Wikipedia:Wikipedia嘅命名/粵文維基百科

	投票已經完咗！
	唔好再做任何投票或改票，唔係就當廢票。

以下嘅討論係一個已經獲得通過嘅提案嘅投票。請唔好再修改佢。

呢版係就 Cantonese Wikipedia 譯名更改做「粵文維基百科」嘅討論同表決。歡迎各位發表意見。

史

公元二〇〇六年 Wikipedia 之中嘅 Cantonese Wikipedia 出世，一眾參加者表決 Cantonese 之譯法，「粵語」以六票贏咗「廣東話」，成為正式譯名，叫「粵語維基百科」。

喺二〇〇七年四月 , 有人再提用「廣東話維基百科」之稱，一番討論之後，始終無法達成共識。於二〇〇九年五月，頭版就改用「廣東話維基百科」、「廣府話維基百科」、「粵語維基百科」三者隨機顯示：所以係頭版有段咁嘅碼：

有[[Special:Statistics|{{NUMBEROFARTICLES}}]]篇嘅{{#switch:{{#expr:{{CURRENTTIMESTAMP}} mod 3}}|0=[[廣東話]]|1=[[廣府話]]|2=[[粵語]]}}文章

避開問題，免得再拗落去。

二〇一三年七月，User:DannyChan 想出譯成「粵文維基百科」。佢認為「但係因為粵語係講嘅，寫出嚟嘅叫做粵文，所以粵文比粵語更貼切」。

討論

• 唔好乜都搞投票，第一有違反之前嘅共識，第二，聽吓意見先。只係投票，乜都唔講，唔傾，只係鼓勵民粹主義。你之前喺粵語維基百科改名做粵文維基百科講得好好㗎--WikiCantona (傾偈) 2013年8月7號 (三) 13:40 (UTC)
• 但係因為粵語係講嘅，寫出嚟嘅叫做粵文，所以粵文畀粵語更貼。因為咁DannyChan就希望改名做粵文維基百科。—之前未簽名嘅留言係由DannyChan (留言 • 貢獻) 所加入嘅。
• 如果有人可以將粵語維基百科裡面全部指「尼德蘭王國」（而唔係淨係兩個荷蘭省）嘅「荷蘭」都改晒做「尼德蘭」嘅話，我就支持粵語維基百科改名為粵文維基百科。 — 粵語文學大使殘陽孤侠 2013年8月23號 (五) 21:52 (UTC)
  • 有可能你會支持斯德哥爾摩改名做士多貢？！牛頭唔答馬嘴，東拉西扯。唔知閣下認為唔改粵語做「粵文」眞正理由係乜？講得直接啲，得唔得？--WikiCantona (傾偈) 2013年8月24號 (六) 21:34 (UTC)

--Helpcanbepowerful (傾偈) 2013年9月4號 (三) 04:48 (UTC)

• 我係極力反對用『白話』『廣東話』嚟稱呼粵語嘅。原因係呢兩者都存在狹義嘅地域指向。

• 噉點解可以接受『廣州話』『廣府話』同埋『粵語 /文』呢幾個稱呼呢？原因係呢三者都係學術嘅講法。有人會質疑，點解有關『粵』呢啲稱呼又唔算係狹義呢？因為『粵』喺地理上其實係包含廣東、廣西、香港、澳門同海南島（當然，喺以前部份現今之越南地區亦包含在內，而家可以忽略）。

• 兩粵其實即係廣東廣西，香港澳門海南屬廣東區（指嘅係地理上嘅歸入），『粵語』可以指『廣東粵語』亦可以指『廣西粵語』。所以『粵語』『粵文』係學術且廣義嘅稱呼，呢兩個就係最妥當稱呼。

--Helpcanbepowerful (傾偈) 2013年9月4號 (三) 04:48 (UTC)

粵文維基百科

1. 粵字只係指粵語嘅字，粵文係指粵語語法、詞彙、句式。Danny♪Chan 2013年8月7號 (三) 12:11 (UTC)
2. 好！正！眞係好好，咁啲人就唔會再拗，應該叫「粵語維基百科」、「廣東話維基百科」定係「廣府話維基百科」好。--WikiCantona (傾偈) 2013年8月7號 (三) 13:40 (UTC)
3. 之前就已经表达过同意，而今再来支持一下。--William915（傾偈） 2013年8月7號 (三) 14:32 (UTC)
4. 有中文維基百科、英文維基百科、法文維基百科、德文維基百科、日文維基百科......，點解呢度偏偏要叫「粵語維基百科」？我上個禮拜已經率先響頭版設計度用咗「粵文維基百科」。既然而家開咗個正式討論，當然要企出嚟撐。--Kowlooner (傾偈) 2013年8月8號 (四) 11:49 (UTC)
5. 最貼切，好!!--莫梓浚☎ 2013年8月9號 (五) 07:07 (UTC)
6. -- Kwh (傾偈) 2013年8月31號 (六) 06:45 (UTC)
7. 其實我哋要求將「粵語」改為「粵文」並唔係出於政治目的，而係出於邊個稱呼更適合嘅考慮。千祈唔好為咗政治避嫌就放棄呢個更適合變更。否則，會為粵語造成不必要嘅損失。 --Helpcanbepowerful (傾偈) 2013年9月3號 (二) 22:48 (UTC)

粵字維基百科

1. 呢個都可以接受嘅妥脅方案。--WikiCantona (傾偈) 2013年8月31號 (六) 11:23 (UTC)

   十分強烈反對，粵字只係指粵語嘅字，粵文係指粵語語法、詞彙、句式。223.17.62.40（討論） 2013年9月1號 (日) 04:02 (UTC)唔記得登入。– Danny♪Chan 2013年9月1號 (日) 04:04 (UTC)

粵語維基百科

註：家陣嘅譯名，跟2006年嘅投票結果。

廣東話維基百科

1. 一向叫開「廣東話」。我會唔同人話，我講「粵語」、「廣府話」咁怪，而會同人講，我講「廣東話」。「粵」字係「廣東」簡稱，兩者係對等。啲人話廣東係全省，咁粵又唔包全省？依啲係自欺欺人嘅講法。名依家嘢，通常講主要通行地。而就算現況改變，地理改變，人口遷移，都用一直用落去。查實幾個名一齊用，都無所謂，但我會支持用廣東話最好。至於嗰啲廣東話專家點講，係無需理會。大多數華人專家，都係帶住大中國心態，廣東話只當係中國附屬去睇，所以佢哋叫「廣東話」做「粵方言」。HenryLi (傾偈) 2013年8月30號 (五) 04:30 (UTC)

   「粵語」同「廣東話」兩邊拗咗好耐，我亦覺得係嘥時間，我整好咗呢個版畀大家傾吓，如果又係好似之前咁，我都冇偈。如果閣下撇開政治唔講，噉「粵文」有冇得諗？？有冇中間妥協方案？--WikiCantona (傾偈) 2013年8月30號 (五) 08:55 (UTC)

   人人都有表達意見。若多數都覺得粵文好，我係無所謂。上面已講咗。HenryLi (傾偈) 2013年8月30號 (五) 11:55 (UTC)

   「粵文」係指你所寫嘅「嗰、嘅、𠱁、嘢、啲」咁，又即係而家呢個維基嘅書寫方式。– Danny♪Chan 2013年8月30號 (五) 09:47 (UTC)

   一向叫開「廣東話」。--Kwh (傾偈) 2013年8月31號 (六) 05:11 (UTC)-- Kwh (傾偈) 2013年8月31號 (六) 06:45 (UTC)

   「廣府話」馬來西亞週不時都用（請睇0:33），而且比「廣東話」更精確，而我之前都講過，伊道用嘅所謂「標準粵語」，好大程度上就係廣府/香港話。所以除非真係有人用北流粵語寫文章，用「廣府話」我無意見。 — 粵語文學大使殘陽孤侠 2013年8月31號 (六) 02:18 (UTC)

   所謂確切係無意思。同樣可以話叫廣府話唔確切，用地早已超廣府。馬來西亞都有叫廣東話。[1] 大家都知，南洋同西江流域嘅音，大同小異。 HenryLi (傾偈) 2013年8月31號 (六) 09:29 (UTC)

廣府話維基百科

1. 如果真係要改嘅話，咁祇能夠改成「廣府話」。點解？因為宜家粵語維基百科裡面嘅兩萬幾篇文章，無一篇係用台山話（或者其他粵語方言嘅書面語）寫嘅。來睇嘅人祇會見到廣府話嘅「點解咁講呢」，而唔會見到台山話嘅「幾何講呢」（我絕對唔係腦作）。如果Helpcanbepowerful認為用「中文」來單獨指「普通話」有違學術正確嘅話，咁根據同一條邏輯，用「粵文」來單獨指「廣府話」就更加有違學術正確，因為佢所講嘅「粵文」淨係包括書面廣府話，而其他粵語方言就幾乎一尐都無包括到。但係，如果以後粵語維基百科決定開台山話（或者其他粵語方言嘅）分版嘅話，我可能會收起反對，甚至改做支持。 — 粵語文學大使殘陽孤侠 2013年8月25號 (日) 07:29 (UTC)

   如果篇文之中提及台山話或者台山發音，好似有幾篇文有提到澳門發音、中山音，e.g.檐蛇，拖鞋。噉會唔會支持？--WikiCantona (傾偈) 2013年8月25號 (日) 10:20 (UTC)

   『用「粵文」來單獨指「廣府話」就更加有違學術正確』，請問係邊位（邊派）學者嘅主張，可唔可以搵幾個參攷，來睇睇？--WikiCantona (傾偈) 2013年8月25號 (日) 10:28 (UTC)

   伊個係根據Helpcanbepowerful自己嘅邏輯得出嘅推論。閣下又可唔可以請大力主張改用「粵文」嘅Helpcanbepowerful又「搵幾個參攷，來睇睇」呢？另外，除咗有失偏頗嘅「粵方言」之外，「粵語」係好多語言學著作用開嘅。閣下可以搜下過往「國際粵方言研討會」嘅講者名冊，佢等嘅著作除咗用「粵方言」就係「粵語」；「粵文」除咗粵語協會上面嗰班自稱「粵右」嘅極左派之外，根本無人用。 — 粵語文學大使殘陽孤侠 2013年8月30號 (五) 03:45 (UTC)

   老實講，我今次嘅立場，只不過係從實際方便諗，冇乜理論，「粵語」同「廣東話」兩邊拗咗好耐，我亦覺得係嘥時間，我都係整好呢個版畀大家傾吓，如果又係好似之前咁，我都冇偈。如果閣下撇開政治唔講，噉「粵文」有冇得諗？？有冇中間妥協方案？--WikiCantona (傾偈) 2013年8月30號 (五) 08:53 (UTC)

   「粵文」係指你所寫嘅「嗰、嘅、𠱁、嘢、啲」咁，又即係而家呢個維基嘅書寫方式。– Danny♪Chan 2013年8月30號 (五) 09:49 (UTC)

   老實講，我份人係好憎政治干預學術嘅，因為我喺佛山長大嘅時候，已經被啲不知所謂嘅政客干預到想嘔。我用「粵語」、「吳語」、「閩南語」、「客語」⋯⋯好大原因係學術界恁用我跟著恁用，已經算係儘量避免政治因素。所以我都唔知道應該點樣再「撇開政治唔講」。不過如果真係要兩邊妥協嘅話，「粵字」得唔得？雖然粵語維基百科嘅文章間唔中都會引用其他漢語言嘅字，但係絕大部分喺伊到出得街嘅字，都係日常粵語經常用嘅。 — 粵語文學大使殘陽孤侠 2013年8月31號 (六) 02:18 (UTC)

廣州語維基百科

註：跟廣州語本字一書

結果

粵文維基百科 成為正式譯名

參攷

• 粵語維基百科
• Wikipedia:Wikipedia嘅命名