User talk:Islandlibrary/我們是香港人

翻譯問題

如果喺外面嘅維基百科呢度收嘅話，噉喺咪應該都要將佢哋譯咗做粵文先至收呢？個重點係喺呢度所收嘅一定要係『粵文』，唔係嘅話就冇情講，一定會刪走。 Shinjiman ⇔ ♨ 2021年3月29號 (一) 01:07 (UTC)

@Shinjiman：唔係喎。我見User:Matttest本人搬過黎嘅User:Islandlibrary/廣東獨立運動夠係全部都係國文黎。特克斯特 (傾偈) 2021年3月29號 (一) 01:11 (UTC)

同埋呢度係一個圖書館嘅子頁，唔係維基嘅正式文章，好似係可以寬限。我見之前夠有其他用戶嘅子頁都係全部國文黎，因為正文都係唔係粵語，所以冇得喺正文都存在。特克斯特 (傾偈) 2021年3月29號 (一) 01:15 (UTC)

我啱啱都加咗標籤，要求將嗰篇文譯做粵文；（叫埋Matttest）呢度重點係收粵文嘅文章，如果唔譯做粵文嘅話，唔排除喺一定時間之後都會刪走佢哋。如果要放國文文章嘅話，噉唔該將佢放喺zh:User:Bluedecklibrary嘅細版嗰邊，佢嗰度喺收國文嘅文章嘅。 Shinjiman ⇔ ♨ 2021年3月29號 (一) 01:21 (UTC)

『你亦都可以加一啲唔符合中維收錄標準嘅文，方便大家喺粵維重寫。』呢句見到嘅重點係雖然收唔符合國維嗰邊規範嘅文章，但收過嚟呢度嘅話，前提係要先將篇文章重寫做粵文。 Shinjiman ⇔ ♨ 2021年3月29號 (一) 01:25 (UTC)

@特克斯特：希望你明白，呢個細維基，一日幾多 updates，一眼睇晒，用戶/ 管理員都係人，冇辦法二十四小時運作，喺度嘅時候見到就做。早一個禮拜某一個用戶，不斷用國文去做討論，搞到我都好火滾，所以 Shinjiman 揸正啲來做，冇咩唔妥。如果你想留返啲文就郁手翻譯佢啦，有兩個禮拜時間。 --WikiCantona (傾偈) 2021年3月29號 (一) 01:31 (UTC)

@Matttest：仲有一個問題，如果User:Islandlibrary/廣東獨立運動本身喺呢度有文章嘅話，噉使唔使將嗰版整返做跳轉版？ Shinjiman ⇔ ♨ 2021年3月29號 (一) 01:43 (UTC)

作為wikicanton閣下提出國文討論嘅半個當事人，就斗膽插下話：希望先分開返收錄存檔同對話間嘅問題——對話度係對方一路唔尊重返本地規例、甚至有意僭奪啲編輯解釋權先會一路無視呢度嘅唔少慣例。呢度個人都尊重唔同管理係有各自嘅考慮，但係仲係想話：如果個人以本地管理角度去睇話，呢個係兩種情況，應該用唔同標準對照，

呢度嘅存檔相信唔會有拆場，或者有攪亂檔嘅問題，認為只要適當標註返都唔至於話存唔到落去，因為並唔係直接似另一個範疇度款，另一個係直頭唔擔憂同表面指引有衝突，一路仲俾埋一般用家睇勻嗮。

而就中維呢家嘅管理操作，本身就係嚴重嘅雙重標準問題，如果Islandlibrary、特克斯特等都有意見補充嘅話，希望更好討論返本地啲個案評判或分類等技術係咪可以再革新。如果係可以有契機更靈活處理，繼續有反思返本地嘅實踐兼深度，相信會係對粵維嘅一大裨益 Longway22 (傾偈) 2021年3月29號 (一) 01:58 (UTC)

@WikiCantona：不過你講嗰個N君，佢喺粵文維基個user page度全部都係打簡體國文，雖然係少嘢，有冇必要刪埋佢嗰度？（照你咁講user page都唔應該有括免權）Newbamboo嘅粵維user page都係簡體國文。特克斯特 (傾偈) 2021年3月29號 (一) 01:47 (UTC)

@特克斯特：喺 User Page 用仲第二種話寫嘢，我哋有一定嘅容忍度，好似我喺其他維基度唔識寫佢哋嘅話，用英文寫，不過我都會道個歉先，亦有啲 Users 喺討論區唔識寫粵文，都會有禮貌講一聲先。如果有人覺得用國文係天經地義，擺明就係挑機，玩嘢。呢度子頁收第二個維基嘅文，照吸過嚟嘅！第一收嗰個有責任改寫，極之合理，第二改寫放喺度唔理，畀人提出刪除，亦都合理。--WikiCantona (傾偈) 2021年3月29號 (一) 02:04 (UTC)

@WikiCantona、Longway22：照你個邏輯「喺 User Page 用仲第二種話寫嘢，我哋有一定嘅容忍度」，「如果有人覺得用國文係天經地義，擺明就係挑機，玩嘢。」。咁我將嗰啲未譯好嘅嘢以任何形式（包括隱藏）放喺我user page底下，再寫埋「未翻譯嘅存檔」（冇特登畀你詮釋做「挑機、玩嘢」嘅意味）係咪都可以？正如longway咁講中維都有大量雙重標準案例，呢度係時候要探討返啲措施出黎，唔係遲下越黎越多人入黎，措施冇咩講明同寫出黎，而處理嘅管理員又黎黎去去都係個幾個，少不了會製造更多不必要嘅麻煩。特克斯特 (傾偈) 2021年3月29號 (一) 02:22 (UTC)

噉要靠一啲common sense嚟睇，如果係將用戶子頁當做私人嘅存放區，喺呢種程度上面寫嘅文嘅係有一定嘅豁免；但好似User:Islandlibrary嘅用戶版聲明各位係可以喺佢嗰度嘅細版度『以文章形式』加嘢（呢種情況會被視作用戶版底下嘅公眾空間），噉呢種情況就要跟返規距，唔係豁免情況之內。 Shinjiman ⇔ ♨ 2021年3月29號 (一) 02:31 (UTC)

本地應該可以搞個翻譯存檔專章指引？有返呢個IDEA，隨便可以再孖埋有禮係咪可以一齊度度，理順返依家實踐嘅一啲經驗。諗再活躍下啲潛水編輯嘅，想再去政策度開返個POST睇下，豐富返本地大家多討論下可以啩？ Longway22 (傾偈) 2021年3月29號 (一) 02:31 (UTC)

@Longway22：應該咁講，係要搞返嘅「粵文指引」呢類嘅嘢出黎。唔係A用戶有禮咁事先講明話粵文唔太好而用埋啲唔喊唔淡嘅粵文、夾雜國文就得。之後B用戶都係事前咁有禮講明話自己粵文唔太好，但因為B用戶依家係生活喺粵語圈嘅地方、就畀人當咗佢粵文一定係好熟，而寫國文就覺得佢係刻意搞破壞、同你口中所講嘅「挑機、玩嘢」，咁係咪有唔公道嘅情況出現？類似情況可以參考我喺2017年嘅情況，當時User:SC96就話相信Dabao qian係真係唔識粵文（因為佢user page寫明咗係山東人），而我就相反因為Dabao話我係香港人（佢齋憑IP判斷同見到我打繁體字），而畀呢度嘅管理覺得我冇用好好嘅粵文黎寫嘢係玩嘢同針對我添。不過憑住「Dabao話我係香港人」同一個黎自香港嘅IP兼打繁體就可以斷言佢係本土成長嘅香港人，假設佢係一定識得用粵文，可以優待A君而對B君苛刻+刁難？佢從呢兩個證據黎斷言我係一定會識用純正粵文黎講同寫嘢都幾搞笑。特克斯特 (傾偈) 2021年3月29號 (一) 02:44 (UTC)

想問下，呢啲中維被刪文嘅，自己開個wiki網站收錄得唔得呢？唔使有呢啲符合唔符合project scope嘅拗撬。H78c67c·傾偈 2021年3月29號 (一) 02:57 (UTC)

閣下自己開個網站，抄外面樣嘢，咁就要睇吓你抄嘅嘢有冇（／屬於乜嘢）版權啦。--WikiCantona (傾偈) 2021年3月29號 (一) 03:05 (UTC)

@Longway22、特克斯特、WikiCantona、Shinjiman：一日冇睇已經咁多留言...，如果係咁我喺User:Islandlibrary度寫清楚嗰guideline，要求盡快譯啲喺zhwiki搬嚟嘅文，你哋點睇？--維基小傢伙 (傾偈) 2021年3月29號 (一) 09:01 (UTC)

@Matttest：點解唔直接開文（加個翻譯緊嘅牌）？而放喺 User 子頁度先呢？--WikiCantona (傾偈) 2021年3月29號 (一) 09:15 (UTC)

@WikiCantona：有啲文好似User:Islandlibrary/廣東獨立運動咁長，都要用唔少時間譯。中維日日都有被Notability提刪嘅文，放喺Main namespace度再譯會損害讀者體驗。--維基小傢伙 (傾偈) 2021年3月29號 (一) 09:35 (UTC)

@Matttest：呢篇文好似本身喺粵維度已經有版，喺IslandLibrary嗰篇仲使唔使留？如果唔使嘅不如將佢改做跳轉版就得。 Shinjiman ⇔ ♨ 2021年3月29號 (一) 14:06 (UTC)