Wikipedia talk:執文大行動/2021年

留名

1. 留個名先！——Z423x5c6 (傾偈) 2021年8月30號 (一) 15:06 (UTC)
2. 真係唔該嗮 Detective Akai 咁落力。Dr. Greywolf (傾偈) 2021年8月30號 (一) 15:17 (UTC)
3. 留名執文。--維基小傢伙 (傾偈) 2021年8月31號 (二) 05:12 (UTC)
4. 留名留名。特克斯特 (傾偈) 2021年8月31號 (二) 22:54 (UTC)

@Z423x5c6、Dr. Greywolf、Matttest：今年評則、方式有改變，請去返主頁睇。Akai 博士 (傾偈) 2021年8月31號 (二) 09:08 (UTC)

多謝Akai 博士咁有心搞呢個活動。Z423x5c6 (傾偈) 2021年8月31號 (二) 11:42 (UTC)

邀請

@H78c67c、特克斯特、SC96、Bosco1122、WikiCantona、HenryLi、Longway22：依家響度邀請各位參加呢次活動，參加者請響上段留名。Akai 博士 (傾偈) 2021年8月31號 (二) 09:53 (UTC)

再ping埋@Deryck Chan、Shinjiman、Cangjie6、Sun8908：Akai 博士 (傾偈) 2021年8月31號 (二) 09:56 (UTC)

本人幾壇嘢喺手，未能應邀，唔好意思。--WikiCantona (傾偈) 2021年8月31號 (二) 15:43 (UTC)

一樣，呢排開返學，好忙，未能夠抽時間參加呢次活動，但都多謝邀請。 H78c67c·傾偈 2021年9月2號 (四) 06:31 (UTC)

唔好意思我都因為開學忙咗，所以今年唔參加喇，感謝邀請。（不過我好似冇畀人ping到）--Sun8908（傾偈） 2021年9月7號 (二) 14:19 (UTC)

衝刺

@Z423x5c6、特克斯特、Dr. Greywolf、Matttest：今日24號，離活動結束仲有一日！希望各位參加者可以最後衝刺，爭取最好既成績！

另外，如果尚有未評既文章，將會響26號或之前一併處理，最終結果將會響27號公佈。

大家要加油、寫多啲好文！

Akai 博士 (傾偈) 2021年9月24號 (五) 13:14 (UTC)

改善同優化

@Detective Akai、Z423x5c6、Longway22：其實睇返今年嘅執文大行動，我睇Wikipedia:執文大行動/2021年/參加者Z423x5c6同Wikipedia:執文大行動/2021年/參加者Dr. Greywolf，我就覺得出年搞嘅話，喺「建議」一欄唔使每篇提上嚟嘅文都畀建議，因為以後多參與者參加同埋提文越嚟越多嗰陣，Akai咁每篇每篇文畀依家都幾耗費時間下。如果要畀意見，可以乾脆喺活動完結後，基於執文數量同質量 呢兩方面去畀意見。咁樣會慳返唔少時間下。

至於喺個「結果」表格度，我亦建議喺「類別」嗰到去寫達標與否，可以用Y就代表達標文，N就代表唔達標文。咁樣Akai或者其他主持人做起上嚟會有效率好多。

而喺提文要求上，我亦明白考慮到編輯者未必有時間去寫文，會唔會將「每篇文提名上嚟最少有2000 bytes」呢個要求，改做「每個提名項目最少有2000 bytes」？咁樣嘅話，User:Dr. Greywolf都可以將佢寫唔少嘅stub文章，合併做一個提名項目，鼓勵到其他參與者寫更多文同累積更多積分，亦可以鼓勵編輯者積極參與。唔使話因為「每篇獨立文章最少加2000 bytes」而冇時間一口氣寫咁多嘢而唔參與，變相佢哋可以「每篇寫少少」，合併幾篇文夠2000 bytes都可以提名上嚟。（即係幾篇當1篇文咁計）

以上。特克斯特 (傾偈) 2021年9月27號 (一) 12:30 (UTC)

首先多謝Akai兄畀好多心機好認真噉搞好呢個活動，我都講吓少少我對呢個活動嘅淺見啦。

我覺得喺提文上嚟嗰陣，可以叫參與者直接喺自己個參加page嗰到畫好個表，寫哂文名、時間、文章分類等等基本資料，主持人淨係填評分就得，噉樣應該會對主持人嚟講比較方便。亦都同意特克斯特所講，唔使每篇畀太詳細意見，如果唔係會好哂主持人時間。同埋主題加分嗰到Akai可以再「心狠手辣」啲，唔關主題事嘅就直接0 bonus分，例如我提上嚟嗰啲大部分都唔關香港事，可以直接bonus+0。

另外就係舉行時間方面，似乎都係喺返八月搞好啲，留意到有幾位朋友都話九月唔得閒參加，我自己嚟講九月都比較忙。（明白今年八月嗰陣呢到有啲好激烈嘅討論，Akai未必有心機搞活動住，希望下年平平安安，可以去返八月搞啦。）——Z423x5c6 (傾偈) 2021年9月27號 (一) 13:06 (UTC)

@特克斯特、Z423x5c6：多謝各位既意見。我會一一參考 之後再作出改善

Sorry 我尋日部電腦充電 加上最近學業繁忙 未必可以好似以前咁日日上線。但我會盡量保持活躍度。

大家提出既意見都好好 我響下年既大行動會作出改善

一樣好既野唔係一朝一夕就搞得好 背後需要好多高人畀出好既意見 改善再改善先至出到正野

再次多謝大家Akai 博士 (傾偈) 2021年9月28號 (二) 10:58 (UTC)

提出

@Z423x5c6、特克斯特、Dr. Greywolf、Matttest：鑑於有參加者唔清楚規則，響活動宣佈結束後先至提文。我睇到佢係用心寫既，唔想辜負、浪費佢既心血，但又唔想對其他參加者造成不公平，因而延遲公佈結果。希望四位參加者可以商議點樣處理。Akai 博士 (傾偈) 2021年9月30號 (四) 07:10 (UTC)

我覺得如果寫文嘅時間係早過deadline就無所謂啦，亦都可以考慮喺之後嘅活動入面定兩個deadline，一個係寫文，一個係提文，可以遲兩三日先提上嚟，等參加者可以專心「衝刺」寫文。——Z423x5c6 (傾偈) 2021年9月30號 (四) 16:05 (UTC)

@Detective Akai：同樓上意見一樣。我初頭見您話寫文需要時間所以延長多個禮拜。所以我覺得您呢句話係預咗我地喺活動時間內係寫文，冇估到提文總結都計埋喺寫文時間內。不過我提文時間全部都係deadline前，所以唔多會搞到唔公平咁。不過出年搞嗰陣，可以喺活動日期外寫明，活動完結後嗰7至10日係留畀參與者統計返提文項目咁就最好。特克斯特 (傾偈) 2021年9月30號 (四) 21:21 (UTC)

統計階段

@Z423x5c6、特克斯特、Dr. Greywolf、Matttest：鑑於各位參加者都冇提出任何異議 (我都等左好耐 最近真係開始唔得閒)，所以依家進入統計階段。響呢段時間，參加者唔可以作出任何修改，直至統計階段完左、公佈結果之後。Akai 博士 (傾偈) 2021年10月10號 (日) 04:33 (UTC)

結果

@Z423x5c6、特克斯特、Dr. Greywolf、Matttest：

依家公佈結果。

Z423x5c6：文章數九、總分523

Dr. Greywolf：文章數五、總分334

Matttest：文章數一、總分61

特克斯特：文章數三十七

鑑於User:特克斯特提文數量遠超其他參加者，而且文章質素符合活動要求，所以宣佈特克斯特為本次活動勝出者。恭喜哂特克斯特！

如果有任何參加者對結果有異議，可以響2021年10月16號11:00 (UTC)或之前提出上訴。一旦超過限定時間，上訴將不會被接納。

再一次多謝各位參加者嘅勇躍參與。祝編安。

Akai 博士 (傾偈) 2021年10月13號 (三) 10:49 (UTC)

@特克斯特： 恭喜嗮~ Dr. Greywolf (傾偈) 2021年10月13號 (三) 10:50 (UTC)

@特克斯特：恭喜恭喜！——Z423x5c6 (傾偈) 2021年10月13號 (三) 11:49 (UTC)

多謝！@Z423x5c6、Dr. Greywolf、Detective Akai。特克斯特 (傾偈) 2021年10月17號 (日) 00:10 (UTC)