Talk:法蘭茲·舒伯特

可以更詳細嗎♣--123.193.144.215（討論） 2014年3月4號 (二) 11:22 (UTC)

以前由「最常用稱呼」搬去「有名有姓嘅名」好多時都會先討論，而家連呢步都慳返

粵維多年以嚟對人物命名一路都係「最常用稱呼」優先（例如用「愛因斯坦」而唔係「歐拔·愛因斯坦」；用「邱吉爾」而唔係「雲斯頓·邱吉爾」），但近年粵維冒出咗一啲人唔認同呢種方式，認為人物命名一定要有名有姓先至得。初頭呢啲爭議都尚且會先開個討論，起碼有商有量。但今次連呢步都慳返，所以我忍唔住要出句聲表達意見 —— 以「舒伯特」嘅名氣，無論講「舒伯特」三字或者英文「Schubert」，十居其九都係講緊作曲家嗰位，甚至好難諗到有第二位，所以粵維用「舒伯特」做標題係相當合理嘅事。搬文者理由係「修改錯誤標題名」，敢問將呢位作曲家叫「舒伯特」邊度有「錯誤」呢？定係因為要鼓吹「有名有姓」嘅命名方式，所以要用個莫須有理由去搬？。--Jason6698 (傾偈) 2022年5月5號 (四) 14:27 (UTC)

「（例如用「愛因斯坦」而唔係「歐拔·愛因斯坦」；用「邱吉爾」而唔係「雲斯頓·邱吉爾」）」，我諗用愛因斯坦做例子，已經喺近幾個月嘅討論都見過好多次，最初嗰個人寫錯，冇必要跟落去。至於點解用「邱吉爾」而唔係「雲斯頓·邱吉爾」喺Talk:加比利耶·加斯亞·馬紀斯#要求搬版呢度，已經有人講做個情況，應該睇得明。

咁你話論名氣應該要用返「舒伯特」，咁參照Talk:禾羅迪美·澤連斯基，喺英維對應嘅「Zelenskyy」一樣係跳轉咗去「Volodymyr Zelenskyy」，係咪又話英維如果都係跳轉咗去佢個本名到，即係證明佢後面個名，已經好出名，可以照用後面個名做標題，都特登唔跟粵維有政策係針對外文人物係要用全名呢個規例？

「但近年粵維冒出咗一啲人唔認同呢種方式」，唔好意思，我都可以同樣指出粵維多年嚟有人使用錯誤嘅外文人物命名方式。特克斯特 (傾偈) 2022年5月5號 (四) 15:14 (UTC)

@Jason6698：用「最常用稱呼」嚟做題題，合理性喺邊度？維基共識可以隨時間改變，並唔係話多年以嚟做開係點以後都要係點。

你講嘅「以「舒伯特」嘅名氣，無論講「舒伯特」三字或者英文「Schubert」，十居其九都係講緊作曲家嗰位」我唔反對，但係同「粵維用「舒伯特」做標題」係無直接、必然嘅邏輯關系。參考英維做法，標題用Franz Schubert，Schubert會跳去Franz Schubert，另有Schubert (disambiguation)劈頭第一句就係「Franz Schubert (1797–1828) was an Austrian composer.」，呢個都係「以「舒伯特」嘅名氣，無論講「舒伯特」三字或者英文「Schubert」，十居其九都係講緊作曲家嗰位」嘅體現。——Z423X5C6（傾偈） 2022年5月5號 (四) 16:05 (UTC)

我唔反對「維基共識可以隨時間改變」，但今次之所以焫著我，係因為見到個搬版原因係「修改錯誤標題名」，究竟將個作曲家叫「舒伯特」邊度係錯誤？講粵語環境下，將佢叫「舒伯特」肯定比叫佢「法蘭茲·舒伯特」嘅人多，用「舒伯特」做粵文百科標題正好反映粵語使用者嘅習慣，係合情合理嘅安排。而且粵維「最常用稱呼」優先嘅習慣存在已久，Wikipedia:基礎文章/人物傳記大約二百篇出名人物文入面（入面有舒伯特），大多數都係用「最常用稱呼」，如果要改變呢個習慣，最好要先有充份討論確立而家社群普遍認同有改變習慣嘅需要（可能之前已經有對改變習慣嘅充份討論但我無留意到，如果有嘅話可以幫手指出嚟）。--Jason6698 (傾偈) 2022年5月6號 (五) 14:19 (UTC)

Wikipedia:標題習慣#人名 5. 歐美人

… 重有，如果有全名嘅就記得用返佢嘅全名。——Z423X5C6（傾偈） 2022年5月6號 (五) 14:48 (UTC)

多謝。不過我又有新嘅疑惑：我未得閒逐個版本睇，但我思疑呢一句係咪後期加落去，因為呢一句同本身部份舉例自相矛盾——「牛頓」、「朗拿度」都唔合乎「有全名嘅就記得用返佢嘅全名」原則。 --Jason6698 (傾偈) 2022年5月6號 (五) 15:02 (UTC)

由SC96提供連結顯示，寫「有全名嘅就記得用返佢嘅全名」嘅，同舉「牛頓」、「朗拿度」做例子嘅，居然係同一個人。--Jason6698 (傾偈) 2022年5月6號 (五) 15:05 (UTC)

@Jason6698：唔使驚奇喎，粵維有好多神奇嘅事情發生。 ——Z423X5C6（傾偈） 2022年5月6號 (五) 15:28 (UTC)

@Jason6698：加入呢一句嘅修改（Special:Diff/895784），同埋Wikipedia talk:標題習慣#呢篇嘢出版到而家有成7年都冇改過……我而家有個建議喇！。有冇達成過共識，請自己參透。SC96 (傾偈) 2022年5月6號 (五) 15:00 (UTC)

Wikipedia:標題習慣#用姓做文題亦有寫到：「若果無同姓嘅人喺粵語維基百科上面有文，直接用姓氏喺做文題就冇問題。......若其中一個人出名好多，喺最出名嗰個人嘅頁頂度加返條拎都得；或者，將個姓嗰篇文改返做WP:搞清楚頁又得。」；一樣同Wikipedia:標題習慣#人名 「如果有全名嘅就記得用返佢嘅全名」自相矛盾。當初Wikipedia:標題習慣都無好好討論過，搞到今日咁大混亂，真係無眼睇。--Kowlooner (傾偈) 2022年5月15號 (日) 13:54 (UTC)

@Kowlooner：有啲想copy上邊嗰句「唔使驚奇喎，粵維有好多神奇嘅事情發生。」（笑）其實可以借呢個機會執返好WP:標題習慣，尤其係外文名同埋specifically之前有較多討論嘅西班牙文名。 ——Z423X5C6（傾偈） 2022年5月15號 (日) 14:02 (UTC)