中式包

中式包係中國式嘅麪包，由麵粉發酵，入面包住餡（冇餡就叫饅頭），蒸熟製成。出名嘅中式包有叉燒包、小籠包。

中式包

歷史

漢朝嗰時，蒸製嘅麵食流行於全中國，當時統稱做「餅」、「饅」、「曼頭」、「蒸餅」「籠餅」、「饅頭」、「蠻頭」，都係無餡嘅。

唐代之後，饅頭細咗，叫做「玉柱」、「灌漿」、「饅役」、「瞞頭」、「粳頭」，亦都係無餡。

北宋嗰時，「包子」（即係粵文入面‎嘅「中式包」）呢個詞語出現，指有餡嘅饅頭。

漢民族之外嘅類似食品

• 響菲律賓有燒包（Siopao），個樣似饅頭，內餡有豬肉、雞肉、羊肉、蝦仁、鴨仔蛋等等。
• 響日本，「中華まん」類似饅頭，最常見嘅係豬肉餡。
• 響蒙古，「Бууз」多數用羊肉絲做餡，有時都用犛牛肉。
• 響越南，餅包（bánh bao）內餡有豬肉、洋蔥、蘑菇、雞蛋、蔬菜等等。