古思堯
古思堯（Koo Sze-yiu，1949年—），花名長鬚、鬚哥、饅頭堯，係香港泛民主派社運家，坐過11次監。
| 古思堯 | |
|---|---|
 | |
| 出生日 | 1949年  |
| 出生地 | 廣東 |
| 政黨 | 社會民主連線 |
[改維基數據] | |
早年生活
編輯古思堯早年喺過澳門船廠學師同埋參與當地左派陣營，喺1966年「一二·三事件」衝擊過澳葡政府，包括衝入市政廳，整爛銅像、報告板，跟住將文件同埋傢俬由二樓抌落街。之後畀戰友出賣，輾轉逃到香港定居。[1]
生平
編輯2007年5月15日喺過《蘋果日報》訪問話：「香港人太斯文，遊行好似嘉年華，應該似韓農一樣。」（指2005年香港反對世貿遊行衝突組織到香港衝擊香港會議展覽中心嘅韓國農業協會示威者）
古思堯亦同埋南方民主同盟嘅龍緯汶友善，常出席有關嘅活動。古思堯話希望香港人要起身，反對中共，結束一黨專政。
古思堯嘅老婆同仔喺大陸，喺2012年8月19日嚟香港探過佢。[2] 佢有一個仔一個女。
2012年8月15日，古思堯同埋其它香港保釣行動委員會成員一齊登上釣魚島。[3] 8月17日，團隊抵港開簡單記招嗰陣，喺電視台直播期間爆出「喂喂喂，你企開啲啦，屌你老母。」（「喂喂喂，你站遠一點啦，姦恁娘。」）[4] 嘅廣東話粗口，全句完整地喺免費電視裏面清晰播出，引起市民嘩然。[5]
2020年香港七一遊行前夕接受訪問時自爆患大腸癌末期，凈低兩年壽命。對於抗爭方式，古思堯話雖然唔支持港獨及暴力抗爭，但佢認為中國政府及港共政府嘅行為容唔落市民和平抗爭嘅空間，得更激進嘅抗爭方式先攞到成效，並勉勵年輕人唔要放棄，寄語入獄嘅年輕人唔要感到後悔同埋難過，因為造成呢樣嘅局面嘅係中港政府。[6]
2022年2月4日清晨六點幾，多名警方國安處警員喺長沙灣青山道永盛工業大廈，以涉嫌「煽動顛覆國家政權罪」拉古思堯。佢原定早上到中聯辦反北京冬季奧運會，批評中國中央政府漠視被捕嘅香港市民同埋政治人物，只顧籌辦冬奧「粉飾太平」。此外，「女長毛」雷玉蓮、中國工黨副主席陳勁松、前民主黨黨員馮競文同社運人士陳意明等四人亦被國安處警員拉走。[7][8]
2023年12月8日，多名警方國安處警員喺長沙灣青山道永盛工業大廈，以涉嫌「煽動顛覆國家政權罪」拉古思堯。佢原計劃喺2023年12月10日區選開幕式當日到選舉事務處長沙灣寫字樓請願，喺當天早上被警方國安處拘捕，並起訴佢一項「企圖作出或准備作出一項或多項具煽動意圖嘅行為」罪。[9][10]
坐監事件
編輯2008年12月，古思堯喺一次領匯示威中認打立會保安。2009年6月，香港法院判罪成，罰款2,000港元或坐七日監。結果，古思堯選擇坐監。[11]
2018年3月27日，古思堯喺東區裁判法院被裁定涉於2017年7月15日悼念已故諾貝爾和平獎得主劉曉波嘅燭光遊行及10月1日國慶遊行嗰陣倒置同埋畫花中國國旗，同埋在2018年1月1日元旦遊行嗰陣畫花香港區旗，被裁定兩項侮辱國旗罪同埋一項侮辱區旗罪罪成，每項控罪各判坐兩個月監，同期執行，合共坐兩個月監。當裁判官問古會唔會自行求情時，古回答：「求情唔必要嘅啦，法律歸法律，政治歸政治」，又稱「任何後果都無所謂」，會「屢敗屢戰，坐監完再抗爭」，而佢話侮辱國旗屬佢嘅個人抗爭行為以示不滿中共，但唔希望戰友模仿。古思堯喺庭外頸掛「打倒中國新帝制」同埋「無悔第六次坐監」字句，跟住祝賀自己再入獄及同埋支持者舉杯暢飲，喺進入囚室嗰陣高叫「民主萬歲」、「人權萬歲」同埋「反對中國共產黨」口號。[12][13][14]
2021年4月13日，東區裁判法院開庭審理黃之鋒同埋古思堯2019年10月5日喺銅鑼灣參與非法集結一案[15]，古思堯因“非法集結”被判坐五個月監。[16][17][18]
2022年2月4日，佢原定喺北京冬奧開幕日抬棺材去中聯辦抗議，但未出發畀國安警拉，被控企圖作出或準備作出一項或多項具煽動意圖嘅行為罪。到同年7月12日，港區國安法指定法官、主任裁判官羅德泉指佢喺棺材寫上「打倒共產黨」、「結束一黨專政」等字句，代表推翻政府、煽動，而古思堯被捕前已準備好示威嘅運輸安排同埋通知傳媒，認為屬「企圖」行為。法官又稱被告曾經有多次被捕記錄，反映佢仍然佢仍以身試法，並利用冬奧開幕日時機採取行動，認為係將2019年發生「群體性違法行為」挑起情緒，令問題死灰復燃，最終裁定佢罪成，判坐9個月監。
他得悉判決後隨即解僱律師並自行求情，表示願意做民主人權運動的「鬥士、勇士、烈士」和「屢敗屢戰，死不悔改」。裁判官多次提醒他不要將法庭政治化，並形容他堅持示威是其自己個人選擇，並指他在犯案前已經有健康問題，不會因此而減刑。[19]
2024年2月16日，西九龍裁判法院裁定古思堯企圖作出或準備作出一項具煽動意圖嘅行為罪成，國安法指定法官蘇惠德判坐9個月監。[20][21]
參考
編輯- ↑ 〈參與澳門騷亂反遭批鬥 古思堯：堅決擁共變反共〉。原先內容歸檔喺2017-01-07。喺2016-05-23搵到。
- ↑ 二零一二年八月十九日, 香港《明報》,『古思堯﹕決心「撞散船都要搶灘」』。
- ↑ 〈日艦左右夾擊撞毀保釣船 古思堯帶頭搶灘登陸〉。新報。2012-08-16。喺2012-08-16搵到。
- ↑ Template:Cite av media
- ↑ BeeMedia。〈[AM730 專欄] 吹脹80後 - 古思堯的保釣藝術〉。《AM730 香港免費派發的報紙 (Online Edition of am730)》。原先內容歸檔喺2016-03-05。喺15 June 2015搵到。
- ↑ 〈【港版國安法】71歲古思堯患第四期直腸癌 無懼第8度坐監7.1上街反惡法〉。《Apple Daily 蘋果日報》 (中文)。2020-06-30。原先內容歸檔喺2020-11-05。喺2020-10-22搵到。
- ↑ 張得民 (2022-02-04)。〈社民連古思堯涉嫌「煽動顛覆罪」被捕〉。《香港文匯網》 (香港中文)。原著喺2022-02-18歸檔。喺2022-02-04搵到。
- ↑ 凌逸德 (2022-02-04)。〈古思堯涉嫌「煽動顛覆罪」被捕 今早原定到中聯辦抗議冬奧〉。《香港01》 (香港中文)。原著喺2022-02-23歸檔。喺2022-02-04搵到。
- ↑ 〈消息：古思尧被国安处拘捕 涉企图作出或准备作出具煽动意图行为〉。RTHK (中文)。2023-12-08。原著喺2023-12-08歸檔。喺2023-12-08搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈據悉古思堯被國安處拘捕 涉違企圖作出或準備作出具煽動意圖的行為〉。《明報》。原著喺2024-04-02歸檔。喺2023-12-08搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈明報:古思堯襲擊罪成 寧坐監不交罰款，案件編號﹕ESCC2501/09〉。原著喺2009-07-04歸檔。喺2009-07-01搵到。
- ↑ 〈古思堯涉侮辱國旗區旗囚2月 叫裁判官「唔需要對我同情」〉。頭條日報 頭條網。2018-03-28。原先內容歸檔喺2019-05-14。喺2018-03-28搵到。
- ↑ 〈古思堯侮辱國旗區旗罪成判監兩個月〉。香港電台。2018-03-28。原先內容歸檔喺2019-05-16。喺2018-03-28搵到。
- ↑ 湯庸皓 (2018-03-28)。〈古思堯再因塗污國旗被判監2月 直言國歌法立法後也會燒國歌〉。香港01。
- ↑ 〈絕症古思堯判囚5月 豪言不需法官可憐 在押戰友梁國雄憂難再見〉。《自由亞洲電台》。2021-04-13。原著喺2021-11-04歸檔。喺2021-11-01搵到。
- ↑ 〈黃之鋒因「非法集結」再獲刑4個月〉。《聯合新聞網》 (臺灣中文)。2021-04-14。原先內容歸檔喺2021-04-16。喺2021-04-14搵到。
- ↑ 〈社運人士古思堯出獄 揚言會故意違反國安法〉。《on.cc東網》 (香港中文)。2021-07-23。原著喺2021-11-01歸檔。喺2021-11-01搵到。
- ↑ 〈黃之鋒認非法集結戴口罩蒙面 古思堯否認非法集結3月受審〉。《明報新聞網》 (香港中文)。2021-01-29。原著喺2021-11-02歸檔。喺2021-11-01搵到。
- ↑ 〈古思堯抬棺至中聯辦遊行未遂被捕 裁定企圖煽動罪成判囚9個月〉。《明報》。2022-07-12。原先內容歸檔喺2022-07-14。喺2022-07-12搵到。
- ↑ 〈香港社运人士古思尧煽动罪成被判九个月〉。《联合早报》 (中文)。2024-02-16。原著喺2024-02-16歸檔。喺2024-02-16搵到。
{{cite web}}: Unknown parameter|dead-url=ignored (|url-status=suggested) (help) - ↑ 〈抬棺前被捕 古思堯企圖煽動囚9月 官斥藉抗議區選激起仇恨 旨在推翻政權〉。《明報》。2024-02-17。原著喺2024-04-02歸檔。喺2024-03-17搵到。
{{cite web}}: Unknown parameter|dead-url=ignored (|url-status=suggested) (help)