改造，火車站嗰邊嘅總站好長時間係草暖公園，之後再到走馬崗/桂花崗，大約十年前先改去上步，最後延長到石槎路金碧新城。--Roy17 (傾偈) 2018年3月14號 (三) 16:22 (UTC)回覆

1995年出版，『广州市东山区白云街道办事处』編纂的《白云街志: 1840-1995》，第57頁，『广东省交通厅白云路 27 号』，第58頁，『第四节机团单位……名称地址……广东省交通厅白云路 27 号』，即係話，今日白雲路27號廣東交通大廈，起大樓之前，1995年，當時都係廣東省交通廳，所以『火車站拆除後起咗廣東省交通廳辦公大樓』同『交通廳大樓地權屬廣鐵集團』呢兩個講法係唔係荒9謬？

另外，第105頁，『 3 、铁路 1906 年 3 月中英双方议定合办广州至九龙的广九铁路,广州站在白云路。干线共长 178.55 公里。建国后,於 1974 年 4 月 10 日在环市西路建成新广州火车站,原车站停止使用,仅作白云火车票售票处』。因此，有理由相信，大沙頭火車站可能喺1994年仲存在，因為呢本1995年出版嘅白雲街志冇講到佢拆咗。--Roy17 (傾偈) 2018年3月14號 (三) 17:18 (UTC)回覆

呢本《白雲街志》係比較重要嘅線索。下塘路廣州市地方志辦公室、廣州兩大圖書館應該有，白雲街道辦可能會有，美國有d大學有實體版有d有電子版。有心嘅可以去搵來睇。我係靠Google Books上邊university of california嘅藏本OCR版搜索關鍵字搵到上邊嘅片言隻字，我個人認為係不足以寫成可靠參考，但足以否定現時網上所有『依稀的边界记忆』呢篇偽文嘅衍生作品，請唔好再嘥口水辯駁。--Roy17 (傾偈) 2018年3月14號 (三) 17:18 (UTC)回覆

大沙頭火車站嘅拆除時間範圍，已經可以缩窄到1994年至1998年。精確時間唯有等有心嘅去翻查嗰幾年嘅廣州報紙/政府檔案或者其它資料。wikipedia commons已有嘅大沙頭火車站前照片，同今日嘅白雲路實景，大家可以憑肉眼粗略比對，或者用三角測量法精確比對，就知佢個位置係今日嘅馬路，唔係歪咗少少嘅起咗樓嘅地方。--Roy17 (傾偈) 2018年3月14號 (三) 17:18 (UTC)回覆

點解我話「依稀的边界记忆——广州大沙头火车站的前世今生」不足為信：

內容上，文章內容與其它書面資料犯駁。文章內文與本身嘅配圖亦不盡吻合，與實地考查嘅差異則更大。
文章發表喺blog網站。而文章本身，除了引用的地圖有地圖標題同出版年份，所有文字描述均沒有列出任何文獻來源。因此，完全無法判斷邊d文字係文章作者引用自文獻嘅，邊d係作者自己寫嘅。

因此，基於 1.《依》係博客文章 2.《依》本身不能自圓其說 3.《依》與一些其它第一手和第二手資料唔相符 4.《依》無文獻來源 5.《依》裡邊嘅觀點未見有其它第一手同第二手資料支持呢5項理由，我認為可以完全忽略《依》。如果有人堅持要引用，亦應當優先考慮更可靠嘅第一手資料（實地考察、訪問）同第二手資料（已出版書刊、報紙、政府檔案、相片等等）嘅描述。--Roy17 (傾偈) 2018年3月26號 (一) 01:36 (UTC)回覆

貴方提交嘅『刘井隆』嘅《老哥自传》第58節『珠海小林』同第60節『买火车票』亦係呢類型博客，如此比對剔除，剩低嘅一本街道書嘅只言片語同個人言論觀點係編輯唔到乜，請唔好太過反复強調個人觀點而做出疑似搞亂編輯嘅嘢。——Longway22 (傾偈) 2018年3月26號 (一) 01:55 (UTC)回覆

又係d垃圾邏輯，cherry picking。我寫咗5項理由，combined先至認為嗰篇文不足信。呢5項理由就唔係全部適用於我引嘅博客文嘞，第2項不能自圓其說、第5項沒有其它一手同二手資料支持，就唔適用。cherry picking亦冇提出點解博文身份嘅考慮可以大得過晒其它條件考慮。而且如果真係學似longway22講可以抵消（事實係當然唔可以噉做啦，數學加減乘除咩？），抵消之後淨返白雲街志，就係可以引用嘅比較可靠資料，噉仲嘈乜？如果真係要考慮呢啲垃圾博客文，我上邊仲有幾篇微信公眾號嘅文，已經引述咗，佢地係提到1990年代依然可以喺d相度見到火車站主建築。只不過d相擺唔到上來，而我又不屑引用所有呢d濕鳩博客content farm文罷了。之所以話係垃圾，因為佢地不能列出參考文獻，無法判定邊d係原創研究，邊d係文獻引用成果。維基百科一旦引用，如果資料不實，分分鐘從此一錯而不能改，遺禍深遠。

而《依》呢篇文，就分分鐘係原創研究，理由我上邊講過晒，唔重複嘞。--Roy17 (傾偈) 2018年3月26號 (一) 02:12 (UTC)回覆

我反而認為longway22先係太過反複強調個人觀點而做出疑似搞亂編輯嘅嘢。longway22一直只堅持《依》呢篇文同d衍生作品，但我一路提咗咁多條其它唔同來源嘅資料，冇理由計先來後到，於是乎我提嘅各種資料就全部俾一條先喺度出現嘅孤證阻住晒掛？--Roy17 (傾偈) 2018年3月26號 (一) 02:20 (UTC)回覆

「廣九車站」呢一條，就係我本人加落來呢個一覽嘅。我加嘅時候，special:diff/1179192，我係知道現時網絡流傳嘅說法，概括為以下幾點：

火車站喺1985年拆除。
火車站原址建成三座鐵路宿舍樓與廣東交通大廈。
廣東交通大廈地權屬於廣鐵集團。

第3點其實與火車站本身無關。不過，總言之，呢3條描述，我憑個人經歷，知道都係肯定同事實不符嘅，所以我一路都寫「拆除日期待考，原因未明」。火車站1990年代尚存。火車站位置在現在的白雲路與東華南路交界。交通大廈地權不可能屬於廣鐵集團，因為嗰度本來就係交通部門嘅與鐵路局無關，而且中國政治常識，鐵路局嘅地唔可能俾一個地方政府嘅部門用來起樓而地權仍然屬於鐵路部門，無比荒謬。
點知就有User:Longway22呢d唔作仔細考證嘅人亂咁寫，special:diff/1180619，又求祈引用網上資料（最早引用嘅係一條唔知抄文抄到第幾手嘅一份小報嘅網頁版，後來追查到上述3點嘅源頭，一篇原創嘅博客文章）。我唔知呢篇文有乜嘢線索咁寶貴，以至於事實上錯嘅內容都可以係線索保留。就算要保留，網上依然係流傳呢3條說法，我唔認為呢d錯誤說法需要維基百科保留。關於拆除日期，已經比較可信地收窄至1994年至1998年。地點係無可置疑，實地對比所有搵得到嘅相片就知火車站建築唔可能喺而今嘅宿舍樓，更加唔可能喺交通大廈。白雲路口係好大嘅。火車站主建築喺白雲路口廣九大馬路正對住嘅位置嘅東南方，白雲路東南邊，交通大廈喺路口嘅西方，白雲路西北邊，三棟宿舍樓喺交通大廈正對面，白雲路口嘅西南方。更何況見過火車站建築嘅人，最後生而今都只不過係四十打上，大把人仲在生，只需一問見過嘅人就知。--Roy17 (傾偈) 2018年3月26號 (一) 04:50 (UTC)回覆

2000年代

廣州市歷年拆毀文物一覽#2000年代

未明建築物文明路長塘街口現駿文雅苑

我印像中，而今駿文雅苑喺文明路馬路面嘅位，長塘街九爺雞個街口，以前有過一間大屋噉款嘅建築物，大概2007年至2010之間拆除。我印像中門口大概1.5m到2m闊，係對開嘅黑色嘅木門，間屋闊度大概7m至10m，檐嘅深度大概1m。個款就好似一個縮小版嘅書院/祠堂，不過冇門口兩條柱啫。當時我路過，見到間屋幾特別，一眼望落去會覺得與眾不同，唔係普通平房，於是乎望多兩眼，不過匆匆行過唔得閒入去𥊙。收尾過咗幾日定唔知一兩個禮拜，再行過嗰時，發覺經已拆鬼晒，變成爛地，之後無耐就圍起身做工地，起咗做駿文雅苑嘅售樓中心嘞。唔知係乜，亦唔知有幾大價值，所以喺talk page呢度寫低，唔知有冇人會識得呢？--Roy17 (傾偈) 2018年3月16號 (五) 04:20 (UTC)回覆

你講嘅呢座建築，就係「制置使凌公祠」，係凌震個祠堂，喺長塘街121號，02年拆前座，09年拆中座同後座。曾經係03年廣州市第四次文物普查線索。講價值，可以講，若果仲響度，省級文物乃至國家級都仲得，唔係我誇張。广州阿沾 (傾偈) 2018年3月16號 (五) 16:35 (UTC)回覆

補充一點，我見到嘅黑色大門朝向南，啫向文明路馬路面，門向屋入邊掩，啫向北面掩，位置大概離馬路面5m至8m，離旁邊125號個邊邊大概3m至5m，離103號九爺雞大概10m。--Roy17 (傾偈) 2018年3月21號 (三) 13:26 (UTC)回覆

我所知無第二間喇，我傳幅相過你，你睇過係咪。广州阿沾 (傾偈) 2018年3月21號 (三) 14:59 (UTC)回覆

呢個表點處理拆咗之後重修嘅古蹟？

最新留言：6 年前2則留言2個人參與討論

譬如長堤沙基慘案紀念碑，歷史上有過幾個碑，今日見到嘅，係按照民國時候第一個碑，2000年代新整返。乙丑進士坊，而今喺海珠區中山大學校園，其實原來喺而今嘅解放中路，原件亦喺文革時候拆爛晒，1999年之後先按照舊物重新起嘅。呢d『重建嘅古董』寫唔寫喺呢度？--Roy17 (傾偈) 2018年3月14號 (三) 18:33 (UTC)回覆

加欄附註重建。重建已經唔算當時文物。HenryLi (傾偈) 2018年3月16號 (五) 06:27 (UTC)回覆

廣州城牆

最新留言：6 年前2則留言2個人參與討論

個表無提過城牆同城門。城牆係點拆法？係一次過拆，定係分幾年拆？HenryLi (傾偈) 2018年3月16號 (五) 06:26 (UTC)回覆

市政公所時代到建市陣都係不停開馬路，應該都要幾年時間勒。——Longway22 (傾偈) 2018年3月16號 (五) 11:30 (UTC)回覆

對外連結有變 (2019年4月)

最新留言：5 年前1則留言1個人參與討論

各位編輯仝人：

我啱啱救返廣州市歷年拆毀文物一覽上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

加咗存檔 https://web.archive.org/web/20180905115816/http://nuxun.blog.163.com/blog/static/251647252009928828302/ 落 http://nuxun.blog.163.com/blog/static/251647252009928828302/

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年4月12號 (五) 19:16 (UTC)回覆

對外連結有變 (2019年8月)

最新留言：5 年前1則留言1個人參與討論

各位編輯仝人：

我啱啱救返廣州市歷年拆毀文物一覽上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

加咗存檔 https://web.archive.org/web/20180728190849/http://news.163.com/14/1223/01/AE44K8BJ00014AED.html 落 http://news.163.com/14/1223/01/AE44K8BJ00014AED.html

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年8月27號 (二) 19:46 (UTC)回覆

對外連結有變 (2019年9月)

最新留言：5 年前1則留言1個人參與討論

各位編輯仝人：

我啱啱救返廣州市歷年拆毀文物一覽上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

加咗存檔 https://web.archive.org/web/20180209003048/http://gzlarc.com/city_d.aspx?Parent=&newsid=227 落 http://gzlarc.com/city_d.aspx?Parent=&newsid=227

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年9月4號 (三) 03:23 (UTC)回覆

對外連結有變 (2019年10月)

最新留言：5 年前1則留言1個人參與討論

各位編輯仝人：

我啱啱救返廣州市歷年拆毀文物一覽上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

加咗存檔 https://web.archive.org/web/20180209003059/http://society.people.com.cn/h/2011/0906/c226561-2960242176.html 落 http://society.people.com.cn/h/2011/0906/c226561-2960242176.html

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年10月24號 (四) 03:15 (UTC)回覆

對外連結有變 (2019年11月)

最新留言：4 年前1則留言1個人參與討論

各位編輯仝人：

我啱啱救返廣州市歷年拆毀文物一覽上面嘅 1 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

加咗存檔 https://web.archive.org/web/20190717090850/http://www.gznf.net/story/7190.html 落 http://www.gznf.net/story/7190.html

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2019年11月30號 (六) 23:15 (UTC)回覆

回應事件、討論同期望

最新留言：4 年前2則留言2個人參與討論

諸位睇見呢個標題，若果係未明我講緊乜，可以睇下本身文章嘅修改記錄。事源上個月，我執過吓呢篇嘢，改得啊L記（User:Longway22）唔係好歡喜，自己走嚟話想討論，咁都啱嘅，但係跟住落嚟點呢？佢即時將啲嘢改嗮翻轉頭（嗰時都仲有個inuse嘅模㗎，即係叫第二個用家咪喐住）。我就話回應咗我個問題我哋至開始討論（到而家都未有聲氣）。佢好似好大方咁話「集思廣益」，哦，點知跟住又走去唔知邊一版，自己鬼鬼鼠鼠開咗一節討論，咁又有無誠意呢？擺咗咁耐都淨係得一個管理員回應，都係帶你遊花園，咁咪講明討論呢樣嘢係無意義囉，個個都無興趣。咁而家咪討論吓囉。講話用詞，「約莫」本身就係廣東話詞（都幾「阿媽係女人」），L記竟然間話唔係個喎，咁咪即係「黑光過白」？算喇，我當你係阿叻（又唔知、又唔識），咁你識查嘢㗎，唔會又睇唔到啩。同埋，所謂「左近」有幾何係講時間？乜嘢叫「起咗返嚟」、「畀清拆」，人哋係咪真係明你講緊乜㗎？有啲字句，係又加個「嘅」，唔係又加個「嘅」，都幾噚。其它所謂表述，好多時就係龍門自己搬。用詞文法，無乜可以討論，有句說話，「坭水佬開門口，過得人過得自己」，至緊要仲係成句話通順、仲兼人哋係要明。同埋，凝練，唔好又長又噚。本身我呢年零兩年平日唔係咁得閒，都好少何上嚟維基，若果下下仲因爲拗呢啲嘢嚟到嘥時間，仲點寫文？所以我自己都諗住，下半年執埋些少手尾，我以後都唔會再寫有關廣州嘅文，費事嘈。我第日寫吓其它地方，或者寫吓科技同藝術相關嘅文，學另一位粵維老用家話齋，「樂得清淨」。

我同L記（User:Longway22）本身無乜仇口，但唔明佢借啲宜就開名講，仲要名都未噏得啱，學佢自己話頭，「尊重」，實在諷刺。我同另一位粵維老用家私底下都提過呢件事幹，佢話L記份人好多時係固執啲，亦未去到話唔講道理嘅程度，所以我亦都係儘量好好聲氣去講成件事。至於篇文呢，我唔再去改，我改完佢又改翻，有乜意義？既然間，L記話自己日後會留意翻寫文用詞，希望真係能夠做到。广州阿沾 (傾偈) 2020年7月2號 (四) 13:36 (UTC)回覆

尊重阿沽公選擇呢度嚟留言，但期望盡量避免觸及個人。而對「約莫」嘅睇法似係同本編有啲唔同理解，而其他點阿沽公似冇回應到，或者需要第三方嘅視角參與再深入。如果真有意豐富唔同意見嘅粵維老用家，都可以上嚟發表下，唔係啲討論真係會好單薄。呢度嘅話題冇觸及嘅位置，可對照返主版嘅每一個編輯記錄要點，各自再斟酌下。本編亦希望討論轉去書面、文言同粵文、粵語，可以由更大嘅角度去睇家下嘅一啲難題，希望唔會陷入似中維團派角力嘅局面。——Longway22 (傾偈) 2020年7月3號 (五) 07:27 (UTC)回覆