反英雄

反英雄（粵拼：faan2 jing1 hung4；英文：antihero）係一個有關故仔同角色嘅概念，指一個角色缺乏英雄性格、但係就喺故仔當中做出英雄噉嘅行為。

舉個例說明：華利奧係一個貪錢嘅人—貪錢一般認為係英雄唔應該有嘅特徵；有一日，佢見到一班海盜捉走咗公主，而且班海盜收埋咗好多財寶，於是華利奧就出發，諗住要去搶海盜嘅財寶（唔似英雄嘅動機），到咗最後華利奧成功打低四圍作惡嘅海盜，仲順便拯救埋公主（做出英雄嘅舉動）。

呢啲角色可以係主角。

情節編輯

想像典型嘅英雄旅程式故事：

故事開場：英雄住喺一笪平凡^{[註 1]}嘅地方；讀者觀眾對佢嘅背景同為人有咗基本嘅了解；冇幾耐，英雄受到某啲形式嘅感召，叫佢出發去冒險—英雄可能自發噉想去冒險，例如英勇嘅希臘神話英雄特修斯^{[歐 1]}聽到雅典受牛頭怪危害，就自動請纓去誅牛頭怪；例如下面嘅講法：
^[1]^{:p 48} 場冒險之所以會開始，可能只係失誤... 一個人可能只係悠閒噉散緊步，行行吓遇到一啲引起佢注意、令佢離開大路嘅現象^[2]。
拒絕感召：英雄可能唔想去冒險，因為冒險始終可以係一件好危險嘅事；反英雄會缺乏特修斯嗰種捨己為人又勇敢嘅性格，可能覺得冒險冇著數所以唔想去，又或者可能佢性格懦弱驚死，寧願留喺屋企（安全嘅地方）同家人朋友一齊。但無論係點，個故仔梗會有某啲力量誘使或者迫佢去冒險，例如覺得「冒險唔夠著數」嘅英雄可能會突然收到料話冒險有奬金，而一位懦弱型嘅英雄可能會畀第個角色迫佢出發，唔想去都要去。

呢幅畫描繪《奧德修記》當中講到，奧德修斯喺海上漂流返唔到家鄉—英雄好多時寧願留喺屋企唔去冒險，但冇得揀。

↑ Campbell, J. (2008). The hero with a thousand faces (Vol. 17). New World Library.
↑ 英文原文："The adventure may begin as a mere blunder... or still, again, one may be only casually strolling when some passing phenomenon catches the wandering eye and lures one away from the frequented paths of man."