丹尼士統治者(Dennis Dominator)係一款由英國丹尼士車廠出嘅後置引擎巴士,亦係丹尼士喺1970年代重返英國巴士市場而推出嘅第一款巴士,1977年亮相。

丹尼士統治者
Dennis Dominator

丹尼士統治者

丹尼士統治者無軌電車
製造廠丹尼士車廠
邊道出英格蘭Guildford
取代咗
製造年份1977年—1996年
後繼產品單層:丹尼士獵鷹
雙層:丹尼士飛箭
主要對手單層:
利蘭National
雙層:
利蘭Atlantean
利蘭Fleetline
Bristol VRT
艾莎富豪B55
利蘭泰坦(B15)
利蘭奧林比安
都城嘉慕威曼都城巴士
Scania BR112DH
富豪Citybus
Scania N112
Scania N113
DAF DB250
富豪奧林比安
規格
9.5米、10.3米、11米
2.5米
引擎吉拿
勞斯萊斯
DAF
康明斯L10
波箱Voith DIWA
Maxwell

設計 編輯

丹尼士統治者嘅設計同當年嘅後置引擎雙層巴士有啲似,引擎都係打橫擺喺車尾,而散熱水箱就擺喺車頭。佢嘅基本機械配搭係吉拿6LXB引擎加Voith DIWA 851波箱。不過佢亦曾經配其他型號嘅吉拿引擎,同埋勞斯萊斯、DAF以及康明斯L10引擎,另外亦有啲係配其他波箱包括Maxwell等等。

架車初時有丹尼士自製嘅U形尾軸同埋GKN尾軸可以揀,後來丹尼士尾軸嘅選擇取消咗。避震方面,初時係用葉片彈簧,1980年加入氣墊懸掛嘅選擇,1983年起氣墊懸掛成為標準。

丹尼士統治者通常都係整成雙層巴士,不過喺1978至1980年亦有啲係整成單層巴士。

英國 編輯

丹尼士統治者喺英國有多間市營巴士公司同埋國營嘅Passenger Transport Executive買,其中以South Yorkshire PTE(家下嘅First South Yorkshire)買得最多,總共有超過三百架,當中包括一架喺1985年交貨嘅無軌電車,另外Leicester City Transport(家下嘅First Leicester)亦買咗百幾架。

不過自1986年起英國政府開始公營交通服務私有化,丹尼士統治者喺英國嘅銷路一路下跌,去到1994至1995年英國更係冇一架新嘅丹尼士統治者巴士投入服務。最後4架喺1996年付運畀Guildford & West Surrey。

喺英國嘅統治者雙層巴士可以用東蘭開夏亞歷山大(包括被英國巴士公司廣泛採用嘅RH/RL型車身)或Northern Counties車身,部分早期嘅統治者巴士更採用Marshall、Willowbrook車身。而單層版就配東蘭開夏或Marshall車身。

出口市場 編輯

香港中華巴士喺1979年引入一架配東蘭開夏車身嘅統治者10.3米樣辦巴士。到咗1982年,中巴再引入6架配亞歷山大RL型矮車身嘅統治者9.5米巴士,其中頭3架用葉片彈簧懸掛,之後嗰3架係用氣墊懸掛,主要行來往中環頂之間嘅15號線,以佢嘅矮車身,方便駛過山頂嘅渣甸橋。7架統治者巴士喺1996年至1997年間退役。

同樣喺香港嘅九龍巴士喺1983年至1984年間引入40架配都普金屬部分車身嘅統治者9.5米巴士。首架喺1983年聖誕夜首航,而其餘39架就喺1984年投入服務。40架統治者巴士喺2000至2001年間退役。

新加坡巴士公司(家下嘅新捷運)喺1982年接收咗1架配東蘭開夏車身同埋DAF引擎嘅統治者樣辦巴士,不過新加坡巴士公司試完之後冇要到架車。巴士隨後喺1984年運咗去香港,並喺1986年加入九巴訓練巴士車隊。

停產 編輯

丹尼士統治者喺1996年停產,總產量係1,007架。佢俾丹尼士飛箭雙層巴士取代。

出面網頁 編輯