中華民國國慶日
提示：呢篇文講嘅唔係中華民國開國紀念日。中華民國國慶日，又叫做雙十節、雙十國慶、雙十慶典，係紀念1911年10月10號武昌起義。起義之後嗰兩個月，大清帝國瓦解，共和制嘅中華民國響1912年1月1號成立。
| 中華民國114年國慶 |
 中華民國 – 2025年10月10號
|
| 距離依家重有320日 |
| 用當地時間嚟計 |
呢日係中華民國嘅法定假期，當地政府亦每年舉行慶典。而家響中國大陸以外嘅世界各地，好多華人都會響呢日舉行慶祝活動。當中美國芝加哥同埋三藩市嘅唐人街會舉行慶祝遊行，紅色嘅雙十圖案係常見嘅裝飾。
香港響1997年主權移交畀中華人民共和國之前，市民可以自行舉辦慶祝雙十節活動。1946年至1949年嘅10月10號，更曾經係香港嘅公眾假期。
1997年之前，響中華民國（中國國民黨）支持者聚居嘅地區，好似調景嶺、荃灣、長沙灣、錦田、屯門等等，街上更往往可見中華民國旗海。不過1997年之後，特區政府雖然未有明文禁止相關嘅活動，但係街上掛出嘅相關橫額、旗幟等都會畀警方以「佔用政府空間」為由拆除。
中華人民共和國唔承認中華民國喺1949年之後喺中國大陸同埋台灣嘅政權，所以官方唔會慶祝。不過，因為武昌起義推翻咗中國兩千幾年嘅封建制度，具歷史意義，官方依然集會紀念辛亥革命，重會喺會堂上高舉孫中山先生嘅遺像，讚揚孫中山先生對中華民族嘅貢獻。
睇埋
編輯
 |