睇埋:meta:Neutral point of view

中立嘅觀點英文Neutral point of view,縮寫NPOV)係維基媒體嘅基本根基,亦係維基百科嘅五大支柱之一。所有維基百科嘅文同埋其他維基媒體嘅內容必須以中立嘅觀點寫成,盡可能喺冇任何偏見嘅前提之下,平等噉表達出任何求證得到重要觀點。根據維基百科創辦人Jimmy Wales嘅解釋,中立、客觀嘅原則即係:「無得拗 (non-negotiable)」[1]

中立嘅觀點」係維基百科三大核心內容方針之一。另外兩大方針分別係「求證得到」同「唔係原創」。呢幾樣政策對維持維基百科嘅質素同公信力都好重要,所以對每一篇文都唔會有例外,寫嘢嘅人一定要留意返自己寫嘅嘢有無跟呢幾樣政策,其他人亦有責任幫手令所有文達到呢三個政策嘅目的。

點算係中立觀點 編輯

中立觀點 編輯

中立觀點即係指一啲有分歧嘅嘢,甚至有衝突、矛盾嘅觀點,都唔可以用有偏見嘅方法處理,而應該要公平、客觀咁去對待唔同嘅觀點。處理呢啲有衝突或矛盾嘅觀點時,唔可以企圖用一啲引導嘅手法,去令人覺得是但邊一方先係堅而另一方係流。亦應該儘可能提供多啲唔同嘅角度同觀點,唔可以因為某種觀點比較多人同意,就唔理其他相反嘅觀點。至於邊一種觀點係正確或者值得相信,呢方面應該留返畀讀者自己諗,維基百科只需要交代返唔同觀點就夠。

偏見 編輯

內文:偏見

唔合理比重 編輯

中立觀點要求文章要公平噉表達可靠來源發表過嘅所有主要觀點,並且應該同每個觀點嘅重要性成比例。呢個係好重要嘅條件:一般嚟講,對少數觀點嘅描述唔應該同更受歡迎嘅觀點嘅一樣咁多,而極少數嘅觀點更加唔應該有。例如文章地球對而家冇乜人信嘅地平說觀點描述得極之少。

維基百科唔應該表現到對少數觀點嘅陳述同多數觀點嘅一樣咁多。而極少數人持有嘅觀點係唔應該表現,除非篇文係為咗呢啲觀點而設。為明顯少數觀點提供唔合理的比重,或者納入極少數嘅觀點,可能會誤導讀者,令佢哋誤解爭議嘅實際情況。維基百科旨在按比例表達專業人士同相關團體對某個主題嘅競爭觀點。呢個唔單止適用於文章內容,對圖像、出面網頁、分類以及所有其他內容都適用。

唔合理比重唔淨止適用於觀點。正如令觀點擁有唔合理比重係唔中立一樣,令其他查證得到嘅陳述有唔合理比重都一樣係唔中立。文章唔應該畀主題嘅任何一方面唔合理比重,而應該根據每方面喺主題中嘅重要性去合理安排。要注意,唔合理比重可以有多種呈現方式,包括但不限於:描述嘅深度、文字嘅數量、佈局嘅突出以及陳述嘅並列。

唔係代表極少數人持有嘅觀點唔可以受到重視,因為喺特別為呢啲觀點而設嘅頁係可以提及嘅,因為維基百科唔係紙。不過就算喺呢啲頁,啲觀點可以寫到幾詳細都好,都唔好當正佢哋係真嘅

根據占美威爾斯2003年9月喺英文維基百科嘅郵寄清單畀出嘅解釋:
  • 如果係多數觀點,佢喺普遍接受嘅參考文字入面會好易證實到;
  • 如果係重要嘅少數觀點,噉畀出知名嘅擁護者都唔係難事;
  • 如果係極少數(或極有限)觀點,噉無論係啱定錯,又或者係證唔證明得到,佢都唔屬於維基百科(除咗補充文章)。

換句話講,極少數人持有嘅觀點嘅陳述,唔應該同重要嘅少數觀點嘅一樣咁多,又或者係提都唔好提。

如果您想證明一個重未被廣泛認可嘅嘢,維基百科唔係發表證明嘅第一場所。只可以喺第二度發表同埋討論過呢個證明之後,先可以喺維基百科提及。睇Wikipedia:非原創研究同埋Wikipedia:查證得到

等事實自辯 編輯

Karada對英維薩達姆侯賽因嘅行文提出過以下建議:

唔需要話佢係邪惡。呢個就係希特拉篇文唔會開宗明義寫明「希特拉係個衰人」嘅原因——我哋唔使,佢嘅作為已經判佢有罪幾千次。我哋只而要不偏不倚噉列出猶太人大屠殺嘅事實,重新喊出死者嘅聲音,去令辱罵顯得冇意義而冇需要。請做同樣嘅嘢:列出薩達姆嘅罪,同時畀根據

要記住啲讀者唔一定會對說教友善。如果你唔畀事實自辯,可能會疏導讀者同埋令佢哋反對你嘅觀點。

例:墮胎 編輯

參考 編輯

  1. "A few things are absolute and non-negotiable, though. NPOV for example." in statement by Jimbo Wales in November 2003 and reconfirmed by Jimbo Wales in April 2006 in the context of lawsuits.

其他 編輯